ନୂଆଦିଲ୍ଲୀ, ୦୪/୧୧: ନଭେମ୍ବର ୩୦ରେ ତେଲଙ୍ଗାନାରେ ମତଦାନ ହେବ । ନିର୍ବାଚନ ପୂର୍ବରୁ ଏବିପି ନ୍ୟୁଜ୍ ଓ ସି-ଭୋଟର ଜନମତ ସର୍ଭେର ଫଳାଫଳ ଆସିଛି । ଜନମତ ସର୍ଭେ ଅନୁସାରେ, ତେଲଙ୍ଗାନା ଗଠନ ପରଠାରୁ ଲଗାତାର ତୃତୀୟ ଥର ପାଇଁ ସଂଖ୍ୟା ଗରିଷ୍ଠତା ହାସଲ କରିପାରେ କେସିଆରଙ୍କ ବିଆରଏସ୍ ।
୨୦୧୪ରେ ତେଲଙ୍ଗାନା ସ୍ୱତନ୍ତ୍ର ରାଜ୍ୟ ମାନ୍ୟତା ପାଇବା ପରଠାରୁ କେ ଚନ୍ଦ୍ରଶେଖର ରାଓ ମୁଖ୍ୟମନ୍ତ୍ରୀ ରହି ଆସିଛନ୍ତି । ୨୦୧୪ ଓ ୨୦୧୮ରେ କେସିଆରଙ୍କ ଟିଆରଏସ୍ କ୍ଷମତାକୁ ଆସିଥିବା ବେଳେ ଇତିମଧ୍ୟରେ ଦଳ ବିଆରଏସ୍ ନାମରେ ନାମିତ ହୋଇଛି । ତେଲଙ୍ଗାନାର ଚଳିତ ବିଧାନସଭା ନିର୍ବାଚନରେ ତ୍ରିମୁଖୀ ପ୍ରତିଦ୍ୱନ୍ଦ୍ୱୀତା ହେଉଥିବା ବେଳେ ଆଗରେ ଅଛନ୍ତି ବିଆରଏସ ଓ କଂଗ୍ରେସ ।
ଭୋଟିଂର ୩ ଦିନ ପୂର୍ବରୁ ଛତିଶଗଡ଼ରେ ଲାଲ୍ ହିଂସା, ପ୍ରଚାର ବେଳେ ବିଜେପି ନେତାଙ୍କୁ ହତ୍ୟା କଲେ ମାଓବାଦୀ
ଯଦି ସର୍ଭେ ଫଳାଫଳ ସତ ହୁଏ ତ କେସିଆର ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଗାଦିରେ ବସିବେ । ସର୍ଭେ ଫଳାଫଳ ଅନୁସାରେ, ଯଦିଓ କଂଗ୍ରେସ କ୍ଷମତାକୁ ଆସିବ ନାହିଁ ତଥାପି ୨୦୨୪ ପୂର୍ବରୁ କର୍ଣ୍ଣାଟକ ପରେ ଦଳକୁ ବଳ ଦେବ ତେଲଙ୍ଗାନା । ବିଆରଏସ୍ ପରେ କଂଗ୍ରେସ ତେଲଙ୍ଗାନାରେ ଦ୍ୱିତୀୟ ସଂଖ୍ୟା ଗରିଷ୍ଠ ଦଳ ଭାବେ ଉଭା ହେବ ବୋଲି ସର୍ଭେରୁ ଜଣାପଡ଼ିଛି ।
କର୍ଣ୍ଣାଟକରେ ରାହୁଲ୍ ଗାନ୍ଧୀଙ୍କ କିମିଆ କାମ ଦେଇଥିବାରୁ ଦଳ ସମାନ ସୂତ୍ର ଆପଣାଇଛି ତେଲଙ୍ଗାନାରେ । ରାହୁଲ ଗାନ୍ଧୀ ତେଲେଙ୍ଗାନାରେ କ୍ରମାଗତ ସାଧାରଣ ସଭା କରିବା ସହ ଅନେକ ପ୍ରତିଶ୍ରୁତି ଦେଇଛନ୍ତି । ସର୍ଭେ କହୁଛି, ତେଲଙ୍ଗାନାରେ ବିଜେପି କମ୍ ଆସନ୍ ପାଇବା ସହ ଭୋଟ୍ ପ୍ରତିଶତ କମିବ ।
ସେମିଫାଇନାଲ୍ ରେସରେ ପାକିସ୍ତାନ, ଫଖର ଜମାନଙ୍କ ଅପରାଜିତ ଶତକ, ହାରିଲା ନ୍ୟୁଜିଲାଣ୍ଡ
ମୋଟ ୧୧୯ ଆସନ ବିଶିଷ୍ଟ ତେଲଙ୍ଗାନାରେ କଂଗ୍ରେସକୁ ୩୯ ପ୍ରତିଶତ, ବିଜେପି ୧୪ ପ୍ରତିଶତ, ବିଆରଏସ୍ ୪୧ ପ୍ରତିଶତ ଓ ଅନ୍ୟ ଦଳ ୬ ପ୍ରତିଶତ ଭୋଟ୍ ପାଇବେ ବୋଲି ସର୍ଭେ କହୁଛି । ସେହିଭଳି ୧୧୯ ଆସନରୁ କଂଗ୍ରେସକୁ ୪୩ରୁ ୫୫, ବିଜେପିକୁ ୫ରୁ ୧୧, ବିଆରଏସକୁ ୪୯ରୁ ୬୧ ଓ ଅନ୍ୟ ଦଳକୁ ୪ରୁ୧୦ ଆସନ ମିଳିପାରେ ।
ତେଲଙ୍ଗାନାରେ ସରକାର ଗଢ଼ିବା ଲାଗି ବହୁମତ ହେଉଛି ୬୦ । ସର୍ଭେର ଆକଲନ ଅନୁସାରେ, କେସିଆରଙ୍କ ବିଆରଏସ୍ ଏହି ସଂଖ୍ୟା ଛୁଇଁପାରେ । ତେଲଙ୍ଗାନା ବିଧାନସଭା ନିର୍ବାଚନ ଫଳାଫଳ ରାଜସ୍ଥାନ, ମଧ୍ୟପ୍ରଦେଶ, ମିଜୋରାମ ଓ ଛତିଶଗଡ଼ ସହ ଡିସେମ୍ବର ୩ରେ ପ୍ରକାଶ ପାଇବ ।
