ନୂଆଦିଲ୍ଲୀ : ଫିନଟେକ୍ ଫର୍ମ ଭାରତପେର କୋ-ଫାଉଣ୍ଡର ଅଶ୍ନୀର ଗ୍ରୋଭର ଓ ତାଙ୍କ ପତ୍ନୀ ମାଧୁରୀ ଜୈନଙ୍କୁ ଦେଶ ଛାଡି ଯିବାରେ ଲାଗିଛି ରୋକ୍। ଏହିଦୁଇ ଜଣଙ୍କ ବିରୋଧରେ ଜାରି ଲୁକ୍ ଆଉଟ୍ ସର୍କୁଲର (ଏଲଓସି)ର ଆଧାରରେ ଏହି ନିଷ୍ପତ୍ତି ନିଆଯାଇଛି। ଇଟିର ରିପୋର୍ଟରେ ସୂତ୍ରାନୁସାରେ କୁହାଯାଇଛି କି , ଏହି ଦମ୍ପତି ଗୁରୁବାର ନ୍ୟୁୟର୍କ ପାଇଁ ପ୍ରସ୍ଥାନ କରୁଥିଲେ, ସେତେବେଳେ ଦିଲ୍ଲୀର ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ ଏୟାରପୋର୍ଟରେ ତାଙ୍କୁ ରୋକି ଦିଆ ଯାଇଥିଲା।
ଆସନ୍ତୁ ମାମଲା ବିଷୟରେ ଜାଣିବା – କହି ରଖୁଛୁ କି, ଦିଲ୍ଲୀ ପୁଲିସର ଆର୍ଥିକ ଅପରାଧ ଶାଖା (ଇଓଡବ୍ଲ୍ୟୁ)ର ଅନୁରୋଧରେ ଅଶ୍ନୀର ଗ୍ରୋଭର ଓ ତାଙ୍କ ପତ୍ନୀ ମାଧୁରୀ ଜୈନଙ୍କ ବିରୋଧରେ ଲୁକ୍ ଆଉଟ୍ ନୋଟିସ୍ ଜାରି କରାଯାଇ ଥିଲା। ଏହା ପୂର୍ବରୁ ଜୁନ୍ ମାସରେ ଇଓଡବ୍ଲ୍ୟୁ ଟଙ୍କାର ଦୁରୁପଯୋଗ ଓ ଭାରତପେ ଚଲାଉଥିବା ରେଜିଲିଏଣ୍ଟ ଇନୋଭେସନ ପ୍ରାଇଭେଟ୍ ଲିମିଟେଡ୍କୁ ୮୧ କୋଟି ଟଙ୍କାର କ୍ଷତି ପହଞ୍ଚାଇବାର ଅଭିଯୋଗରେ , ଏହି ଦମ୍ପତିଙ୍କ ବ୍ୟତୀତ ପରିବାରର ଆଉ କିଛି ସଦସ୍ୟଙ୍କ ବିରୋଧରେ ଏଫଆଇଆର ରୁଜୁ କରି ଥିଲା।
ମିଡ଼ିଆ ରିପୋର୍ଟ ମୁତାବିକ, ଦିଲ୍ଲୀ ପୁଲିସର ଆର୍ଥିକ ଅପରାଧ ଶାଖା ଅନୁସାରେ, ଭାରତପେର ପରିଚାଳନାରେ କଥିତ ବିତ୍ତୀୟ ଅନିୟମିତତାର ଖୁଲାସା ହୋଇଛି। ଗ୍ରୋଭରଙ୍କ ପରିବାର ସହ ଜଡ଼ିତ ୮ଜଣ ଏଚଆର କନ୍ସସଲଟାନ୍ସି ଫର୍ମ-ଟ୍ରୁ ୱାର୍କ କମ୍ପାନୀ , ଟିମ୍ ସୋର୍ସ ଓ ଇମ୍ପଲ୍ସ ମାର୍କେଟିଂ ବନ୍ଦ ବ୍ୟାଙ୍କ ଆକାଉଣ୍ଟ ସହ ବିଲ୍ ଦାଖଲ କଲେ , ଯାହା ଚାଲାଣର ସମ୍ଭାବିତ ଜାଲିଆତିର ସଙ୍କେତ ଦେଉଛି। ଯାଞ୍ଚରେ ଜଣାପଡ଼ିଛି କି, ଏହି ସବୁ ଅଲଗା ଅଲଗା ସଂସ୍ଥା ଗୋଟିଏ ହିଁ ରେଡିଷ୍ଟର୍ଡ ଠିକଣା ସେୟାର କରିଥିଲେ , ଯେଉଁଠିରେ ଏହାର ବୈଧବା ଓ ସ୍ୱତନ୍ତ୍ରତା ନେଇ ଚିନ୍ତା ଜନକ ସ୍ଥିତି ସୃଷ୍ଟି ହୋଇଛି।
ଏହି ମଧ୍ୟରେ ଅଶ୍ନୀର ଗ୍ରୋଭର ଏକ ଟ୍ୱିଟ୍ରେ ଏସବିଆଇର ପୂର୍ବତନ ଚେୟାରମ୍ୟାନ ରଜନୀଶ ଅଗ୍ରୱାଲଙ୍କ ଉପରେ ବର୍ଷିଛନ୍ତି। ଅଶ୍ନୀର ଗ୍ରୋଭର ଟ୍ୱିଟରେ କହିଛନ୍ତି , ଆରମ୍ଭରୁ ଏକ ବଡ଼ ବ୍ୟବସାୟୀ ହେବା ସବୁଠୁ ମୁସ୍କିଲ କାମ। କୌଣସି ଏକ ବ୍ୟବସାୟକୁ ଉତ୍ତରାଧିକାରୀ ଭାବେ ପାଇବା ଓ ତାକୁ ସେହି ସ୍ତରରେ ଚଲାଇବା ଏବେ ବି କଠିନ। ସାବାସ୍ , ରଜନୀଶ କୁମାର। ମୋର ସନ୍ଦେହ କି, ଚେୟାରମ୍ୟାନ ଭାବେ ଏସବିଆଇରେ ୮ ବିଲିୟନ ଡଲାର ଓ ଭାରତପେରେ ୩ ବିଲିୟନ ଡଲାର ନଷ୍ଟ କରିବା, ଆପଣଙ୍କ ବିଶ୍ୱ ରେକର୍ଡ ମୋ ବିରୋଧରେ ମାମଲାର କୁକୁଡ଼ିରେ ଲୁଚି ଯାଇପାରେ।
