ଶ୍ରୀହରିକୋଟା, ୦୨/୦୯: ଆନ୍ଧ୍ର ପ୍ରଦେଶର ଶୀହରିକୋଟା ସତୀଶ୍ ଧାୱନ ମହାକାଶ କେନ୍ଦ୍ରର ୨ ନମ୍ବର ଲଞ୍ଚ ପ୍ୟାଡରୁ ଇସ୍ରୋ ପିଏସ୍ଏଲଭି ରକେଟର ସଫଳ ଉତକ୍ଷେପଣ କରିଛି । ଆଦିତ୍ୟ ଏଲ୍-୧କୁ ପିଏସ୍ଏଲଭି ରକେଟ୍ ଅନ୍ତରୀକ୍ଷରେ ଛାଡ଼ିବ ।
ଏହା ପ୍ରାୟ ୪ ମାସରେ ପୃଥିବୀରୁ ପ୍ରାୟ ୧୫ ଲକ୍ଷ କିଲୋମିଟର ଦୂର ଲାଗରେଞ୍ଜ ପଏଣ୍ଟ-୧ ବା ଏଲ୍-୧ ପଏଣ୍ଟର ଚାରିପାଖେ ଘୂରି ସୂର୍ଯ୍ୟରେ ଉଠୁଥିବା ଝଡ଼କୁ ବୁଝିବ । ଏଥିସହ ମ୍ୟାଗ୍ନେଟିକ୍ ଫିଲ୍ଡ ବା ଚୁମ୍ବକୀୟ କ୍ଷେତ୍ର, କ୍ରୋମୋସ୍ଫିୟର, ଫଟୋସ୍ଫିୟର ସମେତ ସୋଲାର ୱିଣ୍ଡ୍ ଭଳି ଘଟଣାକୁ ମଧ୍ୟ ଏହା ଅଧ୍ୟୟନ କରିବ । ଆଦିତ୍ୟ ଏଲ୍-୧ରେ ୭ଟି ପେଲୋଡ୍ ଲାଗିଛି । ଏହାକୁ ସୂର୍ଯ୍ୟ ଏବଂ ପୃଥିବୀ ମଧ୍ୟରେ ହେଲୋ ଅର୍ବିଟରେ ସ୍ଥାପନ କରାଯିବ ।
କେତେ ଶକ୍ତିଶାଳୀ ଆଦିତ୍ୟ L1କୁ ଅନ୍ତରୀକ୍ଷରେ ଅବସ୍ଥାପିତ କରିବାକୁ ଥିବା ପିଏସ୍ଏଲଭି ରକେଟ୍ ?
ଏଲ୍-୧ ପଏଣ୍ଟର ଚାରିପାଖରେ ଥିବା କକ୍ଷପଥକୁ ହେଲୋ ଅର୍ବିଟ କୁହାଯାଏ । ଏହି ଅର୍ବିଟରେ ରଖା ଯାଉଥିବା ସାଟେଲାଇଟ ବା ଉପଗ୍ରହ ସୂର୍ଯ୍ୟକୁ ବିନା କୌଣସି ଗ୍ରହଣରେ ଲଗାତର ଦେଖିପାରିବ । ଆଦିତ୍ୟ ଏଲ୍-୧ ବାସ୍ତବ ସମୟ ସୋଲାର ଆକ୍ଟିଭିଟି ବା ସୌର କାର୍ଯ୍ୟକଳାପ, ସୌରଝଡ଼ ଏବଂ ମହାକାଶର ପାଣିପାଗ ଉପରେ ମଧ୍ୟ ନଜର ରଖିବ ।
ଏଥିରେ ଥିବା ପେଲୋଡ୍ କୋରୋନାଲ ହିଟିଂ, କୋରୋନାଲ୍ ମାସ୍ ଇଜେକ୍ସନ, ପ୍ରି-ଫ୍ଲେୟାର ଏବଂ ଫ୍ଲେୟାର ଆକ୍ଟିଭିଟିର ବିଶେଷତ୍ୱ, କଣିକାଗୁଡ଼ିକର ଗତିବିଧି ସହ ମହାକାଶୀୟ ପାଣିପାଗକୁ ଭଲ ଭାବେ ବୁଝିବା ଦିଗରେ ତଥ୍ୟ ଦେବ । ସୂର୍ଯ୍ୟର ଉପର ବାୟୁମଣ୍ଡଳ ଉପରେ ଏହି ମିଶନ ଜରିଆରେ ଅଧ୍ୟୟନ କରାଯିବ । ସୂର୍ଯ୍ୟର କ୍ରୋମୋସ୍ଫିୟର, କୋରୋନା ହିଟିଂ, ଆଂଶିକ ଭାବେ ଆୟୋନାଇଜ୍ ହେଉଥିବା ପ୍ଲାଜମା , କୋରୋନାଲ ମାସ୍ ଇଜେକ୍ସନ ଇନ୍ଫ୍ଲେସନ ଅଫ୍ ଫ୍ଲେୟାର ପଛରେ ଥିବା ପଦାର୍ଥ ବିଜ୍ଞାନକୁ ଏହା ମାଧ୍ୟମରେ ବୁଝାଯିବ ।
ସୌର କୋରୋନାରେ ଚୁମ୍ବକୀୟ କ୍ଷେତ୍ର ବାବଦରେ ତଥ୍ୟ ହାସଲ ସହ ମହାକାଶୀୟ ପାଣିପାଗର ପରିଚାଳକ ଯଥା ସୌର ପ୍ରବାହର ଉତ୍ପତ୍ତି, ସଂରଚନା ଏବଂ ଗତିଶୀଳତା ଉପରେ ମଧ୍ୟ ଏହି ମିଶନ ଜରିଆରେ ଅଧ୍ୟୟନ କରାଯିବ ।
କେଉଁ ଏଜେନ୍ସି କରିଛି ସୂର୍ଯ୍ୟ ମିଶନ, ଜାଣନ୍ତୁ କିଏ ହୋଇଥିଲେ ସୂର୍ଯ୍ୟଙ୍କ ସବୁଠୁ ନିକଟତର..
PSLV ରକେଟର ଉଚ୍ଚତା ୧୪୫.୬୨ ଫୁଟ୍ ହୋଇଥିବା ବେଳେ ଉତକ୍ଷେପଣ ବେଳେ ଏହାର ଓଜନ ୩୨୧ ଟନ୍ ରହିବ । ଏହି ରକେଟର ୪ଟି ଭାଗ ରହିଛି । ଆଦିତ୍ୟ ଏଲ୍-୧କୁ ପିଏସଲଏଭି ରକେଟ ପୃଥିବୀର ନିମ୍ନ କକ୍ଷରେ ଛାଡ଼ିବ । ଯାହାର ସର୍ବନିମ୍ନ ଦୂରତା ପୃଥିବୀ ଠାରୁ ୨୩୫ କିଲୋମିଟର ଏବଂ ସର୍ବାଧିକ ଦୂରତା ୧୯, ୫୦୦ କିଲୋମିଟର ରହିବ ।
ଆଦିତ୍ୟ ଏଲ୍-୧ର ଓଜନ ୧୪୮୦.୭ କିଲୋଗ୍ରାମ୍ । ଉତକ୍ଷେପଣର ପ୍ରାୟ ୬୩ ମିନିଟ୍ ପରେ ରକେଟରୁ ଅଲଗା ହୋଇଯିବ ଆଦିତ୍ୟ ଏଲ୍-୧ ସ୍ପେଶକ୍ରାଫ୍ଟ । ମାତ୍ର ୨୫ ମିନିଟରେ ପିଏସ୍ଏଲଭି-ଏକ୍ସଏଲ୍ ରକେଟ୍ ଆଦିତ୍ୟକୁ ନିର୍ଦ୍ଧାରିତ କକ୍ଷରେ ପହଞ୍ଚାଇ ଦେବ । ଏହା ଏହି ରକେଟର ଲମ୍ବା ଉଡ଼ାଣ ମଧ୍ୟରୁ ଅନ୍ୟତମ ହେବ ।
ଇସ୍ରୋର ବୈଜ୍ଞାନିକଙ୍କ ଅନୁସାରେ, ରକେଟ୍ ପାଇଁ ସ୍ୱତନ୍ତ୍ର ଆରେଞ୍ଜମେଣ୍ଟ ଅଫ୍ ପରିଜି କରାଯାଇଛି । ଏଥିପାଇଁ ରକେଟର ଚତୁର୍ଥ ପର୍ଯ୍ୟାୟ ଗୋଟିଏ ଥରରେ ଆଦିତ୍ୟକୁ ନିର୍ଦ୍ଧାରିତ ଅର୍ବିଟରେ ପହଞ୍ଚାଇବ ନାହିଁ । ପ୍ରଥମେ ୩୦ ସେକେଣ୍ଡ ଅନ୍ ହେବ । ଆଦିତ୍ୟ ନିର୍ଦ୍ଧାରିତ ଏଓପି ହାସଲ୍ କରିବା ପରେ ହିଁ ଚତୁର୍ଥ ଷ୍ଟେଜ୍ ତାକୁ ଛାଡ଼ିବ ।
ଓଡ଼ିଶାର ୭ ସାମଗ୍ରୀକୁ ମିଳିବ ଜିଆଇ ଟ୍ୟାଗ୍, ସ୍ୱୀକୃତି ଅପେକ୍ଷାରେ ଖଜୁରି ଗୁଡ଼,ମଗ୍ଜି ଲଡୁ
