କଟକ, ୦୭/୦୨ : ରାଜ୍ୟ ପୁଲିସ ବାହିନୀରେ କାର୍ଯ୍ୟରତ ଡିଏସ୍ପି ପାହ୍ୟାର ୧୪ ଜଣ ଅଫିସରଙ୍କୁ ବଦଳି କରାଯାଇଛି । ନିକଟରେ ପଦୋନ୍ନତି ପାଇଥିବା ନବାଗତ ଡିଏସ୍ପି ମୃଣ୍ମୟ ସେନାପତିଙ୍କୁ ଯାଜପୁରରୁ କଟକ ବଦଳି କରାଯାଇଛି । ଆଲୋକ ରଞ୍ଜନ ରାୟଙ୍କୁ ବାଲେଶ୍ୱରରୁ ଗଜପତି, ଡିଏସ୍ପି ବଳରାମ ନାୟକଙ୍କୁ ବାଲେଶ୍ୱରରୁ ଯାଜପୁର, ବିଜୟ କୁମାର ମୁର୍ମୁଙ୍କୁ ନୂଆପଡ଼ାରୁ କୋରାପୁଟ ପୁଲିସ୍ ଜିଲ୍ଲାକୁ ବଦଳି କରାଯାଇଛି । ଏସିପି ଚନ୍ଦନ ଘଡ଼େଇଙ୍କର କଟକ ସଦର ଏସ୍ଡିପିଓ ଭାବେ ବଦଳି ଆଦେଶନାମାରେ ପରିବର୍ତ୍ତନ କରାଯାଇ ତାଙ୍କୁ ପୁରୀ ଜିଲ୍ଲାକୁ ବଦଳି କରାଯାଇଛି ।
ସେହିପରି ରାୟଗଡ଼ା ଏସ୍ଡିପିଓ ଦେବେନ୍ଦ୍ର ନାଥ ପିଙ୍ଗୁଆଙ୍କୁ ବାଲେଶ୍ୱର, ଗୁଣନିଧି ମଲ୍ଲିକ୍ଙ୍କୁ କୋରାପୁଟରୁ ନୂଆପଡ଼ା, କିରଣ ହେମ୍ବ୍ରମଙ୍କୁ ପୁରୀରୁ କଟକ ସଦର ଏସ୍ଡିପିଓ, ମନୋରଞ୍ଜନ କହଁରଙ୍କୁ ନୂଆପଡ଼ାରୁ କୋରାପୁଟ, ନିବେଦିତା ସୋରେନ୍ଙ୍କୁ ବରଗଡ଼ରୁ ବାଲେଶ୍ୱର, ନୟାଗଡ଼ ସ୍ଥିତ ପୁଲିସ୍ ଟ୍ରେନିଂ ସ୍କୁଲ୍ରେ ଡେପୁଟେସନ୍ରେ ଥିବା କନ୍ଧମାଳ ଡିଏସ୍ପି ନିରଞ୍ଜନ ପାଢ଼ୀଙ୍କୁ ରାୟଗଡ଼ା ଜିଆର୍ପି ଏସ୍ଡିପିଓ, କଟକ ଜିଆରପି ଡିଏସ୍ପି ପଦ୍ମିନୀ ବେହେରାଙ୍କୁ ଏଚ୍ଆରପିସି, ସନ୍ତୋଷ ବାରିକଙ୍କୁ ଏସ୍ଓଜିରୁ ଗଞ୍ଜାମ ଏବଂ ଶୋଭା ପଟ୍ଟନାୟକଙ୍କୁ କଟକରୁ ଅନୁଗୁଳସ୍ଥିତ ପୁଲିସ୍ ଟ୍ରେନିଂ କଲେଜ୍କୁ ବଦଳି କରାଯାଇଛି ।