ଭୁବନେଶ୍ଵର, ୨୪/୦୪ : ଜାଲ ଦସ୍ତାବିଜରେ ସୁନ୍ଦରରାମ ଫାଇନାନ୍ସର ୧ କୋଟି ୬୪ ଲକ୍ଷ ଟଙ୍କାର ଠକେଇ ମାମଲା। ୨ ଭାଇଙ୍କୁ ଦୋଷୀ ସାବ୍ୟସ୍ତ କଲେ ବାଲେଶ୍ଵର ଓପିଆଇଡି କୋର୍ଟ। ଶଶିକାନ୍ତ ସାହୁ ଏବଂ ତାର ଭାଇ ଶ୍ରୀକାନ୍ତ ସାହୁଙ୍କୁ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି। ଶଶିକାନ୍ତଙ୍କୁ ୭ ବର୍ଷ ଜେଲଦଣ୍ଡାଦେଶ ସହ ୩ ଲକ୍ଷ ଟଙ୍କାର ଜରିମାନା ନିର୍ଦ୍ଦେଶ ଦେଇଛନ୍ତି। ଜରିମାନା ରାଶି ଅନାଦେୟ ହେଲେ ଅଧିକ ୨ ବର୍ଷ ଜେଲଦଣ୍ଡ ହେବ। ସେହିପରି ଶ୍ରୀକାନ୍ତ ସାହୁଙ୍କୁ ୫ ବର୍ଷ ଜେଲ ଦଣ୍ଡାଦେଶ ସହ ୨ ଲକ୍ଷ ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି। ଜରିମାନା ରାଶି ଅନାଦେୟ ହେଲେ ଅଧିକ ୨ ବର୍ଷ ଜେଲଦଣ୍ଡ ନିର୍ଦ୍ଦେଶ ଦେଇଛନ୍ତି।

ସୂଚନା ଅନୁସାରେ, ସୁନ୍ଦରରାମ ଫାଇନାନ୍ସର ଆଞ୍ଚଳିକ ମ୍ୟାନେଜର ଭି.କିଶୋର କୁମାର ଦୁଇ ଭାଇଙ୍କ ବିରୋଧରେ ଅଭିଯୋଗ ଆଣିଥିଲେ । ଏଥିରେ ସେ ଅଭିଯୋଗ କରିଥିଲେ ଯେ ଏନବିଏଫସି ସହ ଠକେଇ କରି ଜାଲ କାଗଜପତ୍ର ଜରିଆରେ ମିଛ ବ୍ୟକ୍ତିଙ୍କ ନାଁରେ ୧୩ଟି ଲୋନ ମାଧ୍ୟମରେ ୧ କୋଟି ୬୪ ଲକ୍ଷ ଋଣ ପ୍ରଦାନ କରିଥିଲେ ।