ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ବାପା-ମା, ଭାଇଙ୍କୁ ହତ୍ୟା ଲାଗି ୬୫ ଲକ୍ଷ ସୁପାରୀ ଦେଇଥିଲେ ଯୁବକ, ଅଭିଯୁକ୍ତକୁ ବାନ୍ଧିଲା ପୋଲିସ

ବେଙ୍ଗାଲୁରୁ,୨୩/୦୪: କର୍ଣ୍ଣାଟକର ଗଡଗ ଅଞ୍ଚଳରେ ଜଣେ ଯୁବକ ନିଜ ବାପା-ମା ଓ ଭାଇଙ୍କୁ ହତ୍ୟା କରିବା ଲାଗି ୬୫ ଲକ୍ଷ ଟଙ୍କା ସୁପାରୀ ଦେଇଛନ୍ତି । ପିତା ବଡଭାଇ ନାମରେ ସମ୍ପତ୍ତି କରିଦେବାକୁ କହିବାରୁ ଏଥିରେ ଉତ୍‌କ୍ଷିପ୍ତ ହୋଇ ସାନଭାଇ ଏଭଳି ଜଘନ୍ୟ ଘଟଣା ଘଟାଇଛନ୍ତି। ଅବଶ୍ୟ ହତ୍ୟାରୁ ବାପା ଓ ମା ବର୍ତ୍ତିଯାଇଛନ୍ତି । ହେଲେ ବଡଭାଇ ଏବଂ ତାଙ୍କ ଘରକୁ ଆସିଥିବା ଅନ୍ୟ ୩  ପରିଜନଙ୍କୁ ହତ୍ୟାର ଶିକାର ହେବାକୁ ପଡିଛି । 

ପୁଲିସ ଏହି ଘଟଣାରେ ଅଭିଯୁକ୍ତ ସାନଭାଇ ବିନାୟକ ଓ ୮ ଜଣ  ସୁପାରୀ କିଲରଙ୍କୁ ଗିରଫ କରିଛି । ମୃତକଙ୍କ ମଧ୍ୟରେ  ଅଛନ୍ତି ଅଭିଯୁକ୍ତ ବିନାୟକର ବଡଭାଇ କାର୍ତ୍ତିକ ବକାଲେ  (୨୭), ପର୍ଶୁରାମ ହାଦିମନୀ (୫୫), ଲକ୍ଷ୍ମୀ ହାଦିମନୀ  (୪୫) ଏବଂ ଆକାଂକ୍ଷା ହାଦିମନୀ (୨୬) । ପୁଲିସ ଆଇଜି ବିକାଶ କୁମାରଙ୍କ ସୂଚନା ଅନୁସାରେ  କାର୍ତ୍ତିକ ଓ ବିନାୟକ ଦୁଇଭାଇ ହେଉଛନ୍ତି ବିଜେପି ନେତା  ତଥା ଗଡଗ-ବେତାଗିରି ସିଟି ମ୍ୟୁନିସିପାଲ କାଉନସିଲର  ଉପାଧ୍ୟକ୍ଷ ପ୍ରକାଶ ବକାଲେ ଓ ସୁନନ୍ଦା ବକାଲେଙ୍କ ପୁଅ ।  ବଡଭାଇ କାର୍ତ୍ତିକଙ୍କ ବିବାହ ସ୍ଥିର ହୋଇଥିବାରୁ ତାଙ୍କ ଘରକୁ  ହାଦିମନୀ ପରିବାର ଆସିଥିଲେ । ପ୍ରକାଶ ତାଙ୍କର ସବୁ ସମ୍ପତ୍ତି  ବଡପୁଅ କାର୍ତ୍ତିକଙ୍କ ନାମରେ କରିଦେବା ଲାଗି ଯୋଜନା କରିଥିଲେ । ଯାହା ବିନାୟକଙ୍କୁ କ୍ଷୁବ୍ଧ କରିଥିଲା । ତେଣୁ ସେ  ପିତାମାତା ଓ ଭାଇଙ୍କୁ ହତ୍ୟା କରିବା ଲାଗି ସୁପାରି କିଲର  ଯୋଗାଡ କରିଥିଲେ । ସେମାନଙ୍କ ସହ ଡିଲ୍‌ ହୋଇଥିଲା କି  ହତ୍ୟକାରୀମାନେ ଘରୁ ଯେଉଁସବୁ ସାମଗ୍ରୀ ଲୁଟିବେ ତାହା  ସେମାନେ ନେଇଯିବେ । 

ହତ୍ୟକାରୀଙ୍କ ଧାରଣା ଥିଲା କି  ଘରେ କେବଳ ପ୍ରକାଶ, କାର୍ତ୍ତିକ ଓ ସୁନନ୍ଦା ଥିବେ । କିନ୍ତୁ  ସେମାନେ ଘରେ ପହଞ୍ଚିଲ ବେଳକୁ ହାଦିମନୀ ପରିବାରର  ୩ ଜଣ ପହଞ୍ଚିଥିଲେ । ତେଣୁ ସେମାନେ ପ୍ରଥମେ କାର୍ତ୍ତିକଙ୍କୁ  ହତ୍ୟା କରିବା ପରେ ହାଦିମନୀ ପରିବାରର ୩ ଜଣଙ୍କୁ  ହତ୍ୟା କରିଥିଲେ । ଏହି ସମୟରେ ପ୍ରକାଶ ଘରେ ଲାଗିଥିବା  ଆଲାର୍ମ ବଜାଇ ଦେଇଥିଲେ । ତେଣୁ ଧରାପଡିଯିବା ଭୟରେ  ହତ୍ୟାକାରୀମାନେ ସେଠାରୁ ପଳାଇଥିଲେ । 

ଖବର ପାଇ ପୁଲିସ ପହଞ୍ଚି ମୃତଦେହକୁ ଜବତ କରିବା  ସହ ତଦନ୍ତ ଆରମ୍ଭ କରିଥିଲା । ଘରୁ କୌଣସି ସାମଗ୍ରୀ ଚୋରି  ହୋଇ ନଥିବାରୁ ପୁଲିସର ସନ୍ଦେହ ବଢ଼ିଥିଲା । ପ୍ରକାଶ ଓ  ସୁନନ୍ଦାଙ୍କୁ ପଚରାଉଚୁରା କରିବା ପରେ ସମ୍ପତ୍ତିକୁ ନେଇ  କାର୍ତ୍ତିକ ଓ ବିନାୟକଙ୍କ ଭିତରେ ବିବାଦ ଉପୁଜିଥିବା ପୁଲିସ  ଜାଣିବାକୁ ପାଇଥିଲା । ତେଣୁ ପୁଲିସର ସନ୍ଦେହ ବିନାୟକ  ଉପରେ ଯାଇଥିଲା । ଫଳରେ ପୁଲିସ ତାଙ୍କୁ ଗିରଫ କରିଥିଲା ।  ଜେରା ବେଳେ ସେ ଦୋଷ ସ୍ୱୀକାର କରିଥିଲେ । ପୁଲିସ  ଶେଷରେ ଗଡଗରୁ ୪ ଓ ସାଙ୍ଗଲିରୁ ଅନ୍ୟ ୪ଜଣ ସୁପାରି  କିଲରଙ୍କୁ ଗିରଫ କରିବାରେ ସଫଳ ହୋଇଥିଲା

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.