ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଉତ୍ତର ୟୁକ୍ରେନୀୟ ସହର ଚେର୍ନିହାଇଭରେ ମିସାଇଲ୍‌ ମାଡ଼ କଲା ଋଷ, ୯ ଜଣଙ୍କ ମୃତ୍ୟୁ

କିଭ୍: ଦୁଇ ବର୍ଷରୁ ଅଧିକ ସମୟ ଧରି ଋଷିଆ-ୟୁକ୍ରେନ୍ ଯୁଦ୍ଧ ଜାରି ରହିଛି । ତଥାପି ଥମିନାହିଁ ଧ୍ବଂସର ତାଣ୍ଡବ । ଋଷର ଘନଘନ ମିସାଇଲ ମାଡ଼ରେ  ଛାରଖାର ହୋଇଯାଇଛି ୟୁକ୍ରେନ୍‌ । ଅନେକ ସହର ନିଜର ଅସ୍ତିତ୍ବ ହରାଇବାକୁ ବସିଥିବା ବେଳେ ଶହ ଶହ ଲୋକ ଜୀବନ ହରାଇଛନ୍ତି । ଆଜି ପୁଣି ଥରେ ଉତ୍ତର ୟୁକ୍ରେନୀୟ ସହର ଚେର୍ନିହାଇଭରେ ଲଗାତାର ୩ଟି ମିସାଇଲ ମାଡ଼ କରିଛି ଋଷିଆ । ଏଥିରେ ବ୍ୟାପକ କ୍ଷୟକ୍ଷତି ଘଟିଥିବା ବେଳେ ୯ ଜଣଙ୍କ ଜୀବନ ଯାଇଥିବା ନେଇ ସ୍ଥାନୀୟ ନେତା ଭାୟାଚେସଲାଭ ଚାଉଜ ସୂଚନା ଦେଇଛନ୍ତି । ଋଷ ଅଧୀକୃତ କ୍ରିମିୟାରେ ୟୁକ୍ରେନ ଆକ୍ରମଣ କରିବାର କେଇ ଘଣ୍ଟା ପରେ ଚେର୍ନିହାଇଭରେ ମିସାଇଲ ଆକ୍ରମଣ ହୋଇଛି । 

ଋଷିଆର ଏହି ଭୀଷଣ ଆକ୍ରମଣ ପରେ ୟୁକ୍ରେନ ରାଷ୍ଟ୍ରପତି ଭୋଲଦିମିର ଜେଲେନ୍ସକି ସୋସିଆଲ ମିଡିଆରେ ଲେଖିଛନ୍ତି, ‘ହୁଏତ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ । ଯଦି ୟୁକ୍ରେନ ପାଖରେ ପର୍ଯ୍ୟାପ୍ତ ସଂଖ୍ୟକ ଏୟାର ଡିଫେନ୍ସ ଥାଆନ୍ତା   ତେବେ ଚେର୍ନିହାଇଭରେ ଏଭଳି ଆକ୍ରମଣ କରିପାରି ନଥନ୍ତା ଋଷ । ଯଦି ସମଗ୍ର ବିଶ୍ବ ଋଷର ଆତଙ୍କବାଦକୁ ପ୍ରତିହତ କରିବାକୁ ପ୍ରତିବଦ୍ଧତା ଦେଖାନ୍ତେ ତେବେ ଏଭଳି ଘଟିବ ନାହିଁ ।’

 ଆଜି ଋଷୀୟ ସେନା ୮ ମହଲା ବିଶିଷ୍ଟ ଏକ ବିଲ୍ଡିଂକୁ ଟାର୍ଗେଟ କରିଥିଲା । ଜନବହୁଳ ଅଞ୍ଚଳରେ ଥିବା ଏହି ବିଳ୍ଡିଂରେ ଋଷିଆ ମିସାଇଲ ମାଡ଼ କରିଛି ବୋଲି ଚେର୍ନିହାଇଭର କାମଚଳା ମେୟର, ଓଲେକଜାଣ୍ଡର ଲୋମାକୋ କହିଛନ୍ତି । ସେପଟେ ଚେର୍ନିହାଇଭରେ ହସ୍ପିଟାଲର ମୁଖ୍ୟଙ୍କ ଅନୁସାରେ, ୧୮ରୁ ଅଧିକ ଆହତଙ୍କୁ ଚିକିତ୍ସା କରାଯାଉଛି । ଅନ୍ୟ କେତେକ ଆହତଙ୍କୁ ଭିନ୍ନ ଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି । କିଭ୍‌ରୁ ପ୍ରାୟ ୧୫୦ କିଲୋମିଟର ଦୂରରେ ଥିବା ଐତିହାସିକ ସହର ଚେର୍ନିହାଇଭରେ ମିସାଇଲ୍ ମାଡ଼ ବେଳର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି । ପ୍ରଚଣ୍ଡ ଶବ୍ଦ କରି ଗୋଟିଏ ପରେ ଗୋଟିଏ ମିସାଇଲ ସିଟି ବିଲ୍ଡିଂରେ ମାଡ ହେଉଥିବା ବେଳେ ଲୋକମାନେ କିଭଳି ଭୟରେ ଭୂମିରେ ଶୋଇଯାଉଛନ୍ତି ସେନେଇ ଏହି ଭାଇରାଲ ଭିଡିଓରେ ଦେଖିବାକୁ ମିଳିଛି ।

ଅନ୍ୟପକ୍ଷରେ ୨୦୨୨ ଫେବୃଆରୀ ମାସରେ ୟୁକ୍ରେନ ଉପରେ ଆକ୍ରମଣ କରିଥିବା ଋଷ ସାଧାରଣ ଲୋକଙ୍କୁ ଟାର୍ଗେଟ କରୁନାହିଁ ବୋଲି କହିଆସିଛି । ହେଲେ ଯୁଦ୍ଧ ଆରମ୍ଭ କରିବା ପାଖରୁ ଦୀର୍ଘ ୨ ବର୍ଷ ହେଲା ୟୁକ୍ରେନରେ ହଜାର ହଜାର ମିସାଇଲ ମାଡ଼ କରିଛି ଋଷିଆ । ଆଉ ଏହି ଆକ୍ରମଣରେ ଅନେକ ଗାଁ, ସହର ଶିକାର ହୋଇଛି । ଫଳରେ ଶହ ଶହ ସାଧାରଣ ଲୋକଙ୍କ ଜୀବନ ମଧ୍ୟ ଯାଇଛି । 

 

  • Russia
  • Russia Military
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.