ଫୁଲବାଣୀ, ୨୫/୦୯: ବଲିଉଡ୍ ସୁପର ଷ୍ଟାର ସୁନୀଲ ସେଟ୍ଟୀ ଫ୍ୟାନ କ୍ଲବର ସଦସ୍ୟ ତଥା ଫୁଲବାଣୀ ସହର କେନ୍ଦୁପଦର ନିବାସୀ ରିଣ୍ଟୁନ ନାୟକଙ୍କ ପାଖକୁ ଜନ୍ମଦିନର ଶୁଭେଚ୍ଛା ସହ ଉପହାର ପଠାଇଛନ୍ତି । ସେ ଲଞ୍ଚ କରିଥିବା ମେଟାମ୍ୟାନ ବ୍ରାଣ୍ଡର ଅଳଙ୍କାର ଉପହାର ପଠାଇଛନ୍ତି ।
ସୂଚନାଯୋଗ୍ୟ, କୋଭିଡ ସମୟରେ ସୁନୀଲ ସେଟ୍ଟୀଙ୍କ ଦ୍ୱାରା ଚାଲିଥିବା ସହାୟତା କାର୍ଯ୍ୟକ୍ରମରେ ସାମିଲ ହୋଇ ରିଣ୍ଟୁନ ଏକ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲେ। ଏଥିପାଇଁ ତାଙ୍କୁ ମୁମ୍ବାଇ ନିମନ୍ତ୍ରଣ କରି ସୁନୀଲ ସମ୍ବର୍ଦ୍ଧିତ କରିଥିଲେ । ଓଡିଶାରୁ ଏକମାତ୍ର ବ୍ୟକ୍ତି ଭାବେ ସେ ଏହି ସୁଯୋଗ ପାଇଥିଲେ । ସୁନୀଲ ସେଟ୍ଟୀଙ୍କ ପାଖରୁ ଏଭଳି ଜନ୍ମଦିନର ଶୁଭେଚ୍ଛା ଓ ଉପହାର ପାଇବାକୁ ଜୀବନର ଏକ ବଡ଼ ଉପଲବ୍ଧି ବୋଲି କହିଛନ୍ତି ରିଣ୍ଟୁନ ।
