ମାଲକାନଗିରି/ପଡ଼ିଆ୨୪/୦୨: ମାଲକାନଗିରି ଜିଲ୍ଲା ପଡିଆ ଥାନା ଅନ୍ତର୍ଗତ ସିଲାକୋଟା ସଂରକ୍ଷିତ ଜଙ୍ଗଲ ମଧ୍ୟରେ ମାଓବାଦୀଙ୍କ ସାମଗ୍ରୀ ଜବତ ହୋଇଛି । ତଥ୍ୟ ଅନୁଯାୟୀ ଆଜି ସକାଳେ ବି.ଏସ୍‌.ଏଫ୍‌. ୧୪୨ ବାଟାଲିୟନ ଯବାନ ମାନେ ବାପନପାଲ୍ଲୀ ଓ ସିଲାକୋଟା ମଧ୍ୟରେ ଥିବା ଜଙ୍ଗଲରେ କୁମ୍ବିଂ ଅପରେସନ କରୁଥିବା ବେଳେ ସିଲାକୋଟ ସଂରକ୍ଷୀତ ଜଙ୍ଗଲର ଗୋଟିଏ ଗଛ ମୂଳେ ମାଓ ସାମଗ୍ରୀ ଥିବା ଜାଣିବାକୁ ପାଇଥିଲେ । ଉକ୍ତ ଅଂଚଳ ସର୍ଚ କରିବା ପରେ ସେହି ଅଂଚଳରୁ ତିନୋଟି ପ୍ରେସର ବୋମା, ୨୦ ମିଟର କୋଡେକ୍ସ ତାର, ୨୪ ଗୋଟି ଜିଲଟିନ ଷ୍ଟିକ୍‌, ୨ ବଣ୍ଡଲ ବିଦ୍ୟୁତ୍ ତାର ଜବତ କରିଛନ୍ତିା ତେବେ ଏହି ସାମଗ୍ରୀ ଗୁଡିକ ସିଲାକୋଟା ଜଙ୍ଗଲର ଆରମ୍ଭରୁ ୩୦୦ ମିଟରମଧ୍ୟରେ ତିନୋଟି ସ୍ଥାନରେ ସାମଗ୍ରୀ ଗୁଡିକ ମାଟି ତଳେ ପୋତା ହୋଇ ରଖା ଯାଇଥିଲ। । ପ୍ରକାଶ ଥାଉ କି, ୨୦୧୧ ମସିହାରେ ସିଲାକୋଟା ଏକଦା ମାଓବାଦୀଙ୍କ ଆଡ୍ଡା ଭାବେ ପରିଚିତ ଥିଲ। । ସିଲାକୋଟା ଜଙ୍ଗଲର ଏକ ମାଓ କ୍ୟାମ୍ପ ରେ ମାଓବାଦୀ ମାନେ ବୈଠକ କରୁଥିବା ସମୟରେ ଜବାନ ମାନଙ୍କ ଆକ୍ରମଣରେ ୧୪ଜଣ ମାଓବାଦୀଙ୍କ ମୃତ୍ୟୁ ହୋଇଥିଲା । ସେଥିରେ ମାଲକାନଗିରି ଜିଲ୍ଲାର ଅନେକ ଯୁବକ ଯୁବତୀ ମୃତ୍ୟୁବରଣ କରିଥିଲୋ ତେବେ ଏହି ଜବତ ସାମଗ୍ରୀ ଗୁଡିକ ବହୁ ବର୍ଷ ପୂର୍ୱରୁ ଜବାନ ମାନଙ୍କୁ ଟାର୍ଗେଟ କରି ମାଟି ତଳେ ପୋତା ହୋଇଥିବା ସନ୍ଦେହ କରା ଯାଉଛି ।