ମୁମ୍ବାଇ,୧୭/୫: ପଙ୍କଜ ତ୍ରିପାଠୀଙ୍କ ବହୁ ପ୍ରତୀକ୍ଷିତ ଓ୍ବେବସିରିଜ 'କ୍ରିମିନାଲ ଜଷ୍ଟିସ' ର ୩ୟ ସିଜିନକୁ ବେଶ ପସନ୍ଦ କରିଥିଲେ ଦର୍ଶକ । ସିରିଜର ୩ ସିଜିନରେ ପଙ୍କଜ ତ୍ରିପାଠୀ ଓକିଲ ମାଧବ ମିଶ୍ରଙ୍କ ଭୂମିକାରେ ଅଭିନୟ କରି ଦର୍ଶକଙ୍କ ହୃଦୟ ଜିତିଥିଲେ। ଏନେଇ ଫ୍ୟାନ୍ସ ସିରିଜର ୪ର୍ଥ ସିଜିନକୁ ଅପେକ୍ଷା କରିଥିବା ବେଳେ ନିର୍ମାତା 'କ୍ରିମିନାଲ ଜଷ୍ଟିସ ୪' ର ଟିଜର ରିଲିଜ କରିଛନ୍ତି । ଏହା ସହିତ ସିରିଜ ର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି ।
ଡିଜନି ପ୍ଲସ ହଟଷ୍ଟାର ଶୁକ୍ରବାର ଦିନ କ୍ରାଇମ ଡ୍ରାମା ସିରିଜ କ୍ରିମିନାଲ ଜଷ୍ଟିସର ୪ର୍ଥ ସିଜିନର ଘୋଷଣା କରିଛି। ଅଭିନେତା ପଙ୍ଗଜ ତ୍ରିପାଠୀ ପୁଣିଥରେ ମାଧବ ମିଶ୍ରଙ୍କ ଭୂମିକାରେ ନଜର ଆସିବେ . ପ୍ଲାଟଫ୍ରମ ଦ୍ବାରା ଜାରି ହୋଇଥିବା ପ୍ରଥମ ଝଲକରେ ଅଭିନେତା କଳା କୋର୍ଟ ପିନ୍ଧି କୋର୍ଟରେ ନଜର ଆସିଛନ୍ତି । ତେବେ ଏହି ଟିଜରକୁ ସେୟାର କରି ଡିଜନି ହଟଷ୍ଟାର କ୍ୟାପସନରେ ଲେଖିଛି ଯେ "କୋର୍ଟ ଜାରି ରହିଛି , ଆଉ ନୂଆ ସିଜିନର ମଧ୍ୟ ପ୍ରସ୍ତୁତି, ଆସୁଛନ୍ତି ମାଧବ ମିଶ୍ର , ହଟଷ୍ଟାରର ସ୍ପେଶାଲ କ୍ରିମିନାଲ ଜଷ୍ଟିସଙ୍କ ନୂଆ ସିଜିନ ସହିତ।"
ପ୍ରକାଶ ଥାଉକି, 'କ୍ରିମିନାଲ ଜଷ୍ଟିସ' ର ପ୍ରଥମ ସିଜିନ୍ ୨୦୧୮ରେ ରିଲିଜ ହୋଇଥିଲା। ଏହାକୁ ୨୦୦୮ରେ ରଲିଜ ହୋଇଥିବା ବ୍ରିଟିସ ଟେଲିଭିଜନ ସିରିଜରୁ ଅଣାଯାଇଥଲା ।ଏହା ପରେ ୨୦୨୦ ମସିହାରେ ଦ୍ୱିତୀୟ ସିଜିନ ଆସିଲା । ଏହି ସିଜିନର ନାମ ଥିଲା " କ୍ରିମିନାଲ ଜଷ୍ଟିସ -ବିହାଇମ୍ଡ କ୍ଲୋଜ ଡୋର " । ଏହା ମଧ୍ୟ ଏକ ହିଟ୍ ସିଜିନ ଥିଲା । ଏହା ପରେ, ୨୦୨୨ ମସିହାରେ ତୃତୀୟ ସିଜିନ "କ୍ରିମିନାଲ: ଅଦୁରା ସଚ" ର ତୃତୀୟ ଅଧ୍ୟାୟ ରିଲିଜ ହୋଇଥିଲା । ବର୍ତ୍ତମାନ ପ୍ରଶଂସକମାନେ ଚତୁର୍ଥ ସିଜିନର ରିଲିଜକୁ ଉତ୍ସାହର ସହିତ ଅପେକ୍ଷା କରିଛନ୍ତି ।