ନୂଆଦିଲ୍ଲୀ,୧୩।୨: ସୋମବାର କେନ୍ଦ୍ର ସରକାର ସହିତ ହୋଇଥିବା ବୈଠକ ବିଫଳ ହେବାପରେ କୃଷକମାନେ ମଙ୍ଗଳବାର ଦିଲ୍ଲୀ ଅଭିମୁଖେ ବାହାରିଛନ୍ତି। ଶମ୍ଭୁ ବର୍ଡନରେ ପୋଲିସ ତାଙ୍କୁ ଅଟକାଇଥିଲେ ମଧ୍ୟ କୃଷକମାନେ ଏହାକୁ ମୁକାବିଲା କରିଛନ୍ତି। ଏପରିକି କୃଷକଙ୍କୁ ଦିଲ୍ଲୀରେ ପ୍ରବେଶ କରାଇ ନଦେବା ପାଇଁ ପୋଲିସ ବ୍ୟାରିକେଡ୍ ଲଗାଇଥିଲେ ମଧ୍ୟ କୃଷକମାନେ ଟ୍ରାକ୍ଟରରେ ଭାଙ୍ଗିବାକୁ ଚେଷ୍ଟା କରିଥିଲେ। ଏହା ଦେଖି ପୋଲିସ ତାଙ୍କ ଉପରେ ଡ୍ରୋନ ସାହାଯ୍ୟରେ ଲୁହ ବୁହା ଗ୍ୟାସ୍ ମାଡ କରିଛି। ଏହାଦ୍ବାରା ସ୍ଥିତି ଆହୁରି ବିଗିଡି ଯାଇଛି।
୧୨ ଦଫା ଦାବି ନେଇ ପ୍ରାୟ ୨୦ ହଜାର ଚାଷୀ ଦିଲ୍ଲୀ ଅଭିମୁଖେ ଆସିଛନ୍ତି। ୨୫୦୦ ଟ୍ରାକ୍ଟର ରାଲି କରି ହରିଆଣା ଓ ପଞ୍ଜାବର ବିଭିନ୍ନ ଚାଷୀ ସଙ୍ଗଠନ ବିକ୍ଷୋଭ କରିବାକୁ ରାଜଧାନୀ ବାହାରିଛନ୍ତି। ଦିଲ୍ଲୀରେ ଏକଜୁଟ ହୋଇ ବଡ଼ ଧରଣ ପ୍ରଦର୍ଶନ କରିବାକୁ ଚାଷୀ ସଂଗଠନ ଯୋଜନା କରିଛନ୍ତି । ଏଥିପାଇଁ ସେମାନେ ସାଙ୍ଗାରେ ୬ ମାସର ରାସନ ଧରି ଆସିଥିବା କହିଛନ୍ତି। କେବଳ ସେତିକି ନୁହେଁ ପେଟ୍ରୋଲ ଡିଜେଲ ମଧ୍ୟ ଆଣିଥିବା ସୂଚନା ମିଳିଛି। ଏଥିସହ ନିଜ ସାଙ୍ଗରେ ସାମେନ ଆକଶ୍ୟକୀୟ ସାମଗ୍ରୀ ମଧ୍ୟ ଆଣିଛନ୍ତି। କୃଷକମାନେ କହିଛନ୍ତି,ଦାବି ପୂରଣ ନ ହେବା ଯାଏ ହଟିବୁ ନାହିଁ ବୋଲି ।
ଶମ୍ଭୁ ବର୍ଡରରେ କୃଷକଙ୍କ ଉପରେ ଡ୍ରୋନ୍ ଦ୍ବାରା ପୋଲିସର ଲୁହବୁହା ଗ୍ୟାସ୍ ମାଡ଼, ଦିଲ୍ଲୀର ସବୁ ସୀମା ସିଲ୍
ଗୁଇନ୍ଦ ରିପୋର୍ଟ ଅନୁସାରେ, ଏକାକୀ ପଞ୍ଜାବର କୃଷକ ବିରୋଧ ପାଇଁ ୧୫୦୦ ଟ୍ରାକ୍ଟର ଓ ୫୦୦ ଗାଡି ନୋଇ ଆସିଛନ୍ତି।ସେମାନେ ଆଖପାଖର ଗୁରୁଦ୍ବାର, ଧର୍ମଶାଳା, ଆଶ୍ରମ,ଗେଷ୍ଟ ହାଉସରେ ରହି ବିରୋଧ ପ୍ରଦର୍ଶନ କରିବାର ଯୋଜନା କରିଛନ୍ତି।
