ନୂଆଦିଲ୍ଲୀ ୧୮/୧୧: ଭାରତ-ଅଷ୍ଟ୍ରେଲିଆ ବିଶ୍ୱକପ୍‌ ଫାଇନାଲ୍‌ ପୂର୍ବରୁ ମିଚେଲ ମାର୍ଶଙ୍କ ୫ମାସ ତଳର ଭବିଷ୍ୟବାଣୀ ଏବେ ସୋସିଆଲ୍‌ ମିଡିଆରେ ଭାଇରାଲ୍‌ ହେବାରେ ଲାଗିଛି । ଗତ ମେ’ ମାସ ଆଇପିଏଲ୍‌ ସମୟରେ ତାଙ୍କୁ ବିଶ୍ୱକପ୍‌ ଫାଇନାଲ୍‌କୁ ନେଇ  ଭବିଷ୍ୟବାଣୀ କରିବାକୁ କୁହାଯାଉଥିଲା ।  ସେତେବେଳେ ମାର୍ଶ ଭାରତ-ଅଷ୍ଟ୍ରେଲିଆ ମଧ୍ୟରେ ଫାଇନାଲ୍‌ ଏବଂ ଦଳଗତ ସ୍କୋର ବିଷୟରେ  କହିଥିଲେ । 

ସେ କହିଥିଲେ, ଅଷ୍ଟ୍ରେଲିଆ ଅପରାଜେୟ ରହିବ । ଭାରତକୁ ପରାଜିତ କରିବ । ଫାଇନାଲ୍‌ରେ ଅଷ୍ଟ୍ରେଲିଆ ଇନିଂସ୍‌  ୨/୪୫୦ ଏବଂ ଭାରତ ୬୫ରେ ଅଲଆଉଟ୍‌  ହେବ ।’ ମାର୍ଶଙ୍କ ଭବିଷ୍ୟବାଣୀ ଅନୁସାରେ  ଭାରତ ଓ ଅଷ୍ଟ୍ରେଲିଆ ଫାଇନାଲ୍‌ରେ ପ୍ରବେଶ  କରିଛନ୍ତି । କେବଳ ଦଳଗତ ସ୍କୋରକୁ ଅପେକ୍ଷା  ରହିଛି । 

ସୂଚନାଯୋଗ୍ୟ, ଭାରତ କ୍ରମାନ୍ୱୟରେ  ୧୦ଟି ମ୍ୟାଚ୍‌ ଜିତିଥିବାବେଳେ ଅଷ୍ଟ୍ରେଲିଆ  ୧୦ଟିରୁ ୭ଟି ଜିତିବାରେ ସଫଳ ହୋଇଛି ।