ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

‘ଆପଣ ଡାଏଲ କରିଥିବା ନମ୍ବର ଅମାନ୍ୟ ଅଟେ’...ସହାୟତା ଖୋଜୁଛି "ଜରୁରିକାଳୀନ ସହାୟତା' ନମ୍ବର

ଭୁବନେଶ୍ୱର,୧୬/୦୪: ପୁଲିସ ସହାୟତା ପାଇଁ ଡାଏଲ କରନ୍ତୁ ୧୦୦.. ଅଗ୍ନିଶମ ପାଇଁ ୧୦୧,  ଆମ୍ବୁଲାନ୍ସ ପାଇଁ ୧୦୮ ଡାଏଲ କରନ୍ତୁ । ଜରୁରିକାଳୀନ ସେବା ଯୋଗାଇଦେବାକୁ ରାଜ୍ୟ ସରକାର ଏମିତି  ଅନେକ ନମ୍ବର ଜାରି କରିଥିଲେ । ମାତ୍ର ଲୋକଙ୍କ ସୁବିଧା ପାଇଁ ଏସବୁ ନମ୍ବରକୁ ଏକାଠି କରି ୧୧୨  ଜାରି କରାଗଲା । ମାତ୍ର ଏବେ ବି ଏପରି ଆହୁରି  ଗୁଡ଼ିଏ ଜରୁରିକାଳୀନ ନମ୍ବର ରହିଛି ଯାହା ସହାୟତା ଯୋଗାଇଦେବା ବଦଳରେ ନିଜେ ସହାୟତା ଖୋଜୁଛି ।  

୨୦୨୧ ମାର୍ଚ୍ଚ ୧୯ରେ ମୁଖ୍ୟମନ୍ତ୍ରୀଙ୍କ ଦ୍ୱାରା ୧୧୨ ନମ୍ବରକୁ ଲୋକାର୍ପଣ କରାଯାଇଥିଲା । ଜରୁରିକାଳୀନ ସେବା ପାଇଁ କାମ କରୁଥିବା ଏକାଧିକ ନମ୍ବରକୁ ୧୧୨ ସହିତ ସଂଯୋଗ କରାଯାଇଥିଲା ।  ସେଥିରେ ପୋଲିସର ୧୦୦, ଅଗ୍ନିଶମ ପାଇଁ  ୧୦୧, ଆମ୍ବୁଲାନ୍ସ ପାଇଁ ୧୦୮, ମହିଳା ସହାୟତା  ପାଇଁ ୧୮୧ ନମ୍ବର ପରି ବହୁ ଜରୁରୀ ନମ୍ବରକୁ  ୧୧୨ ସହିତ ସଂଯୋଗ କରାଯାଇଛି । ଏହି ସବୁ  ନମ୍ବରକୁ ଯୋଗାଯୋଗ କଲେ ତାହା ସିଧାସଳଖ ୧୧୨କୁ ସଂଯୋଗ ହୋଇଥାଏ । ଗୋଟିଏ ନମ୍ବର  ଡାଏଲ୍‌ କଲେ ସବୁ ପ୍ରକାରର ସୁବିଧା ମିଳିଯାଉଛି ।   

କିନ୍ତୁ ଏହା ବାଦ ଆହୁରି କିଛି ଜରୁରିକାଳୀନ  ନମ୍ବରକୁ ୧୧୨ ସହିତ ଯୋଡା ଯାଇପାରି ନାହିଁ ।  ଫଳରେ ବିଭିନ୍ନ ସେବା ପାଇଁ ଉକ୍ତ ସ୍ୱତନ୍ତ୍ର ନମ୍ବରରେ  ସହାୟତା ଲାଗି କଲ୍‌ କରିବାକୁ ପଡୁଛି । ମାତ୍ର ଉକ୍ତ  ନମ୍ବର ସବୁ ସେବା ଯୋଗାଇଦେବା ବଦଳରେ ନିଜେ  ସେବା ଖୋଜୁଛନ୍ତି । କେଉଁ ନମ୍ବର ବନ୍ଦ ହୋଇଯାଇଛି  ତ ଆଉ କେଉଁ ନମ୍ବର ଅମାନ୍ୟ ଥିବା ବାର୍ତ୍ତା ଆସୁଛି ।  ଆଉ କିଛି ନମ୍ବରକୁ ଡାଏଲ କଲେ ଏହା ଭୁଲ୍‌ ବୋଲି  କହୁଛି ନହେଲ ପୁନଃଯାଞ୍ଚ କରନ୍ତୁ ବୋଲି କୁହାଯାଉଛି ।   

ସାହାଯ୍ୟ ଅପେକ୍ଷାରେ ଥିବା ନମ୍ବର ଗୁଡିକ  ଭିତରେ ରହିଛି ଆମ୍ବୁଲାନ୍ସ ଜନନୀ (୧୦୨) । ଏହି  ନମ୍ବରରେ କଲ୍‌ କଲେ ସେପଟୁ ଉତ୍ତର ଆସୁଛି ‘ଆପଣ  ଡାଏଲ କରିଥିବା ନମ୍ବର କାହାରିକୁ ଦିଆଯାଇନାହିଁ’ । ସେହିଭଳି ଦୁର୍ନୀତି ବିରୋଧୀ (୧୦୩୧) ନମ୍ବରକୁ  କଲ୍‌ କଲେ ନମ୍ବର ଅମାନ୍ୟ ଥିବା କୁହାଯାଉଛି। ରେଳ ଦୁର୍ଘଟଣା(୧୦୭୨) ଏବଂ ସଡ଼କ ଦୁର୍ଘଟଣା (୧୦୭୩)କୁ କଲ୍‌ କରାଗଲେ କୁହାଯାଉଛି ଡାଏଲ୍‌  କରିଥିବା ନମ୍ବର କାହାରିକୁ ଦିଆଯାଇନାହିଁ । ଏହି  ଜରୁରୀକାଳୀନ ନମ୍ବର ଗୁଡ଼ିକ ଅନେକ ଦିନ ହେଲା  ଅକାମୀ ହୋଇ ପଡ଼ିରହିଛି ମାତ୍ର ଏ ସଂପର୍କରେ  ବିଭାଗୀୟ ଅଧିକାରୀଙ୍କ ପାଖରେ ଖବର ନାହିଁ ।   

ଭୂକମ୍ପ ପାଇଁ ଥିବା ୧୦୯୨ ନମ୍ବରକୁ ଡାଏଲ  କଲେ ନମ୍ବର ଯାଞ୍ଚ କରନ୍ତୁ ବୋଲି କହୁଛି ।  ମୁଖ୍ୟମନ୍ତ୍ରୀଙ୍କ ସହାୟତା ନମ୍ବର (୧୦୭୬)କୁ କଲ୍‌ କଲେ ନମ୍ବରଟି ଅମାନ୍ୟ ଥିବା କହୁଛି ।  ଅପରାଧ ସ୍ଥଗିତ ନମ୍ବର (୧୦୯୦)କୁ ଯୋଗାଯୋଗ  କଲେ ଏହା ବୈଧ୍ୟ ନୁହେଁ ବୋଲି ଶୁଣିବାକୁ  ମିଳୁଛି । ଏଲ୍‌ପିଜି ଲିକ୍‌ ନମ୍ବର(୧୯୦୬) କୁ ଯୋଗାଯୋଗ କଲେ କହୁଛି ଏହି ରୁଟ୍‌ର  ସବୁ ଲାଇନ୍‌ ବ୍ୟସ୍ତ ଅଛି, କିଛି ସମୟ ପରେ  ଯୋଗାଯୋଗ କରନ୍ତୁ । ନାଗରିକ କଲ୍‌ ସେଣ୍ଟର  ନମ୍ବର(୧୫୫୩୦୦) ନମ୍ବରକୁ ଯୋଗାଯୋଗ  କଲେ କହୁଛି ଆପଣ ଡାଏଲ କରିଥିବା ନମ୍ବର  ଅମାନ୍ୟ ଅଟେ । ଏଭଳି ବହୁ ଜରୁରୀକାଳୀନ  ନମ୍ବର ଅଛି ଯାହାକୁ କଲ କଲେ କିଛି ସମୟ  ବିପ୍‌ ସାଉଣ୍ଡ ଆସିବା ପରେ କଲ କଟିଯାଉଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.