ନୂଆଦିଲ୍ଲୀ : ଦେଶର ଅଧିକାଂଶ ରାଜ୍ୟରେ ପୁଣି ପ୍ରବଳ ଥଣ୍ଡା ଫେରିବ। ଉତ୍ତର ଭାରତରେ ଦିନରେ ଖରା ପଡ଼ୁଛି , ଯେଉଁଥିରେ ଲୋକଙ୍କୁ ମୁକ୍ତି ମିଳୁଛି। ହେଲେ ଏ ମଧ୍ୟରେ ପଶ୍ଚିମା ଝଡ଼ ଯୋଗୁଁ ଆଜି ଠାରୁ ୫ ଫେବ୍ରୁଆରୀ ଯାଏ ଅର୍ଥାତ୍ ତିନି ଦିନ ଯାଏ ଅନେକ ରାଜ୍ୟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ପାଣିପାଗ ବିଭାଗ କହିଛି କି, ଉତ୍ତର ପଶ୍ଚିମ ଓ ମଧ୍ୟ ଭାରତରେ ଏହି ବର୍ଷା ହେବ। ଏହି ସମୟରେ ପଞ୍ଜାବ, ହରିଆଣା ,ଚଣ୍ଡିଗଡ଼ , ଦିଲ୍ଲୀ , ଉତ୍ତରାଖଣ୍ଡ , ଉତ୍ତରୀ ରାଜସ୍ଥାନ , ଉତ୍ତରୀ ମଧ୍ୟ ପ୍ରଦେଶ , ଉତ୍ତର ପ୍ରଦେଶ ଓ ସବ୍ ହିମାଳୟୀ ପଶ୍ଚିମବଙ୍ଗ ଓ ସିକ୍କିମ୍ରେ ସର୍ବନିମ୍ନ ତାପମାତ୍ରା ୬ରୁ୧୦ ଡିଗ୍ରୀ ସେଲସିୟସ୍ ମଧ୍ୟରେ ରେକର୍ଡ କରାଯାଉଛି। ଆଜି ସବୁଠୁ କମ୍ ତାପମାତ୍ରା ହରିଆଣାର କରନାଲରେ ୫.୪ଡିଗ୍ରୀ ସେଲସିୟସ୍ ରହିଛି।
ମୌସୁମୀ ବିଭାଗ କହିଛି କି, ଜମ୍ମୁ କାଶ୍ମୀର , ଲଦ୍ଦାଖ, ଗିଲଗିଟ ,ବଲ୍ଟିସ୍ତାନ , ହିମାଚଳ ପ୍ରଦେଶ , ଉତ୍ତରାଖଣ୍ଡରେ ୩ ଓ ୪ ଫେବ୍ରୁଆରୀରେ ହାଲକାରୁ ମଧ୍ୟମ ଧରଣ ବର୍ଷା ଓ ବରଫପାତ ହେବ। ୫ଫେବ୍ରୁଆରୀରେ ମଧ୍ୟ ଝିପିଝିପି ବର୍ଷାର ସତର୍କ ସୂଚନା ରହିଛି। ଏହା ବ୍ୟତୀତ ପଞ୍ଜାବ, ହରିଆଣା,ଚଣ୍ଡିଗଡ଼ , ଦିଲ୍ଲୀ, ରାଜସ୍ଥାନରେ ୩ ଓ ୪ ଫେବ୍ରୁଆରୀରେ ବର୍ଷାର ସମ୍ଭାବନା ରହିଛି। ଏହା ବ୍ୟତୀତ ଏହି ସବୁ ରାଜ୍ୟରେ କୁଆପଥର ବର୍ଷିବାର ସୂଚନା ରହିଛି। ୟୁପିରେ ମଧ୍ୟ ୪ ଓ ୫ ଫେବ୍ରୁଆରୀରେ ବର୍ଷା ଓ କୁଆପଥର ବର୍ଷାର ଚେତାବନୀ ରହିଛି।
ଅନ୍ୟପଟେ ଥଣ୍ଡା ଓ କୁହୁଡ଼ି କଥା ଯଦି କହିବା ତ ପଞ୍ଜାବ, ହରିଆଣା, ଚଣ୍ଡିଗଡ଼ , ଦିଲ୍ଲୀରେ ୫ ଓ ୬ ଫେବ୍ରୁଆରରେ ଘନ କୁହୁଡ଼ି ଜାରି ରହିବ। ଓଡ଼ିଶା, ଆସାମ, ମୋଘାଳୟ, ନାଗାଲ୍ୟାଣ୍ଡ, ମଣିପୁର , ମିଜୋରାମ , ତ୍ରିପୁରାରେ ୪ ଓ ୫ ଫେବ୍ରୁଆରୀରେ କୁହୁଡ଼ିର ସ୍ଥିତି ଜାରି ରହିବ। ଅନ୍ୟପଟେ ହିମାଚଳ ପ୍ରଦେଶରେ ୩ଓ ୪ ଫେବ୍ରୁଆରୀରେ ଦିନ ଥଣ୍ଡା ରହିବାର ସତର୍କ ସୂଚନା ଜାରି କରାଯାଇଛି। ଏହାସହ ଥଣ୍ଡାକୁ ନେଇ ପାଣିପାଗ ବିଭାଗ ଜଣାଇଛି ଖୁସି ଖବର କି ଆଗାମୀ ଦିନରେ ଥଣ୍ଡା ପାଗରେ ହ୍ରାସ ଘଟିବ।
