ନୂଆଦିଲ୍ଲୀ, ୨୦/୩ : କ୍ୟାପଟେନ ମିଲର ପରେ ସୁପରଷ୍ଟାର ଧନୁଷ ନିଜ ନୂଆ ଫିଲ୍ମର ଘୋଷଣା କରିଛନ୍ତି । ଧନୁଷ ଫିଲ୍ମରେ ସବୁବେଳେ ନିଜର ଭିନ୍ନ ଭିନ୍ନ ଭୂମିକା ଏବଂ ଅଭିନୟ ଲାଗି ଜଣାଶୁଣା । ନିଜ ଆଗାମୀ ଫିଲ୍ମରେ ବି ସେ କିଛି ଏଭଳି କରୁଥିବା ନଜର ଆସିବାରେ ଅଛନ୍ତି । ଧନୁଷଙ୍କ ଆଗାମୀ ଫିଲ୍ମ ପ୍ରସିଦ୍ଧ ସଂଗୀତକାର, ଗୀତିକାର ଏବଂ ଗାୟକଙ୍କ ବାୟୋପିକ ଅଟେ । ଯାହାର ନାଁ ଇଲାୟାରାଜା ଅଟେ । ବୁଧବାର ଇସାଇଗନାନୀ ଇଲାୟାରାଜା, ଉଲାଗା ନାୟଗନ କମଲ ହାସନ ଏବଂ ଧନୁଷ ଏହି ଫିଲ୍ମର ଘୋଷଣା କରିଛନ୍ତି । ଇସାଇଗନାନୀ ଇଲାୟାରାଜା ଏବଂ କମଲ ହାସନ ଫିଲ୍ମର ପ୍ରଥମ ପୋଷ୍ଟର ବି ରିଲିଜ କରିଛନ୍ତି ।
ଫିଲ୍ମ ଇଲାୟାରାଜାଙ୍କ ନିର୍ଦ୍ଦେଶନା ଅରୁଣ ମାଥେଶ୍ବରନ କରିବେ । ଏହା ପୂର୍ବରୁ ସେ ଧନୁଷଙ୍କ ଫିଲ୍ମ କ୍ୟାପ୍ଟେନ ମିଲରର ନିର୍ଦ୍ଦେଶନା କରିଥିଲେ । ସେହିଭଳି ଫିଲ୍ମରେ ନୀରବ ଶାହ ସିନେମାଟୋଗ୍ରାଫୀ ସମ୍ଭାଳିବେ ଏବଂ ଇସାଇଗନାନୀ ଇଲାୟାରାଜା ସଂଗୀତ ସାମ୍ଭାଳିବେ । ଧନୁଷଙ୍କ ଏହା ଏକ ପ୍ୟାନ ଇଣ୍ଡିଆ ଫିଲ୍ମ ହେବ ଯାହା ତାମିଲ, ତେଲୁଗୁ, ମଲୟାଲମ, କନ୍ନଡ଼ ଏବଂ ହିନ୍ଦୀରେ ରିଲିଜ ହେବାର ସୂଚନା ଦିଆଯାଇଛି । ଏହି ଫିଲ୍ମର ନିର୍ମାଣ କରିବା ଲାଗି କନୋକ୍ଟିକଟ ମିଡ଼ିଆ, ପିକେ ପ୍ରାଇମ ପ୍ରଡକ୍ଶନ ଏବଂ ମର୍କୁରୀ ମୁଭିଜ ହାତ ମିଳାଇଛନ୍ତି । ମୁଖ୍ୟ କଳାକାର ଏବଂ କ୍ରିୟୁ ମେମ୍ବରଙ୍କ ସୂଚନା ଆଗାମୀ ଦିନରେ ଘୋଷଣା କରାଯିବ ।
ଏହା ବ୍ୟତୀତ ଧନୁଷ ପୁଣି ଗୋଟିଏ ଫିଲ୍ମ ନେଇ ଆସିବାରେ ଅଛନ୍ତି, ଯାହାର ନାଁ ରାୟନ ଅଟେ । ଧନୁଷ ଏହି ଫିଲ୍ମର ସୁଟିଂ ୨୦୨୩ଜୁଲାଇରେ ଆରମ୍ଭ କରିଥିଲେ । ସେତେବେଳେ ଯେଉଁ ପୋଷ୍ଟର ସହ ଘୋଷଣା ହୋଇଥିଲା ସେଥିରେ ଧନୁଷଙ୍କୁ କ୍ଲିନସେଭ ଲୁକରେ ଦେଖାଯାଇଥିଲା ଏବଂ ଫିଲ୍ମର ନାଁ ଡି ୫୦କୁହାଯାଇଥିଲା । ଧନୁଷ ଶେଷ ଥର ଫିଲ୍ମ କ୍ୟାପ୍ଟେନ ମିଲରରେ ନଜର ଆସିଥିଲେ । ଏହି ଫିଲ୍ମ ସ୍ବାଧୀନତା ପୂର୍ବରୁ ଥିବା ଏକ ଆକ୍ସନ ଆଡଭେଞ୍ଚର ଡ୍ରାମା ଥିଲା । ଏଥିରେ ଶିବ ରାଜକୁମାର, ପ୍ରିୟଙ୍କା ମୋହନ, ନିବେଦିତା ସତିଶ, ଜୋନ କୋକେନ ଏବଂ ମୁର ମୁଖ୍ୟ ଭୂମିକାରେ ଥିଲେ ।