ଭୁବନେଶ୍ୱର, ୩୦।୮: ବର୍ତ୍ତମାନ ଘରେ ଘରେ ଅତି କମ୍ରେ ଜଣେ ଡାଇବେଟିସ୍ ରୋଗୀ ନିଶ୍ଚୟ ଥିବେ । ଯଦି ଡାଇବେଟିସ୍କୁ ସଠିକ୍ ସମୟରେ ନିୟନ୍ତ୍ରଣ କରାନଯାଏ, ତେବେ ଆଗକୁ ଯାଇ ଅନେକ ସମସ୍ୟାର ସମ୍ମୁଖୀନ ହୋଇପାରନ୍ତି । ଆଜିକାଲି ଭାରତରେ ଅନେକ ଲୋକ ଏହି ରୋଗର ଶିକାର ହେଉଛନ୍ତି । ଡାଇବେଟିସ୍ କାରଣରୁ ପ୍ରତିବର୍ଷ ପ୍ରାୟ ୧୦ ଲକ୍ଷ ଲୋକ ମୃତ୍ୟୁବରଣ କରୁଛନ୍ତି । ଅନ୍ ହେଲଦି ଲାଇଫ୍ ଷ୍ଟାଇଲ୍, ଷ୍ଟ୍ରେସ୍ ଏବଂ ଭୁଲ ଖାଇବା ଅଭ୍ୟାସ ଯୋଗୁଁ ଲୋକମାନେ ଡାଇବେଟିସ୍ ଭଳି ସମସ୍ୟାର ସମ୍ମୁଖୀନ ହେଉଛନ୍ତି । କିନ୍ତୁ, ସୁଗାରକୁ ନିୟନ୍ତ୍ରଣ କରିବା ପାଇଁ, ଆପଣଙ୍କ ଖାଦ୍ୟର ଯତ୍ନ ନେବା ଅତ୍ୟନ୍ତ ଜରୁରୀ, ଏହା ବ୍ୟତୀତ ସୁଗର ନିୟନ୍ତ୍ରଣ କରିବା ପାଇଁ ଆପଣ କିଛି ଘରୋଇ ଉପଚାର ମଧ୍ୟ କରିବା ଉଚିତ୍ ।
ଆୟୁର୍ବେଦ ଅନୁଯାୟୀ, ଡାଇବେଟିସ୍କୁ ନିୟନ୍ତ୍ରଣ କରିବା ପାଇଁ ଆପଣ ଖାଦ୍ୟରେ ଅଁଳା, ହଳଦୀ ଏବଂ ବେଲପତ୍ର ଅନ୍ତର୍ଭୁକ୍ତ କରିବା ଉଚିତ୍ । ଡାଇବେଟିସ୍କୁ ନିୟନ୍ତ୍ରଣ କରିବାକୁ ଏହି ୩ଟି ଜିନିଷକୁ ନିଜ ଡାଏଟ୍ ସାମିଲ କରନ୍ତୁ ।
ଅଁଳା: ଅଁଳାରେ ଭିଟାମିନ୍ ସି, ଟେନିନ୍ ଏବଂ ଫ୍ଲାଭୋନାଏଡ୍ ଥାଏ ଯାହା ସୁଗର ଲେବଲକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ଏଥିରେ ଥିବା କ୍ରୋମିୟମ କାରଣରୁ ଏହା ସୁଗର ସ୍ପାଇକ୍ କମ୍ କରିଥାଏ । ଯାହା କାର୍ବୋହାଇଡ୍ରେଟ୍ ମେଟାବୋଲିଜିମ୍ ନିୟନ୍ତ୍ରଣ କରିବାରେ ଏବଂ ଶରୀରରେ ଇନସୁଲିନ୍ ସମ୍ବେଦନଶୀଳତା ବୃଦ୍ଧି କରିବାରେ ସାହାଯ୍ୟ କରିଥାଏ । ଅଁଳା ରସ କିମ୍ୱା ଏହାକୁ ପାଉଡର କରି ଖାଇପାରିବେ ।
ହଳଦୀ: ଆୟୁର୍ବେଦ ଅନୁଯାୟୀ, ଡାଇବେଟିସ୍ ଚିକିତ୍ସାରେ ହଳଦୀ ବହୁତ ଲାଭଦାୟକ ହୋଇଥାଏ । ତେବେ ହଳଦୀରେ ଅନେକ ଔଷଧୀୟ ଗୁଣ ରହିଥାଏ । ଏଥିରେ ଅନେକ ପ୍ରକାରର ଭଲ ଜିନିଷ ଥାଏ ଯାହା ପ୍ରଦାହକୁ କମ୍ କରିବାରେ, ବ୍ଲଡ ସୁଗର ଲେବଲକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ଏଥିସହିତ ଏହାର ପ୍ରତିରୋଧକୁ କମ୍ କରି ଶରୀରରେ ଇନସୁଲିନ୍କୁ ଉନ୍ନତ କରିବାରେ ସାହାଯ୍ୟ କରେ । ଏହା ଓଜନ କମ୍ ଏବଂ କୋଲେଷ୍ଟ୍ରଲ ଠିକ୍ ରଖିବାରେ ମଧ୍ୟ ସାହାଯ୍ୟ କରିଥାଏ ।
ବେଲପତ୍ର: ବେଲପତ୍ର ଶରୀରରେ ଇନସୁଲିନ୍ ଉତ୍ପାଦନ କରିବାକୁ ସାହାଯ୍ୟ କରିଥାଏ ଯାହାକି ସୁଗାର ଲେବଲକୁ ନିୟନ୍ତ୍ରଣରେ ରଖେ । ଏହା ଶରୀରରେ କୋଲେଷ୍ଟ୍ରଲ, ହଜମ, ହାର୍ଟ ଏବଂ ଫୁସଫୁସ ସ୍ୱାସ୍ଥ୍ୟକୁ ମଧ୍ୟ ବଜାୟ ରଖିବାରେ ସାହାଯ୍ୟ କରିଥାଏ । ସେଥିପାଇଁ ନିଜ ପ୍ରତିଦିନ ଖାଦ୍ୟରେ ଏହି ୩ଟି ଜିନିଷ ସାମିଲ କରିପାରିବେ । ଯାହା ଫଳରେ ଶରୀର ସୁସ୍ଥ ରହିବ ଏବଂ ଅନେକ ପ୍ରକାରର ସ୍ୱାସ୍ଥ୍ୟ ସମସ୍ୟାରୁ ମୁକ୍ତି ପାଇବେ ।
