କୋଣାର୍କ ,୧୮।୩ : ହୁସିଆର ସୂର୍ଯ୍ୟମନ୍ଦିରରେ ମାତିଛନ୍ତି ବାଘୁଆ ମହୁମାଛି। ଏହି ମହୁମାଛି ଆକ୍ରମଣରେ ଶତାଧିକ ପର୍ଯ୍ୟଟକମାନେ ଆହତ ହୋଇଛନ୍ତି। ସୋମବାର ମହୁମାଛି ଆକ୍ରମଣରୁ ବଞ୍ଚିବା ପାଇଁ ପର୍ଯ୍ୟଟକମାନେ  ବିକଳରେ ମନ୍ଦିର ଭିତରୁ ଦୈାଡି ପଳାଇ ଆସିଥିଲେ। ଅଧିକାଂଶ ପର୍ଯ୍ୟଟକ ଟିକେଟ କରି ମନ୍ଦିର ବୁଲି ନପାରି ନିରାଶ ମନରେ ଫେରିଯାଇଛନ୍ତି। ଏଏସଆଇ ବିଭାଗର ଅପାରଗତା ଯୋଗୁଁ ଏଭଳି ଅବସ୍ଥା ଉପୁଜିଥିବା ଅଭିଯୋଗ କରିଛନ୍ତି ପର୍ଯ୍ୟଟକ।

ଦିନ ପାଖାପାଖି ୧ଟା। ଦୂରଦୂରାନ୍ତରୁ ଆସିଥିବା ପର୍ଯ୍ୟଟକମାନେ କୋଣାର୍କ ମନ୍ଦିର ଭିତରେ ବୁଲୁଥିବା ସମୟରେ ଜଗମୋହନରେ ବଡ଼ ମହୁଫେଣାରୁ ହଠାତ୍ ମହୁମାଛିମାନେ ବାହାରି ପର୍ଯ୍ୟଟକମାନଙ୍କୁ ଗୋଡେଇ ମାରିଥିଲେ। ଏଏସଆଇ କର୍ମଚାରୀ ଓ ସୁରକ୍ଷା କର୍ମୀ ନିରୁପାୟ ହୋଇ ଦେଖଣାହାରୀ ସାଜିଥିଲେ। ଏଏସଆଇର ଅପାରଗତା ଓ ତ୍ରୁଟିପୂର୍ଣ୍ଣ ପରିଚାଳନ ଯୋଗୁଁ କେତେବେଳେ ଟିକେଟକୁ ନେଇ ତ କେତେବେଳେ ମହୁମାଛି ଆକ୍ରମଣ ପରିସ୍ଥିତି ସୃଷ୍ଟି ହେଉଥିବା ଅଭିଯୋଗ ଆଣିଛନ୍ତି ଅଞ୍ଚଳବାସୀ। ଏଥିପ୍ରତି ବିଭାଗ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।