ପ୍ରମୁଖ ଖବର
  • ଓଡ଼ିଶାର ପ୍ରଥମ ହସ୍ପିଟାଲ: ସମ୍‌ ଅଲ୍ଟିମେଟ୍‌ ମେଡିକେୟାରକୁ ଜେସିଆଇ ପ୍ରାଇମ୍‌ ସାର୍ଟିଫିକେଟ୍‌
  • ||
  • ଆହୁରି ଜଳିବ ଓଡ଼ିଶା, ମେ’ ୪ ଯାଏଁ ନିସ୍ତାର ଆଶା କମ୍‌': ଆଜିଠାରୁ ଭୀଷଣ ତାତି ମାଡ଼,୧୯ ଜିଲ୍ଲାକୁ ଆଲର୍ଟ ଜାରି
  • ||

କେମିତି କରିବେ ଅନଲାଇନ୍ ଭୋଟର ପରିଚୟ ପତ୍ର ଡାଉନଲୋଡ୍ ?

ନୂଆଦିଲ୍ଲୀ, ୨୭/୦୩: ଲୋକସଭା ନିର୍ବାଚନ ଲାଗି ତାରିଖ ଘୋଷଣା ପରେ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଛି । ଦେଶରେ ୭ଟି ପର୍ଯ୍ୟାୟରେ ମତଦାନ ହେବ । ପ୍ରଥମ ପର୍ଯ୍ୟାୟ ଭୋଟିଂ ଏପ୍ରିଲ୍ ୧୯ରେ ହେବାକୁ ଥିବା ବେଳେ ଜୁନ୍ ୧ରେ ପଡ଼ିବ ଅନ୍ତିମ ପର୍ଯ୍ୟାୟ ଭୋଟ୍ । ଏବେ ରାଜନୈତିକ ଦଳ ମାନେ ସେମାନଙ୍କ ଶେଷ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରୁଛନ୍ତି ।

ରାଜନୈତିକ ଦଳ ଗୁଡ଼ିକ ଭଳି ସାଧାରଣ ଲୋକ ବି ପ୍ରସ୍ତୁତି ଚଳାଇଛନ୍ତି । ଲୋକେ ଭାଟର ପରିଚୟ ପତ୍ର ଖୋଜିବା ଆରମ୍ଭ କରିଛନ୍ତି । ଆଉ ଯେଉଁମାନେ ଭୋଟର କାର୍ଡ ପାଉ ନାହାନ୍ତି ସେମାନେ ଚିନ୍ତିତ ହୋଇ ପଡ଼ିଲେଣି । ତେବେ ଆପଣ ଭୋଟର କାର୍ଡ ପାଉ ନଥିଲେ, ଚିନ୍ତିତ ହୁଅନ୍ତୁ ନାହିଁ । ଆସନ୍ତୁ ଜାଣିବା କିଭଳି ଅନଲାଇନରୁ ଡାଉନଲୋଡ୍ କରିବେ ଭୋଟର ଆଇ କାର୍ଡ ।
ଭୋଟର ଆଇ କାର୍ଡ ଡାଉନଲୋଡ୍ ପାଇଁ electoralsearch.eci.gov.in ୱେବସାଇଟକୁ ଯାଆନ୍ତୁ । ଏହାପରେ ସର୍ଭିସେସ୍ ବିକଳ୍ପକୁ ଯାଇ ଇ-ଇପିକ୍ (E-EPIC)ରେ କ୍ଲିକ୍ କରନ୍ତୁ । ଏହା ପରେ ଭେରିଫିକେସନ୍ ଲାଗି ଓଟିପି ଦିଅନ୍ତୁ ।

ଏହାଛଡ଼ା ଆପଣ ଏହି ୱେବସାଇଟରେ ଆପଣଙ୍କ ନାଁ ଭୋଟର ଲିଷ୍ଟ ଚେକ୍ କରି ପାରିବେ । ସର୍ଭିସେସରେ ସର୍ଚ୍ଚ ଇନ୍ ଇଲେକ୍ଟୋରାଲ୍ ରୋଲରେ କ୍ଲିକ୍ କରନ୍ତୁ । ଏହା ପରେ ୩ଟି ବିକଳ୍ପ ଆସିବ । ପ୍ରଥମ ସର୍ଚ୍ଚ ବାଇ ଡିଟେଲ୍ସ, ଦ୍ୱିତୀୟ ସର୍ବା ବାଇ ଇପିକ୍, ତୃତୀୟରେ ମୋବାଇଲ୍ ନମ୍ବର ଦେଇ ସର୍ଚ୍ଚ କରିବାର ବିକଳ୍ପ ।

ଯଦି ଆପଣଙ୍କ ପାଖରେ ପୁରୁଣା ଭୋଟର କାର୍ଡ ରହିଛି ତାହାକୁ ଆପଣ ପ୍ଲାଷ୍ଟିକରେ ବଦଳାଇ ପାରିବେ । ତେବେ ନିର୍ବାଚନ ପୂର୍ବରୁ ପରିବର୍ତ୍ତନ କରାଇ ନେଲେ ଆପଣଙ୍କୁ ପରେ ଅସୁବିଧାର ସାମ୍ନା କରିବାକୁ ପଡ଼ିବ ନାହିଁ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.