ନୂଆଦିଲ୍ଲୀ, ୨୨/୮ : ଆଜିର ଡିଜିଟାଲ ଯୁଗରେ ଭିନ୍ନ ଭିନ୍ନ ପ୍ରକାର ବିବାହ ନିମନ୍ତ୍ରଣ କାର୍ଡ଼ ଆସୁଛି । କିଛି ଦିନ ପୂର୍ବରୁ ଏଭଳି ଏକ ନିମନ୍ତ୍ରଣ କାର୍ଡ଼ ଆସିଥିଲା କି ଯିଏ ବି ଦେଖିଲେ ଆଶ୍ଚର୍ଯ୍ୟ ହୋଇଗଲେ । ପାସପୋର୍ଟ ଭଳି ଆସିଥିଲା ବିବାହ ନିମନ୍ତ୍ରଣ କାର୍ଡ଼ । ଯାହା ଖୁବ୍ ଭାଇରାଲ ହେବାରେ ଲାଗିଥିଲା । ଏବେ ଆଉ ଏକ ପାଦ ଆଗକୁ ଯାଇ ଭିନ୍ନ କାର୍ଡ଼ ସାମ୍ନାକୁ ଆସିଛି । ଯାହା ଏବେ ଖୁବ୍ ଚର୍ଚ୍ଚାର ବିଷୟ ପାଲଟିଛି । ଆନ୍ଧ୍ରପ୍ରଦେଶର ଜନୈକ ଦମ୍ପତ୍ତି ନିଜ ବାହାଘର କାର୍ଡ଼କୁ ଭିନ୍ନ ଢଙ୍ଗରେ ପ୍ରସ୍ତୁତ କରିଛନ୍ତି । ଯାହା ସମସ୍ତଙ୍କୁ ଚକିତ କରିଦେବ । ପାରମ୍ପରିକ କାର୍ଡ଼କୁ ଛାଡ଼ି ସେମାନେ ଏକ ପ୍ରଶ୍ନପତ୍ର ଡିଜାଇନ କରିଛନ୍ତି ।

ପଶ୍ଚିମ ଗୋଦାବରୀ ଜିଲ୍ଲାର ପେନୁମନ୍ତ୍ର ମଣ୍ଡଳର ମାର୍ଟେରୁ ଗାଁର ଶିକ୍ଷୟିତ୍ରୀ ଏବଂ କନ୍ୟା ପ୍ରତ୍ୟୁଷା ନିଜ କ୍ରିଏଟିଭ୍ ବିବାହ କାର୍ଡ଼କୁ ନେଇ ଏବେ ଚର୍ଚ୍ଚାରେ ଅଛନ୍ତି । ଯାହା ଲୋକମାନଙ୍କ ଧ୍ୟାନ ଟାଣୁଛି । ‘ନାର୍କେଡାମିଲ୍ଲୀର ବିବାହକୁ ନିମନ୍ତ୍ରଣ ’ ଟାଇଟେଲ ଥିବା ଇନଭାଇଟେଶନ କାର୍ଡ଼ରେ କେତେକ ପ୍ରଶ୍ନ ପଚରାଯାଇଛି । ଯେଉଁଥିରେ ସିଙ୍ଗଲ ପ୍ରଶ୍ନ , ମଲ୍ଟିପୁଲ ଚଏସ ଏବଂ ଭୁଲ୍ ଓ ଠିକ୍ ବି ସାମିଲ ରହିଛି ।

ନିମନ୍ତ୍ରଣ କାର୍ଡ଼ରେ ପ୍ରତି ଭାଗରେ ଆଗାମୀ ବିବାହର ଡିଟେଲ୍ସ ପଚରାଯାଇଛି । ଉଦାହରଣ ଲାଗି ଏକ ପ୍ରଶ୍ନରେ ଅତିଥିଙ୍କୁ ‘ ଫଟୋରେ ଦେଖାଯାଉଥିବା ବ୍ୟକ୍ତିଙ୍କୁ ଚିହ୍ନନ୍ତୁ ’ ପଚରାଯାଇଛି, ଯାହାର ସଠିକ୍ ଉତ୍ତର ‘ ବର ଫଣୀନ୍ଦ୍ର’ ଥିଲା ।  ଦ୍ବିତୀୟ ଭାଗରେ କନ୍ୟାଙ୍କ ନାମର ବନାନ ଠିକ୍ କରିବାକୁ କୁହାଯାଇଛି , ଯେଉଁଥିରେ "PRATUSHA" କୁ "PRATYUSHA" ରେ ପରିବର୍ତ୍ତନ କରାଯାଇଛି । ପ୍ରଶ୍ନପତ୍ରରେ ଅତିଥିମାନଙ୍କୁ ବିବାହର ତାରିଖ ଏବଂ ସମୟ ବିଷୟରେ ପଚରାଯାଇଛି । ଯେଉଁଥିରେ କ୍ଲାସିକ ମଲ୍ଟିପୁଲ ଅପସନରେ ବିକଳ୍ପ ଦିଆଯାଇଛି । ଠିକ୍ ଉତ୍ତର ୨୩ଅଗ‌ଷ୍ଟ ୨୦୨୪ରେ କୁହାଯାଇଛି, ଯେଉଁଥିରେ ସମାରୋହ ସକାଳ ୮ଟା ୫୮ମିନିଟରେ ହେବ । ସେହିଭଳି କାର୍ଡ଼ରେ ଆହୁରି ମଧ୍ୟ ଭୁଲ୍ କିମ୍ବା ଠିକ୍ ଲେଖାଯାଇଛି । ରାତ୍ରି ଭୋଜନ ସନ୍ଧ୍ୟା ୭ଟାବେଳେ ଆରମ୍ଭ ହେବ ଏବଂ ’ଉପହାରର ଅନୁମତି ନାହିଁ’ । ଦୁଇ ଜଣଙ୍କୁ ସତ୍ୟ ରୂପରେ ମାର୍କ କରାଯାଇଛି ।