ଭୁବନେଶ୍ୱର, ୧୪।୦୫ : ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନ ନେଇ ୫-ଟି ଅଧ୍ୟକ୍ଷ ଭି.କେ ପାଣ୍ଡିଆନଙ୍କ ପ୍ରତିକ୍ରିୟା। ଭି.କେ ପାଣ୍ଡିଆନ କହିଛନ୍ତି ଯେ, ୨୮ ସିଟ୍ରୁ ୨୪ ସିଟ୍ରେ ବିଜେଡି ଜିତିବ। ଗତଥର ୨୦ଟି ଆସନ ଜିତିଥିଲୁ, ଏଥର ୨୪ଟି ଆସନରେ ଜିତିବୁ। ୪ଟି ପର୍ଯ୍ୟାୟରେ ବିଜେଡି କ୍ଲିନ୍ ସ୍ବିପ୍ କରିବ। ଏବେ ରାଜ୍ୟରେ ଅଛି ନବୀନ ୱେଭ୍। ମୁଖ୍ୟମନ୍ତ୍ରୀଙ୍କ ଭଲ କାମ ଓ ଲୋକପ୍ରିୟତା ପାଇଁ ଦଳ ଜିତିବ। ଲୋକସଭାରେ ପୂର୍ବ ତୁଳନାରେ ଅଧିକ ସିଟ୍ ଜିତିବୁ।
ସେପଟେ ପ୍ରଥମ ପର୍ଯ୍ୟାୟ ନିର୍ବାଚନରେ ସମସ୍ତ ୪ଟି ଲୋକସଭା ଜିତିବା ସହ ୨୮ ବିଧାନସଭା ଆସନରୁ ୧୮ଟିରେ ଜିତିବା ନେଇ ବିଜେପିର ଦମ୍ଭୋକ୍ତି । ମୋଟ ୨୧ ଲୋକସଭା ମଧ୍ୟରୁ ୧୬ରୁ ଅଧିକ ଲୋକସଭା ଜିତିବୁ ବୋଲି କହିଛନ୍ତି ରାଜ୍ୟ ବିଜେପି ନିର୍ବାଚନ ପ୍ରଭାରୀ ବିଜୟପାଲ ସିଂ ତୋମାର । ସେ କହିଛନ୍ତି ଯେ, ବିଧାନସଭାରେ ସ୍ପଷ୍ଟ ବହୁମତ ବିଜେପି ସପକ୍ଷରେ ଯିବ।