ନୀଳଗିରି,୨୮/୫ : ପଦାରେ ପଡିଲା କୁଳଡିହା ବନ ବିଭାଗର ଅପାରଗତା। ଗୋଟିଏ ପରେ ଗୋଟିଏ ହାତୀଙ୍କର ଅଭୟାରଣ୍ୟରେ ମୃତ୍ୟୁ ହୋଇ ଚାଲିଛି। ଏବେ ଟ୍ରେଞ୍ଜ୍ରେ ପଡି ପୁଣି ଏକ ହାତୀ ଗୁରୁତର ହୋଇଥିବା ଖବର ସାମ୍ନାକୁ ଆସିଛି। ହାତୀଟି ଝରଣାଘାଟି ବିଟ୍ ଚମଚଟା ଜଙ୍ଗଲ ଭିତରେ ଖୋଳା ଯାଇଥିବା ଟ୍ରେଞ୍ଜ୍ରେ ଗଳି ପଡ଼ିଛି। ତେବେ ବନ ବିଭାଗ ପାଖରେ ଏନେଇ କୌଣସି ଖୋଜ ଖବର ନଥିଲା। ଶେଷରେ ଖବର ପାଇ ସୋମବାର ନୀଳଗିରି ଅଗ୍ନିଶମ ବାହିନୀ ଏକ ଜେସିବି ସହାୟତାରେ ହାତୀକୁ ଉଦ୍ଧାର କରିଛି।
ହାତୀଟି ଅସୁସ୍ଥ ହୋଇ ଜୀବନ ମରଣ ସହିତ ସଂଘର୍ଷ କରୁଛି। ତେବେ ଅଭୟାରଣ୍ୟରେ ଗୋଟିଏ ପରେ ଗୋଟିଏ ହାତୀ ଅସୁସ୍ଥ ହେବା ଓ ଶିକାରୀ ଗୁଳିରେ ଜୀବନ ଯିବା ଘଟଣା ଏବେ ଚିନ୍ତାର ବିଷୟ ପାଲଟିଛି। ଏଭଳି ହେଲେ ଅଭୟାରଣ୍ୟରେ ହାତୀ ବଂଶ ସୂନ ହୋଇଯିବ ବୋଲି କୁହାଯାଉଛି।
