ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଭଦ୍ରକ ଲୋକସଭା ଆସନ ପାଇଁ ଯୁବନେତାଙ୍କ ମଧ୍ୟରେ ଲଢ଼େଇ ! ପଦ୍ମରୁ ଅଭିମନ୍ୟୁ ନା ସୂର୍ଯ୍ୟବଂଶୀ ? ଶଙ୍ଖରୁ ମୁକ୍ତିକାନ୍ତ ନା ମଂଜୁଲତା

ଭଦ୍ରକ,୨୭/୧୧: ଯୁବ ନେତା ହେବେ ସାଂସଦ । ଏଭଳି ଯୁବ ନେତାଙ୍କ ଉପରେ ଭଦ୍ରକ ଲୋକସଭା ଆସନର ଭାର ଦେବାକୁ ସବୁ ଦଳର ଷ୍ଟ୍ରାଟେଜି ରହିଛି । ଚର୍ଚ୍ଚା ଭିତରେ ବିଜେପି ସବୁଠୁ ଆଗରେ ରହିଛି । କିଏ ସେହି ଯୁବ ନେତା । ପୂର୍ବତନ ମନ୍ତ୍ରୀ ତଥା ଭଦ୍ରକର ଭେଟରାନ ଲିଡର ସ୍ୱର୍ଗତ ଅର୍ଜୁନ ଚରଣ ସେଠୀଙ୍କ ପୁଅ ଅଭିମନ୍ୟୁ ନା ବର୍ତ୍ତମାନର ଧାମନଗର ବିଧାୟକ ବିଧାୟକ ସୂର୍ଯ୍ୟବଂଶୀ ସୂରଜ । ଏଭଳି ଚର୍ଚ୍ଚା ଭିତରେ ଭାରତୀୟ ଜନତା ପାର୍ଟିରୁ ଆଉ ଜଣକ ନାଁ ବି ଯୋଡ଼ି ହୋଇଯାଇଛି । ସେ ହେଉଛନ୍ତି ପୂର୍ବତନ ବିଧାୟକ ତଥା ବିଜେଡିରୁ ବିତାଡ଼ିତ ନେତା ରାଜେନ୍ଦ୍ର ଦାସ । ତିନି ନେତାଙ୍କୁୁ ନେଇ ପଦ୍ମ ପୋଖରୀ ଉଛୁଳୁଛି । ଚର୍ଚ୍ଚାର ଶୀର୍ଷରେ ରହିଛନ୍ତି ଅଭିମନ୍ୟୁ । 

ଦୀର୍ଘଦିନର ବିଜେଡି ସହ ସମ୍ପର୍କ ତୁଟାଇ ରାତାରାତି ଅର୍ଜୁନ ଚରଣ ସେଠୀ ବିଜେପି ଶିବିରକୁ ଲମ୍ଫ ମାରିଥିଲେ । ୨୦୧୯ରେ ଦଳରୁ ଭଦ୍ରକ ସାଂସଦ ଟିକଟ ମହିଳା ପ୍ରାର୍ଥୀ ଭାବେ ମଞ୍ଜୁଲତା ମଣ୍ଡଳଙ୍କ ନାଁ ଘୋଷଣା ହେବାର କିଛି କ୍ଷଣ ଭିତରେ ଅଜୁର୍ନ ପଦ୍ମ ଶିବିରକୁ ପଟୁଆର ଧରି ଚାଲିଗଲେ । ପୁଅ ଅଭିମନ୍ୟୁକୁ ଧରି ଲୋକସଭାର ସବୁ ବିଧାନସଭା ନିର୍ବାଚନମଣ୍ଡଳୀର ମାରାଥାନ ପ୍ରଚାର କଲେ । ନବାଗତ ଯୁବନେତା ଅଭିମନ୍ୟୁକୁ ବି ଭୋଟର ଗ୍ରହଣ କରିଥିଲେ । ଅଳ୍ପକେ ହାରିଗଲେ । ମାତ୍ର ୨୯ ହଜାର ଭୋଟ ପଛରେ ରହିଥିଲା ପଦ୍ମ ଦଳ । ସମୁଦାୟ ଭୋଟରୁ ୪ ଲକ୍ଷ ୮୪ ହଜାର ୨୫୪ ଖଣ୍ଡ ଅଭିମନ୍ୟୁ ପାଇଥିବା ବେଳେ ମଞ୍ଜୁଲତା ଆଉ ୨୯ ହଜାର ଭୋଟ ଅଧିକ ପାଇ ବିଜୟୀ ହୋଇଥିଲେ । ସେବେଠୁ ଅଭିମୁନ୍ୟ ଚୁପ୍‌ ବସିନାହାନ୍ତି । ଲଗାତର ବାପାଙ୍କ ପଦାଙ୍କ ଅନୁସରକଣ କରି ତାଙ୍କରି ଭଳି ସଙ୍ଗଠନ ସଜାଡ଼ିବାରେ ଲାଗିଛନ୍ତି । 

ଶାସକ ବିଜେଡିର ଗୋଷ୍ଠୀ କନ୍ଦଳ କିଛି ନିର୍ବାଚନମଣ୍ଡଳୀରେ ରହିଥିବା ବେଳେ ସେଥିରୁ ଭରପୁର ଫାଇଦା ଅଭିମନ୍ୟୁ ନେବାକୁ ଗୋଟି ଚାଳନା କରୁଛନ୍ତି । ବିଜେପି ‘ମୋ ଦେଶ, ମୋ ମାଟି’ କାର୍ଯ୍ୟକ୍ରମରେ ସେ ସର୍ବାଧିକ ଗାଁ ବୁଲି ମାଟି ସଂଗ୍ରହ କରିଥିବା ଦଳୀୟ ମହଲରେ ଚର୍ଚ୍ଚା ହେଉଛି । ଭଦ୍ରକ ଲୋକସଭାକୁ ବିଜେପି କଳେବଳେ ହାସଲ କରିବାକୁ ଲାଗି ପଡ଼ିଥିବା କୁହାଯାଉଛି । ଅଭିମନ୍ୟୁଙ୍କୁ ନେଇ ତାଙ୍କ ସମର୍ଥକ ବେଶ୍‌ ଉତ୍ସାହିତ ଥିବା ବେଳେ ବେଳେ ପଦ୍ମ ଦଳର ଅନ୍ୟ କେତେକ ବିଶେଷଜ୍ଞ ଭିନ୍ନ ମତ ରଖୁଛନ୍ତି । ସେମାନଙ୍କ ମତରେ ଅଭିମନ୍ୟୁଙ୍କଠାରୁ ବର୍ତ୍ତମାନର ବିଧାୟକ ସୂର୍ଯ୍ୟବଂଶୀ ଅଧିକ ପପୁଲାର୍‌ । ଏଣୁ ତାଙ୍କୁ ପ୍ରାର୍ଥୀ କରାଯାଉ । ସୂର୍ଯ୍ୟବଂଶୀ ପ୍ରାର୍ଥୀ ହେଲେ ଭଦ୍ରକ ଲୋକସଭା ଭୋଟ ହାର ଭଲ ହେବା ସହ ତାର ପ୍ରଭାବ ବିଧାନସଭା ଉପରେ ପଡ଼ିବ । ବିଜେପିର ପତିଆରା ବଢ଼ିବ । ବିଜେପିର ଏଭଳି ଭିଲିରି ଚର୍ଚ୍ଚାରେ ପୁଣି ପୂର୍ବତନ ବିଧାୟକ ତଥା ବିଜେଡିରୁ ବାହାରିଥିବା ରିବେଲ ରାଜୁଙ୍କ କଥା ବି ଆଲୋଚନା ପରିସରକୁ ପଶୁଛି । ସୂର୍ଯ୍ୟବଶୀଙ୍କୁ ଦଳ ଲୋକସଭା ପଠାଇଲେ, ରାଜୁ ଧାମନଗର ବିଧାନସଭାରୁ ଠିଆ ହେଲେ ଉଭୟେ ପାରି ହୋଇଯିବେ । ଏଭଳି ଗଣିତ ଭିତରେ ବାବୁ ସୂର୍ଯବଂଶୀ ବି ଧାମନଗର ଭଳି ନିଜ ନେଉଟିଆ କିଆରି ଛାଡ଼ି ଲୋକସଭାରେ ରିସ୍କ ନେବାକୁ ଆଗଭର ନାହାନ୍ତି ବୋଲି ତାଙ୍କ ସମର୍ଥକ କହୁଛନ୍ତି । ତଥାପି ଯଦି ଏଭଳି ହୁଏ ତେବେ ଅଭିମନ୍ୟୁଙ୍କୁ ଦଳ କେଉଁଠି ଥଇଥାନ କରିବ । ଏଭଳି ପ୍ରଶ୍ନ ପଦ୍ମ ଶିବିରରେ ଚକ୍କର ମାରୁଛି । ତଥାପି ବିଜେପିରୁ ସୂର୍ଯ୍ୟବଂଶୀ ନା ଅଭିମନ୍ୟୁ କିଏ ପାଇବ ଲୋକସଭାର ପଦ୍ମ ଟିକଟ୍‌? ଏଭଳି କୁହେଳିକା ଭିତରେ ଅଭିମନ୍ୟୁ ହିଁ ଚୂଡ଼ାନ୍ତ ବୋଲି ତାଙ୍କ ସମର୍ଥକ ଦାବି କରୁଛନ୍ତି । 

ଏବେ ଆସିବା ବିଜେଡି ପ୍ରସଙ୍ଗକୁ । ବର୍ତ୍ତମାନ ସାଂସଦ ମଞ୍ଜୁଲତା ମଣ୍ଡଳ ଦ୍ୱିତୀୟ ପାଳିରେ ଛିଡ଼ା ହେବାକୁ ଅନିଚ୍ଛା ପ୍ରକାଶ କରୁଥିବା ବିଜେଡିରେ ଅନେକ ପୁରୁଖା ନେତା ମତ ରଖିଛନ୍ତିି । ପୁଣି ବିଜେଡି ବି ଆଉ ଭଦ୍ରକ ଲୋକସଭାରେ ମହିଳା କାର୍ଡ ନ ଖେଳିବାକୁ କୁଆଡ଼େ ନିଷ୍ପତ୍ତି ନେଇଛି । ଏଭଳି ଚର୍ଚ୍ଚା ଭିତରେ ବର୍ତ୍ତମାନ ସାଂସଦଙ୍କ ସ୍ୱାମୀ ତଥା ବିଜେଡିର ଟାଣୁଆ ନେତା, ପୂର୍ବତନ ବିଧାୟକ ମୁକ୍ତିକାନ୍ତ ମଣ୍ଡଳ ନିଜେ ଲୋକସଭାରେ ପ୍ରାର୍ଥୀ ହେବା ପାଇଁ ଦଳ ବାଧ୍ୟ କରିପାରେ ବୋଲି କଥା ଉଠିଛି । ମୁକ୍ତିବାବୁ ବିଧାୟକ ହେବାକୁ ଅଧିକ ଆଗ୍ରହୀ ବୋଲି ଅନେକ କହୁଥିବା ବେଳେ ତାଙ୍କୁ ଦଳ ସାଂସଦ ପ୍ରାର୍ଥୀ କରି ସାରା ଲୋକସଭାରେ ଶଙ୍ଖ ସଙ୍ଗଠନ ସୁଦୃଢ଼ କରିବାର ଯୋଜନା ରଖିଛି । କାହିଁକି ନା ମୁକ୍ତି ବାବୁଙ୍କ ସବୁ ବିଧାନସଭାରେ ବହୁ ସମର୍ଥକ ରହିଛନ୍ତି । ବର୍ତ୍ତମାନର ଭଦ୍ରକ ଜିଲ୍ଲା ପରିଷଦ ଅଧ୍ୟକ୍ଷ ଥିବା ପ୍ରଫୁଲ୍ଲ ଯେନା ବି ଆଶାୟୀ ରହିଛନ୍ତି । 

ଅନ୍ୟତମ ଯୁବନେତା ତଥା ସାମ୍ବାଦିକ ରାଜେନ୍ଦ୍ର ପ୍ରସାଦ ଯେନା ବି ସାଂସଦ ପ୍ରାର୍ଥୀ ଦୌଡ଼ରେ ରହିଥିବା ତାଙ୍କ ସମର୍ଥକ କହି ଭିତିରିଆ ପ୍ରଚାର ପ୍ରସାର ଆରମ୍ଭ କରିଛନ୍ତି । ଅନ୍ୟତମ ଦଳ ଭାବେ ଜାତୀୟ କଂଗ୍ରେସରୁ ପୂର୍ବତନ ସାଂସଦ ଅନନ୍ତ ସେଠୀଙ୍କ ଝିଅ ମଧୁମିତା ସେଠୀ ଲୋକସଭା ପ୍ରାର୍ଥୀ ହେବା ଏକରକମ ଫାଇନାଲ୍‌ । ଯଦିଓ କଂଗ୍ରେସରୁ ଅନ୍ୟ କେହି ଆଶାୟୀ ଏବେ ସୁଧା ଚର୍ଚ୍ଚାରେ ନାହାନ୍ତି । ମଧୁମିତା ହିଁ ହାତ ଚିହ୍ନରେ ସର୍ବାଦୃତ ଥିବା କୁହାଯାଉଛି । ଏଣୁ ଭଦ୍ରକ ଲୋକସଭାରେ ଏଥର ଯୁବନେତାଙ୍କୁ ନେଇ ଲଢ଼େଇ ଘମାଘୋଟ ହେବ । ତାହା ସ୍ପଷ୍ଟ ବୁଝା ପଡ଼ୁଛି । ପଦ୍ମ ଓ ଶଙ୍ଖ ଭିତରେ କଡ଼ା ଟକ୍କର ହେଉଥିବା ବେଳେ ଉଭୟ ଦଳର କନ୍ଦଳରୁ କଂଗ୍ରେସ ଫାଇଦା ନେବାକୁ ଚାହିଁ ବସିଛି ।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.