ନୂଆଦିଲ୍ଲୀ : ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆପ୍ ବିଧାୟକଙ୍କ ସହ ପ୍ରମୁଖ ବୈଠକ କରିଛନ୍ତି। ଏହି ବୈଠକରେ ପାର୍ଟିର ପାଖାପାଖି ସବୁ ବିଧାୟକ ଉପସ୍ଥିତ ରହିଥିବା ବେଳେ ପାର୍ଟିର ଜଣେ ବିଧାୟକଙ୍କ ଅନୁପସ୍ଥିତିକୁ ନେଇ ଖୁବ୍ ଚର୍ଚ୍ଚା। ଉଲ୍ଲେଖନୀୟ ଯେ , ଦିଲ୍ଲୀର ଓଖଲାରୁ ଆମ୍ ଆଦମୀ ପାର୍ଟିର ବଡ଼ ଚେହେରା ତଥା ବିଧାୟକ ଅମାନତୁଲ୍ଲାହ ଖାନ ଏହି ବୈଠକରେ ଅନୁପସ୍ଥିତ ଅଛନ୍ତି।
କହି ରଖୁଛୁ କି , ଆପ୍ ବିଧାୟକ ଅମାନତୁଲ୍ଲାହ ଖାନ ଓ ତାଙ୍କ ପୁଅ ଅନସଙ୍କ ଉପରେ ଅଭିଯୋଗ ଲାଗିଛି। ସେମାନେ ନୋଏଡର ସେକ୍ଟର ୯୫ ସ୍ଥିତ ଏକ ପେଟ୍ରୋଲ ପମ୍ପର କର୍ମୀଙ୍କୁ ଧମକାଇବା ଓ ତାଙ୍କୁ ମାରପିଟି କରି ଥିବା କୁହାଯାଉଛି। ଏହାପରେ ନୋଏଡା ପୁଲିସ ମଧ୍ୟ ଅମାନତୁଲ୍ଲାହ ଖାନଙ୍କୁ ତଲାସ କରୁଛି। କୁହାଯାଉଛି କି, ପୁଲିସ ଦାବି କରିଛି କି ଅମାନତୁଲ୍ଲାହ ଖାନ ଓ ତାଙ୍କର ପୁଅ ଅଣ୍ଡରଗ୍ରାଉଣ୍ଡ ହୋଇ ଯାଇଛନ୍ତି।
ନୋଏଡା ପୁଲିସ ପକ୍ଷରୁ ସୂଚନା ଦିଆଯାଇ ଥିଲା କି ଉଭୟ ବିରୋଧରେ ମାରପିଟି ଓ ଅପରାଧିକ କାର୍ଯ୍ୟକୁ ନେଇ କେସ୍ ରୁଜୁ କରାଯାଇଛି। ନୋଏଡା ପୁଲିସର ଏକ ଟିମ୍ ମଧ୍ୟ ଆପ୍ ବିଧାୟକଙ୍କ ଘରକୁ ଯାଇଥିଲା , ହେଲେ ବିଧାୟକ ଓ ତାଙ୍କର ପୁଅ ଉଭୟ ଘରେ ନଥିଲେ। ପୁଲିସର କହିବାନୁସାରେ , ଅମାନତୁଲ୍ଲାହ ଖାନ ଓ ତାଙ୍କ ପୁଅ ଯାଞ୍ଚରେ ସହଯୋଗ କରୁ ନାହାନ୍ତି। ତାଙ୍କର ମୋବାଇଲ ଫୋନ୍ ସ୍ୱିଚ୍ ଅଫ୍ ରହିଛି।
ଉଲ୍ଲେଖନୀୟ ଯେ,ନୋଏଡାରେ ହୋଇଥିବା ଏକ ଭିଡ଼ିଓ ମଧ୍ୟ ସାମନାକୁ ଆସି ଥିଲା। ଏହି ଭିଡ଼ିଓରେ ନଜର ଆସିଥିଲା କି ପେଟ୍ରୋଲ ପମ୍ପରେ ମାରପିଟି ହୋଇଥିଲା। ପେଟ୍ରୋଲ ପମ୍ପର କର୍ମଚାରୀଙ୍କ କହିବାନୁସାରେ ଅନସ ଖାନ ପେଟ୍ରୋଲ ପମ୍ପକୁ ଆସିବା ପରେ ଧାଡ଼ି ଭାଙ୍ଗି ପ୍ରଥମେ ତେଲ ନେବାକୁ ଜିଦି କରିଥିଲେ, କିନ୍ତୁ ସେଠାରେ ଥିବା ପେଟ୍ରୋଲ କର୍ମଚାରୀ ଏମିତି କରିବାକୁ ମନା କରି ଥିଲେ। ଏହାପରେ ସେମାନଙ୍କ ଭିତରେ ମାରପିଟି ଆରମ୍ଭ ହୋଇଥିଲା। କର୍ମୀଙ୍କ ଦାବି କି ପରେ ସେଠାକୁ ନିଜେ ଅମାନତୁଲ୍ଲାହ ଖାନ ମଧ୍ୟ ଆସି ଥିଲେ। ଅଭିଯୋଗ କି ଏଠାକୁ ଆସି ଆପ୍ ବିଧାୟକ ଅମାନତୁଲ୍ଲାହ ପେଟ୍ରୋଲ ପମ୍ପ କର୍ମଚାରୀଙ୍କୁ ଧମକାଇ ଥିଲେ।
