ଖଲ୍ଲିକୋଟ ୮/୯- ଆଜି ଅପରାହ୍ନ ୩ଟାରେ ଖଲ୍ଲିକୋଟ ଥାନା ସମ୍ମୁଖରେ ଘଟିଛି ଭୟଙ୍କର ସଡକ ଦୁର୍ଘଟଣା । ଦୁର୍ଘଟଣା ଏତେ ଜୋରରେ ହୋଇଥିଲା ଯେ, ଅଟୋଟି ସମ୍ପୁର୍ଣ୍ଣ ଭାଙ୍ଗିରୁଜି ଯାଇଥିବାବେଳେ କାରର ଦୁଇଟି ଯାକ ବେଲୁନ ବାହାରି ପଡିଥିଲା । ଅଟୋରେ ବସିଥିବା ଯାତ୍ରୀମାନେ ଛିଟିକି ଯାଇ ଅଟୋ ଆଗରେ ପଡ଼ିଥିଲେ । ମିଳିଥିବା ସୂଚନା ଅନୁଯାୟୀ, ଖଲ୍ଲିକୋଟ ଥାନା ଅନ୍ତର୍ଗତ ବାକୁଟୁ ଗାଁର କୁମୁଦିନି ଶତପଥୀଙ୍କ ଦେହ ଖରାପ ହେବାରୁ ଆଜି ଅପରାହ୍ନ ୩ ଟାରେ ସେ ଚିକିତ୍ସା ପାଇଁ ଏକ ଅଟୋ ନମ୍ବର ଓଡ଼ି ୨୨ ଆର ୧୭୪୪ ଯୋଗେ ଖଲ୍ଲିକୋଟ ମେଡ଼ିକାଲକୁ ଆସୁଥିଲେ ।ସାଙ୍ଗରେ ନାତି ଆୟୁଷ ଶତପଥୀ ଓ ଆଶାକର୍ମୀ ମମତା ଶତପଥୀ ମଧ୍ୟ ସେହି ଅଟୋରେ ଥିଲେ । ସେହି ସମୟରେ ବୁଗୁଡାରୁ ଭୁବନେଶ୍ୱର ଅଭିମୁଖେ ଆସୁଥିବା ଏକ କାର ନମ୍ବର ଓଡ଼ି ୦୨ ସି ଇ ୮୯୯୭ ଖଲ୍ଲିକୋଟ ଥାନା ସମ୍ମୁଖରେ ଟ୍ରାଫିକ ନିୟନ୍ତ୍ରଣ ପାଇଁ ରଖାଯାଇଥିବା ବ୍ୟାରିକେଡକୁ ଅତିକ୍ରମ କରିବାକୁ ଯାଇ କାର ଓ ଅଟୋ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା ।
ଧକ୍କା ଯୋଗୁଁ ଏତେ ଜୋରରେ ଶବ୍ଦ ହୋଇଥିଲା ଯେ, ନିକଟରେ ଥିବା ଅତିଥି ରେଷ୍ଟୁରାଣ୍ଟରେ ଖଲ୍ଲିକୋଟ ମିଡ଼ିଆ କ୍ଲବର ବୈଠକ ଚାଲିଥିବାବେଳେ ଶବ୍ଦ ଶୁଣି ମିଡ଼ିଆ କ୍ଲବର ସମସ୍ତ ସାମ୍ବାଦିକ ଦୌଡ଼ି ଆସିଥିଲେ । ଦୁର୍ଘଟଣାରେ ଭାଙ୍ଗିରୁଜି ଦୁଇଟି ଯାକ ଗାଡ଼ି ପଡିଥିବାବେଳେ ଆହତମାନେ ରାସ୍ତା ଉପରେ ବିଛାଡି ହୋଇ ପଡ଼ିଥିଲେ । ତୁରନ୍ତ ସାମ୍ବାଦିକମାନେ ୧୦୮ ଆମ୍ବୁଲାନ୍ସ ଓ ଅନ୍ୟ ଏକ ଅଟୋରେ ଆହତ ମାନଙ୍କୁ ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । କୁମୁଦିନି ଶତପଥୀ, ତାଙ୍କ ନାତି ଆୟୁଷ ଶତପଥୀ, ଆଶାକର୍ମୀ ମମତା ଶତପଥୀ ଓ ଅଟୋ ଡ୍ରାଇଭର ଅଶୋକ ମହାପାତ୍ର ଙ୍କ ପ୍ରାଥମିକ ଚିକିତ୍ସା ପରେ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । କାର ଡ୍ରାଇଭର ନାରାୟଣ ଗୌଡ଼ ଓ କାରରେ ବସିଥିବା କେ. ସୁଦର୍ଶନ ରେଡି ଖଲ୍ଲିକୋଟ ମେଡ଼ିକାଲରେ ଚିକିତ୍ସିତ ହେଉଛନ୍ତି । ଦୁର୍ଘଟଣାରେ ଗୁରୁତର ଆହତ ହୋଇଥିବା କୁମୁଦିନି ଶତପଥୀଙ୍କ ସ୍ୱାମୀଙ୍କ ଗତ ଚାରି ଦିନ ତଳେ ମୃତ୍ୟୁ ହୋଇଥିଲା ।
ଧକ୍କା ଯୋଗୁଁ ଏତେ ଜୋରରେ ଶବ୍ଦ ହୋଇଥିଲା ଯେ, ନିକଟରେ ଥିବା ଅତିଥି ରେଷ୍ଟୁରାଣ୍ଟରେ ଖଲ୍ଲିକୋଟ ମିଡ଼ିଆ କ୍ଲବର ବୈଠକ ଚାଲିଥିବାବେଳେ ଶବ୍ଦ ଶୁଣି ମିଡ଼ିଆ କ୍ଲବର ସମସ୍ତ ସାମ୍ବାଦିକ ଦୌଡ଼ି ଆସିଥିଲେ । ଦୁର୍ଘଟଣାରେ ଭାଙ୍ଗିରୁଜି ଦୁଇଟି ଯାକ ଗାଡ଼ି ପଡିଥିବାବେଳେ ଆହତମାନେ ରାସ୍ତା ଉପରେ ବିଛାଡି ହୋଇ ପଡ଼ିଥିଲେ । ତୁରନ୍ତ ସାମ୍ବାଦିକମାନେ ୧୦୮ ଆମ୍ବୁଲାନ୍ସ ଓ ଅନ୍ୟ ଏକ ଅଟୋରେ ଆହତ ମାନଙ୍କୁ ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । କୁମୁଦିନି ଶତପଥୀ, ତାଙ୍କ ନାତି ଆୟୁଷ ଶତପଥୀ, ଆଶାକର୍ମୀ ମମତା ଶତପଥୀ ଓ ଅଟୋ ଡ୍ରାଇଭର ଅଶୋକ ମହାପାତ୍ର ଙ୍କ ପ୍ରାଥମିକ ଚିକିତ୍ସା ପରେ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । କାର ଡ୍ରାଇଭର ନାରାୟଣ ଗୌଡ଼ ଓ କାରରେ ବସିଥିବା କେ. ସୁଦର୍ଶନ ରେଡି ଖଲ୍ଲିକୋଟ ମେଡ଼ିକାଲରେ ଚିକିତ୍ସିତ ହେଉଛନ୍ତି । ଦୁର୍ଘଟଣାରେ ଗୁରୁତର ଆହତ ହୋଇଥିବା କୁମୁଦିନି ଶତପଥୀଙ୍କ ସ୍ୱାମୀଙ୍କ ଗତ ଚାରି ଦିନ ତଳେ ମୃତ୍ୟୁ ହୋଇଥିଲା ।
