ଭୁବନେଶ୍ବର, ୨୬।୫ : ରାଜ୍ୟରେ ୩ୟ ପର୍ଯ୍ୟାୟ ନିର୍ବାଚନ ଶନିବାର ଶେଷ ହୋଇଛି। ତେବେ ରାଜ୍ୟରେ ୩ୟ ପର୍ଯ୍ୟାୟରେ ୭୪.୪୫ ପ୍ରତିଶତ ମତଦାନ ହୋଇଛି। ପୋଷ୍ଟାଲ ବାଲାଟକୁ ବାଦ୍ ଦେଇ ଉପରୋକ୍ତ ପ୍ରତିଶତ ମତଦାନ ହୋଇଛି ବୋଲି ସିଇସି କାର୍ଯ୍ୟାଳୟରୁ ଜଣାପଡିଛି। ତେବେ ସମ୍ବଲପୁର ଲୋକସଭା ଆସନରେ ସର୍ବାଧିକ ଭୋଟିଂ ହୋଇଥିବା ବେଳେ ଭୁବନେଶ୍ବର ସଂସଦୀୟ କ୍ଷେତ୍ରରେ ସବୁଠାରୁ କମ୍ ମତଦାନ ହୋଇଛି।

 ସମ୍ବଲପୁର ସଂସଦୀୟ କ୍ଷେତ୍ରରେ ୭୯.୫୦ ପ୍ରତିଶତ ମତଦାନ ହୋଇଛି। ସେହିପରି କେନ୍ଦୁଝର ଲୋକସଭା କ୍ଷେତ୍ରରେ ୭୮.୯୭, ଢେଙ୍କାନାଳରେ ୭୮.୦୧, ପୁରୀରେ ୭୫.୪୩, କଟକରେ ୭୧.୨୦ ପ୍ରତିଶତ ମତଦାନ ହୋଇଛି। 

ସେହିପରି ଭୁବନେଶ୍ବର ଲୋକସଭା ଆସନରେ ୬୪.୪୯ ପ୍ରତିଶତ ମତଦାନ ହୋଇଛି। ମଧ୍ୟ ଭୁବନେଶ୍ବରରେ ୫୧.୨୩ ପ୍ରତିଶତ, ଉତ୍ତର ଭୁବନେଶ୍ବର ୫୩.୯୩ ପ୍ରତିଶତ, ଏକାମ୍ର ଭୁବନେଶ୍ବରରେ ୫୬.୪୨ ପ୍ରତିଶତ ମତଦାନ ହୋଇଛି।