ନୀଳଗିରି/ରେମୁଣା, ୨/୪ : ବାଲେଶ୍ଵର ଜିଲ୍ଲାରେ ରେମୁଣା, ଜଳେଶ୍ୱର, ସଦର ନିର୍ବାଚନ ମଣ୍ଡଳୀର ବିଜେପି ତାର ବିଧାୟକ ପ୍ରାର୍ଥୀ ଘୋଷଣା କରିଛି। ରେମୁଣାରୁ ପୁଣି ଗୋବିନ୍ଦ ଦାସଙ୍କ ଉପରେ ରାଜ୍ୟ ତଥା କେନ୍ଦ୍ର ମୁଖିଆ ଭରସା କରିଛନ୍ତି। ତାଙ୍କୁ ପୁଣି ପ୍ରାର୍ଥୀ ଭାବେ ଘୋଷଣା ପରେ ରେମୁଣା ବିଜେପି କାର୍ଯ୍ୟାଳୟରେ ଖୁସିର ଲହର ଖେଳିଯାଇଛି। ଗୋବିନ୍ଦଙ୍କ ସମର୍ଥକ ତାଙ୍କୁ ପୁଷ୍ପଗୁଛ ଦେଇ ମିଠା ଖୁଆଇ ସ୍ୱାଗତ କରିଛନ୍ତି।

ଗୋବିନ୍ଦ ୨୦୧୪ ନିର୍ବାଚନରେ ୧୩୮୨୯ ଖଣ୍ଡ ଭୋଟରେ ବିଜେଡିର ସୁଦର୍ଶନ ଜେନା ବିଜୟୀ ହୋଇଥିଲେ। ୨୦୧୯ ମସିହାରେ ସେ ବିଜେଡି ପ୍ରାର୍ଥୀ ସୁଧାଂଶୁ ଶେଖର ପରିଡାଙ୍କ ଠାରୁ ୪୧୧୮ ଖଣ୍ଡ ଭୋଟରେ ପରାସ୍ତ ହୋଇଥିଲେ। ତେବେ ଆଜି ପୁଣି ତାଙ୍କୁ ପ୍ରାର୍ଥୀ ଭାବେ ଘୋଷଣା ପରେ ଗୋବିନ୍ଦ ଦାସ ରାଜ୍ୟ ସଭାପତି ମନମୋହନ ସାମଲ, କେନ୍ଦ୍ର ମୁଖ୍ୟ ଜେପି ନଡ୍ଡା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସାଂସଦ ପ୍ରତାପ ଷଡ଼ଙ୍ଗୀ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜିଲ୍ଲା ସଭାପତି ଉମାକାନ୍ତ ମହାପାତ୍ର ପ୍ରମୁଖଙ୍କୁ କୃତଜ୍ଞତା ଜଣାଇଛନ୍ତି।