ଭୁବନେଶ୍ୱର,୦୧/୦୯: ଭୁବନେଶ୍ୱର ଡିଆରଆଇର ବଡ଼ ରେଡ୍ । ଦୋକାନରୁ ମିଳିଲା ବଜ୍ରକାପ୍ତା କାତିରେ ତିଆରି ହୋଇଥିବା ମୁଦି । ଶନିବାର କରାଯାଇଥିବା ଏହି ରେଡ୍ରେ ବିରଳ ପ୍ରଜାତିର କୁମ୍ଭୀରର ଶରୀରର ଅଂଶ, ସାମୁଦ୍ରିକ ରତ୍ନ, କସ୍ତୁରୀ ହରିଣର କସ୍ତୁରୀ, ବିରଳ ଗେଣ୍ଡା ଆଦି ସାମୁଦ୍ରିକ ଜୀବ ଜବତ ହୋଇଛି । ରାଜଧାନୀ ଭୁବନେଶ୍ୱରରେ ଏଭଳି ଘଟଣା ଦେଖିବାକୁ ମିଳିଛି ।
ସୂଚନା ମୁତାବକ, ରାଜଧାନୀରେ ବେଆଇନ ବଜ୍ରକାପ୍ତା କାତି କାରବାର ହେଉଥିବା ନେଇ ପୂର୍ବରୁ ଖବର ପାଇଥିଲା ଭୁବନେଶ୍ୱର ଡିଆରଆଇ । ଖବର ପାଇ ଶନିବାର ଭୁବନେଶ୍ୱରର ଏକ ଦୋକାନରେ ଚଢାଉ କରିଥିଲା ଡିଆରଆଇ । ଏହି ଚଢାଉ ସମୟରେ ଦୋକାନରୁ ବଜ୍ରକାପ୍ତା କାତିରେ ତିଆରି ହୋଇଥିବା ମୁଦି ଜବତ କରାଯାଇଛି । ଏଥି ସହିତ ବିରଳ ପ୍ରଜାତିର କୁମ୍ଭୀରର ଶରୀରର ଅଂଶ,ସାମୁଦ୍ରିକ ରତ୍ନ, କସ୍ତୁରୀ ହରିଣର କସ୍ତୁରୀ, ବିରଳ ଗେଣ୍ଡା ଆଦି ସାମୁଦ୍ରିକ ଜୀବ ଜବତ ହୋଇଛି । ବନ୍ୟପ୍ରାଣୀ ଅଧୀନିୟମକୁ ବେଖାତିର କରି ଚାଲିଥିଲା ଏହି କାରବାର । ଏନେଇ ବନ୍ୟଜୀବନ ସୁରକ୍ଷା ଆଇନ ୧୯୭୨ ଅଧୀନରେ ଏକ ମାମଲା ରୁଜୁ କରାଯାଇଛି । ତେବେ ଜବତ ହୋଇଥିବା ସାମଗ୍ରୀ କେଉଁଠୁ ଆଣିଥିଲେ ଏବଂ କେବେଠାରୁ ଏହା ବିକ୍ରି କରାଯାଉଥିଲା ସେନେଇ ତଦନ୍ତ ଜାରି ରଖିଛି ଡିଆରଆଇ ।
