ଲମତାପୁଟ, ୧୦।୧୨: ଟ୍ରକ୍ ଧକ୍କାରେ ୨ ଗାଈ ମୃତ । ମାରୁତି କାର୍ ନଷ୍ଟ । ଅଳ୍ପକେ ବର୍ତ୍ତିଲେ ଲମତାପୁଟ ମୁଖ୍ୟ ବଜାରଠାରେ ଥିବା ଶତାଧିକ ଲୋକ । ମାତାଲ ଅବସ୍ଥାରେ ଏକ କାଠ ବୋଝଇ ଟ୍ରକ୍ ଲମତାପୁଟର ମୁଖ୍ୟ ବଜାରରେ ଦ୍ରୁତ ଗତିରେ ଯାଇ ୨ଟି ଗାଈକୁ ଧକ୍କା ଦେଇଥିଲା । ଏଥିସହ ଏକ ମାରୁତି କାର୍କୁ ପଛପଟୁ ପିଟି ଫେରାର ଖସିବାକୁ ଚେଷ୍ଟା କରୁଥିଲା । କିନ୍ତୁ ଶେଷରେ ପୋଲିସ ହାତରେ ଧରାପଡ଼ିଲା । ଡ୍ରାଇଭର ଜଣକ ମାଲକାନଗିରି ଜିଲ୍ଲା ୧୯ ନମ୍ବର ଗ୍ରାମର ରଞ୍ଜନ ମଣ୍ଡଳ ବୋଲି ଜଣାପଡ଼ିଛି ।
ଘଟଣାସ୍ଥଳରେ ୨ଟି ଗାଈଙ୍କ ମୃତ୍ୟୁ ହୋଇଥିବା ବେଳେ କାର୍ ଚାଳକ ଅଳ୍ପକେ ବର୍ତ୍ତି ଯାଇଛନ୍ତି । ମୁଖ୍ୟ ବଜାରରେ ଥିବା ଅନେକ ଲୋକ ମଧ୍ୟ ଏହି ଦୁର୍ଘଟଣାରୁ ବର୍ତ୍ତି ଯାଇଥିଲେ । ଦୁର୍ଘଟଣା ପରେ ପୋଲିସ ଟ୍ରକ୍ର ପିଛା କରିଥିଲା । ଲମତାପୁଟରୁ ପ୍ରାୟ ୩ କିମି ଦୂରରେ ଅଟକାଇ ଟ୍ରକ୍କୁ ଜବତ କରିବା ସହ ଡ୍ରାଇଭରକୁ ଅଟକ ରଖିଛି ।