ପ୍ରମୁଖ ଖବର
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ମୁମ୍ୱାଇ ଇଣ୍ଡିଆନ୍ସ ହାରିବା ପରେ ରୋହିତଙ୍କ ଏହି ଭିଡ଼ିଓ ଭାଇରାଲ , ଖୁବ୍‌ ନିରାଶ ନଜର ଆସିଲେ କ୍ରିକେଟର

ନୂଆଦିଲ୍ଲୀ : ରୋହିତ ଶର୍ମା ଚେନ୍ନାଇ ସୁପରକିଙ୍ଗସ ବିରୋଧରେ ୬୩ଟି ବଲ୍‌ରେ ୧୦୫ ରନର ଏକ ଅପରାଜେୟ ପାଳି ଖେଳି ଥିଲେ। ଏହି ସମୟରେ ରୋହିତଙ୍କ ବ୍ୟାଟରୁ ୧୧ ଚୌକା ଓ ୫ଟି ଛକା ବାହାରି ଥିଲା। ଆଇପିଏଲ୍‌ ୨୦୨୪ରେ ଏହା ତାଙ୍କର ପ୍ରଥମ ଶତକ ଥିଲା, ହେଲେ ରୋହିତ ତାଙ୍କର ଏହି ଶତକରେ ଖୁସି ନଥିଲେ। ରୋହିତ ଏମିତି ଜଣେ ଖେଳାଳି , ଯିଏ କି ଯେବେ ମୈଦାନକୁ ଆସନ୍ତି ନିଜ ଟିମ୍‌ ପାଇଁ ଖେଳନ୍ତି, ତାହା ମୁମ୍ୱାଇ ଇଣ୍ଡିଆନ୍ସ ହେଉ ବା ଭାରତୀୟ କ୍ରିକେଟ୍‌ ଟିମ୍‌। ସେ କେବେ ବି ଷ୍ଟାଟସ୍‌ ପାଇଁ ଖେଳନ୍ତି ନାହିଁ ଏବଂ ଏହି କାରଣରୁ ତାଙ୍କ ପାଇଁ ଏହି ଶତକର କୌଣସି ଅର୍ଥ ନଥିଲା, କାରଣ ମୁମ୍ୱାଇ ଇଣ୍ଡିଆନ୍ସକୁ ଶେଷରେ ୨୦ ରନ୍‌ରେ ପରାଜୟର ସାମନା କରିବାକୁ ପଡ଼ିଥିଲା। 

ମ୍ୟାଚ୍‌ ପରେ ଯେବେ ଚେନ୍ନାଇ ସୁପରକିଙ୍ଗସର ଟିମ୍‌ ମୁମ୍ୱାଇ ଇଣ୍ଡିଆନ୍ସର ଖେଳାଳିଙ୍କ ସହ ଯେବେ ହାତ ମିଳାଉ ଥିଲେ , ସେତେବେଳେ ରୋହିତ ପଡ଼ିଆରୁ ଚୁପଚାପ ମୁଣ୍ଡ ନୁଆଁଇ ଚାଲି ଯାଇଥିଲେ। ରୋହିତଙ୍କର ଏହି ଅଦେଖା ଭିଡ଼ିଓ ( ଅନ୍‌ସିନ୍‌ ) ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍‌ ଭାଇରାଲ ହେଉଛି । 

ଏମିତି ଲାଗୁଛି କି ଏହି ଭିଡ଼ିଓ ଷ୍ଟାଡିୟମରେ ଥିବା କେହି କ୍ରିକେଟ୍‌ ଫ୍ୟାନ୍‌ ସୁଟ୍‌ କରିଛନ୍ତି । ରୋହିତ ଶର୍ମାଙ୍କ ଚେହେରା ଓ ବଡ଼ି ଲାଙ୍ଗୁଏଜ୍‌ ଉଭୟରେ ପରାଜୟର ଝଲକ ସ୍ପଷ୍ଟ ଜଣାଯାଉଛି। ଆଇପିଏଲ ୨୦୨୪ରେ ମୁମ୍ୱାଇ ଇଣ୍ଡିଆନ୍ସର ଏହା ୬ଟି ମ୍ୟାଚ୍‌ରେ ୪ର୍ଥ ପରାଜୟ ଥିଲା। ବର୍ତ୍ତମାନ ସୁଦ୍ଧା ମୁମ୍ୱାଇ ଇଣ୍ଡିଆନ୍ସ ଦୁଇଟି ମ୍ୟାଚ୍‌ ହିଁ ଜିତିଛି। 

ଚେନ୍ନାଇ ସୁପରକିଙ୍ଗସ ବିରୋଧରେ ରୋହିତ ପୂରା ମଜବୁତ ସହ ଠିଆ ହୋଇଥିଲେ ଏବଂ ବାରମ୍ୱାର ଆଟାକ୍‌ କରୁଥିଲେ। କିନ୍ତୁ ତାଙ୍କୁ ଅନ୍ୟ ପଟରୁ କୌଣସି ବି ବ୍ୟାଟ୍ସମ୍ୟାନ ଅଧିକ ସହଯୋଗ କରି ନଥିଲେ ଏବଂ ଏହି କାରଣରୁ ମୁମ୍ୱାଇ ଇଣ୍ଡିଆନ୍ସର ଟିମ୍‌କୁ ୨୦ ରନ୍‌ରେ ପରାଜୟର ସାମନା କରିବାକୁ ପଡ଼ିଥିଲା।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.