ମୁମ୍ବାଇ,୧୮।୧୧: ମହାରାଷ୍ଟ୍ର ରାଜନୀତିରେ ପ୍ରତିଦିନ କିଛି ନା କିଛି ନୂଆ ଘଟଣା ଦେଖିବାକୁ ମିଳିଥାଏ। ଏବେ ଯେପରି ଶିବସେନା(ଉଦ୍ଧବ ବାଲଠାକରେ) ଗୋଷ୍ଠୀର ନେତା ଓ ବିଧାୟକ ଆଦିତ୍ୟ ଠାକରେ ପାଇଁ ସୃଷ୍ଟି ହୋଇଛି ବଡ ଅଡୁଆ। ତାଙ୍କ ବିରୋଧରେ ମାମଲା ରୁଜୁ କରିଛି ବିଏମ୍ସି ବା ମୁମ୍ବାଇର ମ୍ୟୁନିସିପାଲିଟି କର୍ପୋରେସନ୍। ଆଦିତ୍ୟଙ୍କ ବିରୋଧରେ ଅଭିଯୋଗ ରହିଛି ଯେ, ଏକ ନିର୍ମାଣଧୀନ ବ୍ରିଜ୍କୁ ଉଦଘାଟନ କରିଛନ୍ତି। ଆଦିତ୍ୟଙ୍କ ସହିତ ଏମ୍ଏଲସି ସୁନିଏ ସିନ୍ଦେ, ସଚିନ ଅହିର ଓ ସ୍ନେହଲ ଅମ୍ବେଦକରଙ୍କ ସହିତ ଦଳର ୨୦ ଜଣ ନେତା ଓ କର୍ମୀଙ୍କ ବିରୋଧରେ ମାମଲା ରୁଜୁ କରାଯାଇଛି। ଆଦିତ୍ୟ ଡୋଲିସଲ୍ ରୋଡ୍ରେ ଅଧା ତିଆରି ବ୍ରିଜ୍କୁ ଲୋକଙ୍କ ପାଇଁ ଖୋଲିବାର ଘୋଷଣା କରିବାକୁ ଯାଇଥିଲେ।
डिलाईल रोड ब्रिजचे उद्घाटन!
— Aaditya Thackeray (@AUThackeray) November 16, 2023
आता खोके सरकारचे व्हीआयपी नको, जनता त्रस्त आहे... pic.twitter.com/2AUAThHq3i
ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆଦିତ୍ୟ ଠାକରେ ଏବଂ ଅନ୍ୟ ନେତାମାନେ ୧୬ ନଭେମ୍ବର ରାତିରେ ବେଆଇନ ଭାବେ ବ୍ରିଜ୍ ଖୋଲିଥିଲେ। ଆଦିତ୍ୟ ଠାକରେ ଲୋୟର ପାରେଲର ଡିଲାଏଡ୍ ରୋଡ୍ ବ୍ରିଜ୍ ଉଦ୍ଘାଟନ କରିଥିଲେ। ତେବେ ବିଏମସି ଅଧିକାରୀ କହିଛନ୍ତି ବ୍ରିଜ୍ କାମ ଏବେ ବାକି ଅଛି, କିନ୍ତୁ ତା ପୂର୍ବରୁ ବ୍ରିଜ ଖୋଲିଦେଇଛନ୍ତି।
ଏଥି ସହିତ ଆଦିତ୍ୟ ଠାକରେ ନିଜେ ସେତୁର ଉଦଘାଟନ ସମ୍ପର୍କରେ ‘ଏକ୍ସ’ ଆକାଉଣ୍ଟରେ ପୋଷ୍ଟ କରିଥିଲେ। ସେ କହିଥିଲେ ସେତୁ ଖୋଲିବାକୁ ବିଏମସି ଅପେକ୍ଷା କରିଛି। ସାଧାରଣ ଜନତାଙ୍କ ପାଇଁ ବ୍ରିଜ୍ ବିଏମସି ଖୋଲୁ ବୋଲି ଆମେ ନିଜେ ଅପେକ୍ଷା କରିଥିଲୁ, କିନ୍ତୁ ପ୍ରାୟ ୧୦ ଦିନ ବିତିଗଲା। ବ୍ରିଜ୍ ଉଦଘାଟନ ପାଇଁ ଜଣେ ଭିଆଇପିଙ୍କୁ ଅପେକ୍ଷା ଥିଲା।
