ଶ୍ରୀନଗର – ଅନନ୍ତନାଗରେ କୋକେରନାଗର ଜଙ୍ଗଲରେ ୬ଷ୍ଠ ଦିନ ମଧ୍ୟ ଏନକାଉଣ୍ଟର ଜାରି ରହିଛି। ଏଠାରେ ଅତି କମ୍ରେ ଦୁଇ ଆତଙ୍କବାଦୀ ଲୁଚି ରହିଥିବାର ସମ୍ଭାବନା ରହିଛି । ଆତଙ୍କୀଙ୍କ ତଲାସୀ ଅଭିଯାନରେ ସେନାର ସ୍ପେଶାଲାଇଜଡ୍ ଜିନିଷକୁ ବି ବ୍ୟବହାର କରାଯାଇଛି। ଏହା ବ୍ୟତୀତ ଲାଟେଷ୍ଟ ହେରୋନ ମାର୍କ-୨ ଡ୍ରୋନ୍କୁ ମଧ୍ୟ ଆତଙ୍କବାଦୀଙ୍କୁ ନିହତ କରିବାରୁ ବ୍ୟବହାର କରାଯାଇଛି। ଜଙ୍ଗଲରେ ରହି ରହି ଫାୟାରିଂ ହେଉଛି। ସେଠାରେ ସେନାର ଡ୍ରୋନ ଉପରୁ ବୋମା ବର୍ଷଣ କରୁଛି। କହି ରଖୁଛୁ କି ଏହି ଜଙ୍ଗଲର ଗୁମ୍ଫା ଆଦିରେ ଆତଙ୍କୀମାନେ ଲୁଚି ରହିଥିବାର ଆଶଙ୍କା ରହିଛି। ଶନିବାର ସୁରକ୍ଷା ବଳ ଏକ ଆତଙ୍କୀକୁ ମାରି ଦେଇଥିଲେ।
ସେନା କୌଣସି ବି ମୂଲ୍ୟରେ ଏହି ଆତଙ୍କୀଙ୍କୁ ଶେଷ କରିବାକୁ ଚାହିଁଛି। ଏଥିପାଇଁ ମାଟିରୁ ଆକାଶ ଯାଏ ସବୁଠି ଅଭିଯାନ ଚାଲି ରହିଛି । କହି ରଖୁଛୁ କି, କୋକରନାଗର ଏହି ଜଙ୍ଗଲୀ ଅଞ୍ଚଳ ଖୁବ୍ ଉଚ୍ଚରେ ରହିଛି। ଏଠାରେ ଚାରିପାଖେ କେବଳ ପାହାଡ଼ , ଗୁମ୍ଫା ଆଦି ରହିଛି। ଏହାର ଫାଇଦା ଉଠାଇ ଆତଙ୍କୀ ଏବେସୁଦ୍ଧା ନିଜକୁ ରକ୍ଷା କରି ନେଉଥିଲେ। ହେଲେ ସେନା ପୂରା ଅଞ୍ଚଳକୁ ଘେରି ରଖିଛି। ଆଉ ମଧ୍ୟ ଡ୍ରୋନ୍ରେ ପୂରା ନଜର ରଖାଯାଉଛି।
ଆତଙ୍କୀଙ୍କ ବିରୋଧରେ ଅଭିଯାନରେ ସେନା ହେରୋନ ମାର୍କ-୨ କୁ ଓହ୍ଲାଇଛି। ଏହି ଡ୍ରୋନ ଦ୍ୱାରା ଜଣେ ଆତଙ୍କବାଦୀକୁ ମାରି ଦିଆ ଯାଇଥିଲା। ପ୍ରକୃତ କଥା ହେଲା ଏହି ଡ୍ରୋନ ସର୍ଭିଲାନ୍ସ ସହ ହମଲା ମଧ୍ୟ କରିଥାଏ । କହି ପାରିବା କି, ଏହି ଡ୍ରୋନ୍ ଆତଙ୍କୀଙ୍କୁ ଖୋଜି ଖୋଜି ମାରିବାରେ ସକ୍ଷମ ହୋଇଥାଏ । ବିଶେଷ କଥା ହେଲା ବର୍ଷା ବେଳେ ମଧ୍ୟ ଡ୍ରୋନ କାମ କରି ପାରିବ। ଏହାକୁ ୧୫ କିଲୋମିଟର ଦୂରରେ ବସି ବି ଅପରେଟ କରାଯାଇ ପାରିବ। ଏହି ଡ୍ରୋନ୍ ଚାରିଆଡ଼ୁ ଏକା ସାଥିରେ ଗୁଳି ବର୍ଷା କରିପାରେ। ଏହାକୁ ଇସ୍ରାଏଲର ଏୟରୋସ୍ପେସ୍ ଇଣ୍ଡଷ୍ଟ୍ରିଜ୍ କରିଛି। ଶନିବାର ଜଣେ ଆତଙ୍କୀକୁ ଏହି ଡ୍ରୋନ୍ ମାରି ଖସାଇ ଦେଇ ଥିଲା।
