ସୋର,୧୯/୦୩: ରିଲ୍‌ସ ନିଶା ହେଲା କାଳ ।  ସାଙ୍ଗମାନଙ୍କ ସହ ରେଳ ଧାରଣାରେ ଇନ୍‌ଷ୍ଟାଗ୍ରାମ ରିଲ୍‌ସ  କରୁଥିବା ବେଳେ ଟ୍ରେନ୍‌ ଧକ୍କାରେ ଜଣେ ଯୁବକଙ୍କ ଜୀବନ  ଯାଇଛି । ଏଭଳି ଅଭାବନୀୟ ଘଟଣା ସୋମବାର ବାଲେଶ୍ୱର  ଜିଲ୍ଲା ସୋର ଥାନା ସବିରା ରେଳ ଷ୍ଟେସନ୍‌ ନିକଟରେ ଘଟିଛି ।  ମୃତକ ହେଲେ ଭଦ୍ରକ ଜିଲ୍ଲା ବାଣିତିଆ ଗ୍ରାମର ଅକ୍ଷୟ ପାତ୍ର ।  

ଅପରାହ୍ଣରେ ସବିରା ଷ୍ଟେସନ୍‌ ନିକଟ ରେଳ  ଧାରଣାରେ ଅକ୍ଷୟ ଓ ତାଙ୍କ ୫ଜଣ ସାଥୀ ରିଲ୍‌ସ  କରୁଥିଲେ । ଏହି ସମୟରେ ସେହି ଲାଇନ୍‌ରେ  ଯାଉଥିବା ନୀଳାଚଳ ଏକ୍ସପ୍ରେସ୍‌ ଅକ୍ଷୟଙ୍କୁ ପଛରୁ ଧକ୍କା  ଦେଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।  ତାଙ୍କ ସହ ଥିବା ଅନ୍ୟ ଯୁବକମାନେ ଚମ୍ପଟ୍‌ ମାରିଥିଲେ ।  ରେଳବାଇ ପୁଲିସ୍‌ ମୃତଦେହ ଜବତ କରି ବ୍ୟବଚ୍ଛେଦ  ପାଇଁ ପଠାଇଛି । ଅକ୍ଷୟ ଓ ତାଙ୍କ ସହ ଥିବା ଯୁବକମାନେ  ସୋର ନିକଟରେ ନାଟକ କରୁଥିବା ଏକ ଅପେରା ପାର୍ଟିର  ନୃତ୍ୟ କଳାକାର ବୋଲି ସ୍ଥାନୀୟ ଲୋକେ କହିଛନ୍ତି ।