ମୁମ୍ୱାଇ : ଗୁଜରାଟର ଜାମନଗରରେ ଉତ୍ସବ ଚାଲିଛି। ଅନନ୍ତ ଅମ୍ୱାନୀ ଓ ରାଧିକା ମର୍ଚେଣ୍ଟଙ୍କର ପ୍ରି-ୱେଡିଂ ସେଲିବ୍ରେସନର ୩ୟ ଦିନ। ଏହି ଅବସରରେ କେବଳ ଦେଶ ନୁହେଁ ସାରା ଦୁନିଆର ପ୍ରସିଦ୍ଧ ବ୍ୟକ୍ତିଙ୍କର ଯେମିତି ଭିଡ଼ ଲାଗିଛି। ୧ ମାର୍ଚ୍ଚରେ ଇଣ୍ଟରନ୍ୟାସନାଲ ଷ୍ଟାର ରିହାନାଙ୍କର ପରଫର୍ମାନ୍ସ ଥିଲା। ଷ୍ଟେଜ୍ରେ ପହଞ୍ଚିବା କ୍ଷଣି ସେ ଯେମିତି ରୋମାନ୍ସ ଭରି ଦେଇ ଥିଲେ।। ଜାହ୍ନବୀ କପୁର ରିହାନାଙ୍କ ସହ ପାର୍ଟିରେ ଝିଙ୍ଗାଟ ଗୀତରେ ନୃତ୍ୟ କରି ଥିଲେ। ଖାଲି ଏତିକି ନୁହେଁ ଶାହରୁଖ ଖାନ ମଧ୍ୟ ତାଙ୍କ ସହ ଝୁମିବାର ଦେଖିବାକୁ ମିଳି ଥିଲା। ଉକ୍ତ ଇଭେଣ୍ଟରୁ ଅଭିନେତାଙ୍କର ଫଟୋ ଏବେ ସାମନାକୁ ଆସିଛି।
ଡ୍ୟାନ୍ସ ଫ୍ଲୋରରେ ରିହାନା ଓ ଶାହରୁଖ ଖାନ। ଉଭୟ ହାତ ଉଠାଇ ନୃତ୍ୟ କରୁଛନ୍ତି। ତାଙ୍କ ଆଖପାଖରେ ଲୋକଙ୍କ ଭିଡ଼ ଜମିଛି। ବ୍ଲୁ ଶାଢୀ ପିନ୍ଧି ନଭ୍ୟା ନଭେଲି ନନ୍ଦା ଠିଆ ହୋଇଛନ୍ତି। ପାଖରେ ସୁହାନାଙ୍କୁ ମଧ୍ୟ ଦେଖିବାକୁ ମିଳୁଛି। ମୁକେଶ ଅମ୍ୱାନୀ ଓ ନୀତା ଅମ୍ୱାନୀଙ୍କ ବୋହୂ ଶ୍ଲୋକା ମେହଟ୍ଟା ତାଙ୍କର ଡ୍ୟାନ୍ସକୁ ଏନଜୟେ କରୁଛନ୍ତି।
ଶାହରୁଖ ଫ୍ୟାମିଲ ଫଟୋ କ୍ଲିକ୍ କରାଇଛନ୍ତି। ସେ ପତ୍ନୀ ଗୌରୀ ଖାନ , ଝିଅ ସୁହାନା ଓ ପୁଅ ଅବରାମଙ୍କ ସହ ପୋଜ୍ ଦେଉଛନ୍ତି। ଶାହରୁଖ ଓ ଅବରାମ ଅଲ୍ ବ୍ଲାକ୍ ଲୁକ୍ରେ ଅଛନ୍ତି। ସୁହାନା ରେଡ୍ କଲରର ଅଫ୍ ଶୋଲଡର ଡ୍ରେସ୍ ପିନ୍ଧିଛନ୍ତି। ଗୌରୀ ଅରେଞ୍ଜ କଲରର ଶାଢୀରେ ଅଛନ୍ତି।
ଏହା ବ୍ୟତୀତ ଶାହରୁଖ ବଲିଉଡର ଅନ୍ୟ ଦୁଇ ଖାନ ସଲମାନ ଓ ଆମିରଙ୍କ ସହ ଷ୍ଟେଜ୍ରେ ଖୁବ୍ ଡ୍ୟାନ୍ସ କଲେ। ୩ ଜଣଙ୍କ ଡ୍ୟାନ୍ସ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି।
