ନୂଆଦିଲ୍ଲୀ,୭।୯: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଶନିବାର ଜମ୍ମୁ-କଶ୍ମୀରରେ ବିଜେପିର ନିର୍ବାଚନୀ ବିଗୁଲ ବଜାଇଛନ୍ତି। ଜମ୍ମୁର ଏକ ରାଲିକୁ ସମ୍ବୋଧିତ କରି ଶାହ ବିଧାନସଭା ନିର୍ବାଚନ ପରେ ଜମ୍ମ-କଶ୍ମୀରକୁ ରାଜ୍ୟ ପାହ୍ୟା ଦେବାର ଆଶ୍ବାସନା ଦେଇଛନ୍ତି। ନ୍ୟାସନାଲ କନଫ୍ରେନ୍ସ-କଂଗ୍ରେସ ମେଣ୍ଟକୁ ଟାର୍ଗେଟ କରି ଶାହ ଅଭିଯୋଗ କରିଛନ୍ତି ସେମାନେ ଜମ୍ମୁ-କଶ୍ମୀରକୁ ପୁଣିଥରେ ଆତଙ୍କବାଦର ନିଆଁରେ ପକାଇବାକୁ ଚେଷ୍ଟା କରୁଛନ୍ତି। ହେଲେ କେନ୍ଦ୍ର ସରକାର କେନ୍ଦ୍ର ଶାସିକ ରାଜ୍ୟରେ ଆତଙ୍କବାଦ ଘଟଣାରେ ୭୦% ହ୍ରାସ ଘଟିଛି। ଶାହ ପାର୍ଟି କର୍ମୀଙ୍କୁ କହିଛନ୍ତି, ନ୍ୟାସନାଲ କନଫ୍ରେନ୍ସ ଓ କଂଗ୍ରେସ କେବେ ବି ଜମ୍ମୁ-କଶ୍ମୀର‌ରେ ସରକାର ଗଠନ କରିପାରିବେନି, ଏ ବିଷୟରେ ଆଶ୍ବସ୍ଥ ରୁହନ୍ତୁ।’

ଗୃହମନ୍ତ୍ରୀ ଶାହ ଏହା ମଧ୍ୟ କହିଛନ୍ତି ଯେ, ଏହା ଭାରତର ପତାକା ଓ ସମ୍ବିଧାନ ଅନୁସାରେ ହେଉଥିବା ପ୍ରଥମ ନିର୍ବାଚନ ଓ ତେଣୁ ଏହା ଏକ ଐତିହାସିକ ସୁଯୋଗ। ଏହି ସମୟରେ ସେ କଂଗ୍ରେସ ଓ ନ୍ୟାସନାଲ କନଫ୍ରେନ୍ସ ଉପରେ ପୁରୁଣା ବ୍ୟବସ୍ଥା ଲାଗୁ କରିବାର ଅଭିଯୋଗ କରିଛନ୍ତି। ଶାହ ୧୮ ସେପ୍ଟେମ୍ବରରୁ ଆରମ୍ଭ ହେବାକୁ ଥିବା ତିନୋଟି ପର୍ଯ୍ୟାୟରେ ବିଧାନସଭା ନିର୍ବାଚନ ପାଇଁ ବିଜେପିର ନିର୍ବାଚନ ଅଭିଯାନର ଆରମ୍ଭ କରିବା ପାଇଁ ଦୁଇ ଦିବସୀୟ ଗସ୍ତରେ ଜମ୍ମୁରେ ଅଛନ୍ତି।

ଅମିତ ଶାହ ରାଲିକୁ ସମ୍ବୋଧିତ କରି କହିଛନ୍ତି, କଂଗ୍ରେସ ପାର୍ଟି ଗୁଜ୍ଜର, ପାହାଡି, ବକରଓ୍ବାଲ ଓ ଦଳିତ ସଂରକ୍ଷଣକୁ ଛଡେଇ ନେବାକୁ ଚାହାନ୍ତି। ସେ କହିଛନ୍ତି, ରାହୁଲ ବାବା ଯେତେ ଚେଷ୍ଟା କଲେ ବି ଆମେ ଗୁଜ୍ଜର, ପାହାଡି, ବକରଓ୍ବାଲା ଓ ଦଳିତଙ୍କ ସଂରକ୍ଷଣ ହାତରେ ଲଗାଇବାକୁ ଦେବୁନି। ୩୭୦ ହଟିବା ପରେ ୭୦ ବର୍ଷ ପରେ ଜମ୍ମୁ-କଶ୍ମୀରର ମହିଳାଙ୍କୁ ଅଧିକାର ମିଳିଛି। କଂଗ୍ରେସ ଏନ୍‌ସି ଏହି ଅଧିକାର ଛଡେଇବାକୁ ଚାହାନ୍ତି।’