କୋଝିକୋଡେ,୧୬।୧୧: କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାଓବାଦୀ) କୋଜିକୋଡେ ଜିଲ୍ଲା କଲେକ୍ଟରଙ୍କୁ ଧମକ ଦେଇ ଏକ ଚିଠି ପଠାଇଛନ୍ତି। ମାଓବାଦୀମାନେ ଧମକ ଦେଇଛନ୍ତି, ଯଦି ସରକାର ଏବଂ ପୋଲିସ ମାଓବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ବନ୍ଦ ନକରନ୍ତି, ତେବେ 'ନକଲି କମ୍ରେଡ’ର ହାମାସ ସମର୍ଥକ ରାଲିରେ ଏକ ବିସ୍ଫୋରଣ ହେବ। ମାଓବାଦୀଙ୍କ ଏହି ଚିଠିକୁ ବୁଧବାର କଲେକ୍ଟର କାର୍ଯ୍ୟାଳୟକୁ ଦିଆଯାଇଛି। ଏ ସମ୍ପର୍କରେ ପୋଲିସ ନିକଟରେ ଅଭିଯୋଗ କରାଯାଇଛି। 

ଜିଲ୍ଲା ପ୍ରଶାସନର ଅଧିକାରୀ ଏ ବିଷୟରେ କହିଛନ୍ତି, ମାଓବାଦୀଙ୍କ ପକ୍ଷରୁ ଦିଆଯାଇଥିବା ପତ୍ରରେ କୁହାଯାଇଛି ଯେ, ସରକାର କୋଝିକୋଡେ ଜିଲ୍ଲାର ଆବଶ୍ୟକତା ଉପରେ ଧ୍ୟାନ ଦେବା ବଦଳରେ ବିଦେଶୀ ଆତଙ୍କବାଦୀଙ୍କ ପାଇଁ ରାଲି ଆୟୋଜିତ କରୁଛନ୍ତି। ସେ ଏହା ମଧ୍ୟ କହିଛନ୍ତି ଯେ, ମାଓବାଦୀଙ୍କୁ ଭୁଲ ଭାବରେ ଟାର୍ଗେଟ କରାଯାଉଛି। ତାଙ୍କ ବିରୋଧରେ ମିଛ ମାମଳା ରୁଜୁ କରାଯାଉଛି। ପତ୍ରରେ ମାଓବାଦୀମାନେ କହିଛନ୍ତି, ଯଦି ସରକାର ଏସବୁ ବନ୍ଦ କରନ୍ତି ତେବେ କୋଚିରେ ୟହୋଭାରେ ସମ୍ମିଳନୀରେ ବେଳେ ଯାହା ହୋଇଥିଲା, ସେଭଳି କିଛି ଜିଲଲା ‘ଫେକ୍ କମ୍ରେଡ’ଙ୍କ ହମାସ ରାଲି’ ବେଳେ ହୋଇପାରେ।

ଅଧିକାରୀମାନେ ଏହା ମଧ୍ୟ କହିଛନ୍ତି ଯେ, ନାଦକ୍କଭୁ ପୋଲିସ ଷ୍ଟେସନ୍‌ର ଏସ୍‌ଏଚ୍‌ଓଙ୍କୁ ମାମଲା ବିଷୟରେ ସୂଚନା ଦିଆଯାଇଛି। ସେଭଳି ମାଓବାଦୀଙ୍କ ବିରୋଧରେ ମାମଲା ରୁଜୁ କରାଯାଇଛି। ନାଦକଭୁ ପୋଲିସ ଷ୍ଟେସନର ଅଧିକାରୀ କହିଛନ୍ତି, ଆଇପିସି ଓ କେରଳ ପୋଲିସ ଅଧିନିୟମ ଅନୁସାରେ ମାମଲା ରୁଜୁ କରାଯାଇଛ।