ଭୁବନେଶ୍ୱର, ୧।୦୨: ବୟସ୍କ ବ୍ୟକ୍ତିଙ୍କ ଅଧିକ ଯତ୍ନ ନେବାକୁ ହୋଇଥାଏ । ବୟସ ବଢ଼ିବା ସଙ୍ଗେ ସଙ୍ଗେ ଖାଇବା ପିଇବା ମଧ୍ୟ କମାଇ ଦିଅନ୍ତି । ଫଳରେ ଶରୀରକୁ ଆବଶ୍ୟକ ହେଉଥିବା ଭିଟାମିନ୍ ଓ ପୋଷକତତ୍ତ୍ୱ ଅଭାବରୁ ସେମାନଙ୍କଠାରେ ରୋଗପ୍ରତିରୋଧକ ଶକ୍ତି କମ୍ ଥାଏ । ତେଣୁ ସୁସ୍ଥ ଶରୀର ଓ ମାଂସପେଶୀକୁ ମଜବୁତ୍ ରଖିବାକୁ ପ୍ରୋଟିନ୍, କ୍ୟାଲସିୟମ୍, ଭିଟାମିନ୍, ତଥା ଭରପୂର ମାତ୍ରାର ପୋଷକତତ୍ତ୍ୱ ଖାଦ୍ୟର ଆବଶ୍ୟକତା ପଡ଼ୁଥିବାରୁ ୬୫ ବର୍ଷ ପରେ ଆୟୁ ବୃଦ୍ଧି ପାଇଁ ଏହିସବୁ ଖାଦ୍ୟ ଖାଇବା ନିହାତି ଆବଶ୍ୟକ ।
- ଡାଲିଜାତୀୟ ପଦାର୍ଥ ତଥା: ମୁଗ, ଚଣା, ହରଡ଼, ବିରି, କୋଳଥରେ ଅଧିକ ଭିଟାମିନ୍, ତନ୍ତୁଜାତୀୟ ଓ ପୋଷକତତ୍ତ୍ୱ ରହିଥିବାରୁ ଏହାକୁ ନିୟମିତ ଖାଇପାରିବେ ।
- ସେହିପରି କ୍ଷୀର, ଦହି, ପନିରରେ ଅଧିକ ପ୍ରୋଟିନ୍ ରହିଥାଏ । ଏହାକୁ ନିୟମିତ ଖାଇବା ଦ୍ୱାରା ଅସ୍ଥି, ମାଂସପେଶୀ, ମଜବୁତ୍ ରହେ ।
- ସୋୟାବିନ୍ରେ ଅଧିକ ପ୍ରୋଟିନ୍, ଭିଟାମିନ୍, ମିନେରାଲ୍ସ ରହିଥିବାରୁ ଏହାକୁ ଖାଦ୍ୟରେ ସାମିଲ କରିପାରିବେ ।
- ଅଖରୋଟ୍, କାଜୁ, ଖାଦ୍ୟଯୁକ୍ତ ମଞ୍ଜି, ନଟ୍ସ, ଡ୍ରାଏ ଫ୍ରୁଟ୍ସରେ ଅଧିକ ମାତ୍ରାର ପ୍ରୋଟିନ୍ ଏବଂ ପୋଷକତତ୍ତ୍ୱ ରହିଥାଏ । ଏହା ସ୍ୱାସ୍ଥ୍ୟ ପାଇଁ ବେଶ୍ ଫଳପ୍ରଦ ।
- ଧଣିଆକୁ ସାଲାଡ୍ କିମ୍ୱା ସୁପ୍ ବନାଇ ପିଇବା ଦ୍ୱାରା ଶରୀର ମଜବୁତ୍ ରହିବା ସହ ରୋଗପ୍ରତିରୋଧକ ଶକ୍ତ ବୃଦ୍ଧି ହୋଇଥାଏ ।
- ଓଟ୍ସ, କଳାଚଣା, ତୈଳବୀଜ, କଦଳୀ, ଲିଚୁ, ଲେମ୍ୱୁ, ଡାଳିମ୍ୱ ଆଦି ପ୍ରୋଟିନ୍ଯୁକ୍ତ ଖାଦ୍ୟ ଖାଇବା ସ୍ୱାସ୍ଥ୍ୟପ୍ରଦ ।
