କାଶୀପୁର : କାଶୀପୁର ବ୍ଲକର ମେଗା ପାନୀୟ ଜଳପ୍ରକଳ୍ପ ପାଇଁ ଆସିଥିବା ଲକ୍ଷାଧିକ ଟଙ୍କାର ପିଭିସି ପାଇପ୍ ନିଆଁରେ ପୋଡ଼ି ପାଉଁଶ ହୋଇ ଯାଇଛି। ଖୁରି ଗାଁ ପଞ୍ଚାୟତ ସଦରର ଏକ ସ୍ଥାନରେ ଗଚ୍ଛିତ ଥିବା ପାଇପ୍ରେ ଆଜି ସନ୍ଧ୍ୟାରେ କୌଣସି କାରଣରୁ ନିଆଁ ଲାଗିଯାଇ ଥିଲା।ତୁରନ୍ତ କାଶୀପୁର ପୁଲିସ ଏବଂ ଦମକଳ ବାହିନୀଙ୍କୁ ଖବର ଦିଆଯାଇ ଥିଲା। କିନ୍ତୁ ଖୁରିଗାଁ ଠାରୁ ପ୍ରାୟ ଚାରି କିଲୋମିଟର ଦୂରରେ ଥିବା ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରାଯାଇ ଥିବାର ଜଣାଯାଇଛି।
ନିଆଁ ଲାଗିବାର ପ୍ରକୃତ କାରଣ ଜଣାପଡ଼ି ନାହିଁ। କିନ୍ତୁ ଅଗ୍ନିଶମ ବାହିନୀ ପହଞ୍ଚିବା ପୂର୍ବରୁ ଲକ୍ଷାଧିକ ଟଙ୍କାର ପାଣିପାଇପ ପୋଡ଼ି ପାଉଁଶ ହୋଇ ଥିବାର ଖବର ମିଳିଛି।