ଭୁବନେଶ୍ୱର, ୨୧।୮: ରାଜ୍ୟରେ ଆଇଏଏସ ସ୍ତରରେ ବଡଧରଣର ଅଦଳବଦଳ  କରାଯାଇଛି। ରାଜ୍ୟ  ସରକାର ୧୮ ଜଣ ବରିଷ୍ଠ ଅଧିକାରୀଙ୍କୁ ଅଦଳ ବଦଳ କରିଛନ୍ତି।  ୩ ଆରଡିସି ଓ ଏସଆରସି  ମଧ୍ୟ ବଦଳିଛନ୍ତି। ଦକ୍ଷିଣାଞ୍ଚଳ, କେନ୍ଦ୍ରାଞ୍ଚଳ ଓ ଉତ୍ତରାଞ୍ଚଳ ଆରଡିସିଙ୍କୁ ପରିବର୍ତ୍ତନ କରାଯାଇଛି।   ବି ପରମେଶ୍ବରନଙ୍କୁ କେନ୍ଦ୍ରାଞ୍ଚଳ ଆରଡିସି, ରୂପାରୋସନ ସାହୁଙ୍କୁ ଦକ୍ଷିଣାଞ୍ଚଳ ଆରଡିସି ଓ ସଚିନ ରାମଚନ୍ଦ୍ର ଯାଦବଙ୍କୁ ଉତ୍ତରାଞ୍ଚଳ ଆରଡିସି ନିଯୁକ୍ତ କରାଯାଇଛି। ଦେଓରଞ୍ଜନ କୁମାର ସିଂହଙ୍କୁ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ମୁଖ୍ୟ ସଚିବ ସହ ଏସଆରସି ଦାୟିତ୍ବ ଦିଆଯାଇଛି।

 ସେହିପରି ସତ୍ୟବ୍ରତ ସାହୁଙ୍କୁ ଗୃହ ବିଭାଗ ଅତିରିକ୍ତ ମୁଖ୍ୟ ସଚିବ ଦାୟିତ୍ବ ମିଳିଛି। ସୁରେନ୍ଦ୍ର କୁମାରଙ୍କୁ ଖଣି ଓ ଇସ୍ପାତ ବିଭାଗର ଅତିରିକ୍ତ ମୁଖ୍ୟ ସଚିବ ଭାବେ ବଦଳି କରାଯାଇଛି  । ହେମନ୍ତ ଶର୍ମାଙ୍କୁ ଶକ୍ତି ବିଭାଗ ପ୍ରମୁଖ ସଚିବ, ବିଷ୍ଣୁ ସେଠୀଙ୍କୁ  ଓଡ଼ିଆ ଭାଷା ଓ ସାହିତ୍ୟ ପ୍ରମୁଖ ସଚିବ ଭାବେ ନିଯୁକ୍ତ  କରାଯାଇଛି।  

ସେହିପରି   ଉଷା ପାଢୀ ହେଲେ ନଗର ଉନ୍ନୟନ ବିଭାଗ ସଚିବ । ଏଥିସହ ସେ ବାଣିଜ୍ୟ ଓ ପରିବହନ ସଚିବ ଦାୟିତ୍ବରେ ବି ରହିବେ। ବିଶାଳ ଗଗନଙ୍କୁ ଦିଲ୍ଲୀସ୍ଥିତ ଓଡ଼ିଶା ଆବସିକ କମିଶନର,  ଏନ୍‌ ବି ଏସ୍‌ ରାଜପୁତଙ୍କୁ ବୈଷୟିକ ଶିକ୍ଷା ପ୍ରମୁଖ ସଚିବ ଭାବେ ନିଯୁକ୍ତି ଦିଆଯାଇଛି। ଶାଳିନୀ ପଣ୍ଡିତଙ୍କୁ ପରିବର୍ତ୍ତନ କରାଯାଇ   ସ୍କୁଲ ଓ ଗଣଶିକ୍ଷା ସଚିବ  ଓ  ଅସ୍ବସ୍ଥି ଏସ୍‌ଙ୍କୁ ସ୍ବାସ୍ଥ୍ୟ ସଚିବ ଦାୟିତ୍ବ ଦିଆଯାଇଛି।  

ସେହିପରି ବଲୱନ୍ତ ସିଂହଙ୍କୁ ପର୍ଯ୍ୟଟନ ବିଭାଗ ସଚିବ,  ଯାମିନୀ ଷଡ଼ଙ୍ଗୀଙ୍କୁ  CT&GST କମିଶନର, ଏନ୍‌ ଥିରୁମାଲା ନାଏକଙ୍କୁ ବିଡିଏ ଉପାଧ୍ୟକ୍ଷ,  ସମର୍ଥ ବିଭାଗଙ୍କୁ ପର୍ଯ୍ୟଟନ ବିଭାଗ ନିର୍ଦେଶକ ଓ  ଅନନ୍ୟା ଦାସଙ୍କୁ ଓସେପାର ପ୍ରକଳ୍ପ ନିର୍ଦ୍ଦେଶକ ଦାୟିତ୍ବ ଦିଆଯାଇଛି।