ପ୍ରମୁଖ ଖବର
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ଖୁସି ଖବର ଦେଲା ଆଇଏମଡି, ସମୟ ପୂର୍ବରୁ କେରଳ ଛୁଇଁବ ମୌସୁମୀ

ନୂଆଦିଲ୍ଲୀ: ଆସୁଛି ମୌସୁମୀ । ଏଥର  ଦିନକ ପୂର୍ବରୁ କେରଳ ଉପକୂଳ ଛୁଇଁବ ଦକ୍ଷିଣ ପଶ୍ଚିମ ମୌସୁମୀ ବାୟୁ । ଏନେଇ ଭାରତୀୟ ପାଣିପାଗ ବିଭାଗ (ଆଇଏମଡି) ସୂଚନା ଦେଇଛି । ଖୁବଶୀଘ୍ର ଆସିବ ବର୍ଷା ଦିନ । ସାଧାରଣତଃ ମୌସୁମୀ ବାୟୁ  ଜୁନ୍‌ ୧ରେ କେରଳ ପହଞ୍ଚୁଥିବା ବେଳେ ଏଥର  ମେ’ ୩୧ରେ ପହଞ୍ଚିଯିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି । କିନ୍ତୁ ମୌସୁମୀ ବାୟୁ ପହଞ୍ଚିବାର ସମୟ ରେ ପରିବର୍ତ୍ତନ ହୋଇପାରେ । ସେପଟେ ଆଇଏମଡି ନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ, ଆଗରୁ ନୁହେଁ ବରଂ ଠିକ୍‌ ସମୟରେ ମୌସୁମୀ ପହଞ୍ଚିବ ।

 ଆଉ ମାତ୍ର ୧୫ ଦିନ ପରେ ଆସିବ ମୌସୁମୀ । ମେ ୩୧ ତାରିଖରେ କେରଳ ଛୁଇଁବ ଦକ୍ଷିଣ ପଶ୍ଚିମ ମୌସୁମୀ ବାୟୁ। ଜଳବାୟୁ ପରିବର୍ତ୍ତନ ଅନୁସାରେ, ବୁଧବାର ଏହି ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ। ମୌସୁମୀ ବାୟୁ ଛୁଇଁବାର ପ୍ରକ୍ରିୟା ମେ ୨୭ ତାରିଖରୁ  ଜୁନ ୪ ତାରିଖ ମଧ୍ୟରେ ଆରମ୍ଭ ହୋଇପାରେ । 

 ସାଧାରଣତଃ ଦକ୍ଷିଣ ପଶ୍ଚିମ ମୌସୁମୀ ବାୟୁ ଜୁନରୁ ଆରମ୍ଭ ହୋଇ ସେପ୍ଟେମ୍ବରରେ ବିଦାୟ ନିଏ । ତେବେ ଏଥର ମୌସୁମୀ ବାୟୁ ପ୍ରଭାବରେ  ସାଧାରଣ ଠାରୁ ଅଧିକ ବର୍ଷା ହେବ ବୋଲି ପାଣିପାଗ ବିଭାଗ କହିଛି । ଗତବର୍ଷ ଜୁନ ୮ ତାରିଖରେ ମୌସୁମୀ ବାୟୁ କେରଳ ଛୁଇଁଥିଲା । ଅନୁମାନ ତାରିଖ ଠାରୁ ୪ ଦିନ ବିଳମ୍ବରେ ପହଞ୍ଚିଥିଲା ମୌସୁମୀ ବାୟୁ ।

ଦକ୍ଷିଣ ପଶ୍ଚିମ ମୌସୁମୀ ବାୟୁ ଦେଶ ପାଇଁ ଖୁବ ଉପଯୋଗୀ । ଚାଷ ପାଇଁ ମୌସୁମୀର ଭୂମିକା ଗୁରୁତ୍ବପୂର୍ଣ୍ଣ । ଜୁନ ଏବଂ ଜୁଲାଇ ମାସରେ ମୌସୁମୀ ବାୟୁ ଜନିତ ବର୍ଷା ଖରିଫ ଫସଲ ପାଇଁ ଦରକାରୀ ହୋଇଥାଏ । ତେବେ ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ, ମେ ୧୯ ତାରିଖରେ ମୌସୁମୀ ବାୟୁ ଆଣ୍ଡାମାନ ନିକୋବରରେ ପହଞ୍ଚିବାର ସମ୍ଭାବନା ରହିଛି। ଏହାପରେ ମୌସୁମୀ ଦେଶର ଅନ୍ୟାନ୍ୟ ସ୍ଥାନକୁ ଯିବ । ଗତ ୧୯ ବର୍ଷ ଧରି ଭାରତୀୟ ପାଣିପାଗ ବିଭାଗ ମୌସୁମୀର ପୂର୍ବାନୁମାନ କରିଆସୁଛି । ଆଇଏମ୍‌ଡି ଅନୁଯାୟୀ, ୨୦୧୫କୁ ବାଦ ଦେଲେ ୨୦୦୫ ରୁ ୨୦୨୩ ପର୍ଯ୍ୟନ୍ତ ବିଭାଗର ପୂର୍ବାନୁମାନ ସଠିକ୍ ହୋଇଛି।

 

  • Monsoon
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.