ପୁରୀ ୦୨/୧୨: ମାର୍ଗଶୀର ମାସ କୃଷ୍ଣପକ୍ଷ ପଞ୍ଚମୀରେ ଶ୍ରୀକ୍ଷେତ୍ର ପ୍ରଦକ୍ଷିଣ କରିବାର ବିଧି । ଏହାକୁ ଶ୍ରୀକ୍ଷେତ୍ର ପରିକ୍ରମା ମହୋତ୍ସବ ତଥା ସାଧାରଣରେ ‘ପଞ୍ଚତୀର୍ଥ’ କୁହାଯାଏ । ଶନିବାର ଶ୍ରୀକ୍ଷେତ୍ର ପରିକ୍ରମା ଅବସରରେ ଲକ୍ଷାଧିକ ଶ୍ରଦ୍ଧାଳୁ ମହୋଦଧିରେ ସ୍ନାନ କରି ଶ୍ରୀକ୍ଷେତ୍ରର ବିଭିନ୍ନ ତୀର୍ଥସ୍ଥଳୀ  ଭ୍ରମଣ କରିବେ । ଠାକୁରଙ୍କ ନାମକୀର୍ତ୍ତନ  କରି ନଗର ପରିକ୍ରମା କରିବେ । ତୀର୍ଥ  ପୁଷ୍କରିଣୀର ପବିତ୍ର ଜଳ ଛିଞ୍ଚି ହୋଇ ପଞ୍ଚ ମହାଦେବଙ୍କୁ ପ୍ରଣାମ କରିବେ ।

ଶ୍ରୀମନ୍ଦିର ରତ୍ନସିଂହାସନରୂଢ଼ ଦାରୁବ୍ରହ୍ମଙ୍କୁ ଦର୍ଶନ କରି ପୂଣ୍ୟ ଅର୍ଜନ କରିବେ । ବିଭିନ୍ନ  ମନ୍ଦିରରେ ବିରାଜିତ ମହାବୀରଙ୍କ ନାଗା  ବେଶ ଅନୁଷ୍ଠିତ ହେବ । ସିଦ୍ଧମହାବୀର  ଅଞ୍ଚଳ ଉଜ୍ଜ୍ୱଳ ଆଲୋକମାଳାରେ ସୁସଜ୍ଜିତ  ହେବ । ମହାବୀରଙ୍କ ମନ୍ଦିରରେ ଜମିବ ଶ୍ରଦ୍ଧାଳୁଙ୍କ ପ୍ରବଳ ଭିଡ଼। ସିଦ୍ଧମହାବୀରଙ୍କୁ ନାଗା ବେଶରେ ଦର୍ଶନ କରିବେ ଭକ୍ତ ।  ଠାକୁରଙ୍କୁ ରସଗୋଲା ଓ ଚୁଡ଼ାଘଷା ଭୋଗ  ଲଗା ଯିବ । ମହୋତ୍ସବ ପାଇଁ ଏବେଠାରୁ  ହଜାର ହଜାର ଜଗନ୍ନାଥ ପ୍ରେମୀ  ଶ୍ରୀକ୍ଷେତ୍ରରେ ପହଞ୍ଚିଲେଣି । ଏହିଦିନ  ଶ୍ରୀକ୍ଷେତ୍ର ପରିକ୍ରମା କଲେ ଅଶ୍ୱମେଧ  ଯଜ୍ଞର ଫଳ ମିଳେ ବୋଲି ବିଶ୍ୱାସ ଅଛି ।