ନୂଆଦିଲ୍ଲୀ,୩୧/୮ : କେନ୍ଦ୍ରମନ୍ତ୍ରୀ ଗିରିରାଜ ସିଂହଙ୍କ ଉପରେ ଆକ୍ରମଣ । ବେଗୁସରାୟର ବଲିୟାରେ ଆକ୍ରମଣ ହୋଇଛି । ସେ ବଲିୟାରେ ଜନତା ଦରବାର ହଲରୁ ଯେତେବେଳେ ବାହାରୁଥିଲେ ଜନୈକ ଯୁବକ ଆକ୍ରମଣ କରିଥିଲେ । ଗିରିରାଜ ସିଂହ ବେଗୁସରାୟର ସାଂସଦ ଅଟନ୍ତି । ଆକ୍ରମଣରେ କେନ୍ଦ୍ରମନ୍ତ୍ରୀଙ୍କୁ କୌଣସି ପ୍ରକାରର ଆଘାତ ଲାଗିନାହିଁ । ସେ ସମ୍ପୂର୍ଣ୍ଣ ଭାବେ ସୁସ୍ଥ ଅଛନ୍ତି । ଗିରିରାଜ ସିଂହ ଗଣାମଧ୍ୟମକୁ କହିଛନ୍ତି କି, ଏହା ଦୁଃଖଦ ଘଟଣା ଅଟେ । ହୋଇପାରେ ଅଭିଯୁକ୍ତର ଚେହେରା ସାମ୍ନାକୁ ଆସିବା ପରେ ତେଜସ୍ବୀ ଏବଂ ଅଖିଳେଶ ଯାଦବ ତାଙ୍କ ସମର୍ଥନରେ ବାହାରିବେ । ଅଭିଯୁକ୍ତକୁ ପୋଲିସ ହେପାଜତକୁ ନେଇ ଯାଇଛି । ଏହା ମଧ୍ୟରେ ଗିରିରାଜ ସିଂହଙ୍କ ସୁରକ୍ଷାକୁ ବଢାଇ ଦିଆଯାଇଛି । ଗିରିରାଜ ସିଂହ ଆଗକୁ ଯାତ୍ରା ପାଇଁ ବାହାରି ଯାଇଛନ୍ତି ।
ପ୍ରକାଶ ଯେ, ଗିରିରାଜ ସିଂହ ବଲିୟାରେ ଜନତା ଦରବାରରେ ଲୋକଙ୍କ ସମସ୍ୟା ଶୁଣୁଥିଲେ । ଠିକ୍ ସେତେବେଳେ ଧଳା ଟୋପୀ ପିନ୍ଧି ଜଣେ ବ୍ୟକ୍ତି ସେଠାରେ ପହଞ୍ଚିଥିଲେ । ମାଇକରେ ଯାଇ ବହୁ ଏପଟସେପଟ କଥା କହିଥିଲେ । ବିଜେପି କାର୍ଯ୍ୟକର୍ତ୍ତା ଯାଇ ତାଙ୍କୁ ଅଟକାଇବାକୁ ପ୍ରୟାସ କରିଥିଲେ ତ ଗିରିରାଜ ସିଂହଙ୍କ ଆଡ଼କୁ ଦୌଡ଼ିବାକୁ ଲାଗିଥିଲେ ଏବଂ ତାଙ୍କୁ ମୁଥ ମାରିବାକୁ ପ୍ରୟାସ କରିଥିଲେ । କିନ୍ତୁ ସେଠାରେ ଥିବା ସୁରକ୍ଷା କର୍ମୀ ତାଙ୍କୁ ଧରି ନେଇଥିଲେ । ଯୁବକଙ୍କ ପରିଚୟ ମୋହମ୍ମଦ ସାଫି ବୋଲି ଜଣାପଡ଼ିଛି ଏବଂ ସେ ଓ୍ବାର୍ଡ଼ ପରିଷଦ ଥିବା କୁହାଯାଉଛି ।
ଆକ୍ରମଣ ପରେ ଗିରିରାଜ ସିଂହ କହିଛନ୍ତି କି ଏଭଳି ଲୋକଙ୍କୁ ଡରିବା ଆବଶ୍ୟକ ନାହିଁ । ଓ୍ବାକଫ ବୋର୍ଡ଼ ଯାଗା ହଡ଼ପ ଅଭିଯାନ ଚଲାଉଛି । ଯେଉଁ ସ୍ଥାନ ଉପରେ କବ୍ଜା କରିବାକୁ ଚାହୁଁଛି କରି ନେଉଛି । ବେଗୁସରାୟ ସହ ପୁରା ଦେଶରେ ଏଭଳି ଚାଲୁଛି । ରାହୁଲ ଗାନ୍ଧୀ, ତେଜସ୍ବୀ ଏବଂ ଅଖିଳେଶ ଯାଦବ ଭୋଟର ସୌଦାଗର ଅଟନ୍ତି ଏବଂ ସବୁବେଳେ ଏଭଳି ଲୋକଙ୍କୁ ବଞ୍ଚାଇବାକୁ ଆଗକୁ ଆସିଥାନ୍ତି ।
