ନୂଆଦିଲ୍ଲୀ, ୭/୬: ନକଲି ଆଧାର କାର୍ଡ ଦେଖାଇ ସଂସଦ ଭବନରେ ପସିଲେ ୩ ଶ୍ରମିକ। କାମ କରିବା ଆଳରେ ପ୍ରବେଶ କରିବାକୁ ଚେଷ୍ଟା କରିବାରୁ ଉତ୍ତରପ୍ରଦେଶର ତିନିଜଣ ଶ୍ରମିକଙ୍କୁ ଗିରଫ କରାଯାଇଛି। ଜାଲିଆତି ଏବଂ ପ୍ରତାରଣା ଅଭିଯୋଗରେ ଦିଲ୍ଲୀ ପୋଲିସ ଏହି ଅଭିଯୁକ୍ତ ଗିରଫ କରିଛି। ତେବେ ଗିରଫ ଅଭିଯୁକ୍ତମାନେ ହେଲେ କାସିମ, ମୋନିସ ଏବଂ ସୋଏବ ବୋଲି ଜଣାପଡିଛି ।
ସୂଚନା ମୁତାବକ, ଗତ ମଙ୍ଗଳବାର ଦିନ ସେମାନେ ସୁରକ୍ଷା ଯାଞ୍ଚ ପାଇଁ ଏକ ଧାଡିରେ ଠିଆ ହୋଇଥିଲେ । ସେହି ସମୟରେ ସଂସଦ ଗୃହର ଫ୍ଲାପ୍ ଗେଟ୍ ପ୍ରବେଶ ଦ୍ୱାରରେ ସିଏସ୍ଏଫ୍ କର୍ମଚାରୀମାନେ ଏହି ତିନି ଜଣଙ୍କୁ ଅଟକ ରଖିଥିଲେ। ସେହି ସମୟରେ ଅଭିଯୁକ୍ତମାନେ ସିଏସ୍ଏଫ୍ କର୍ମଚାରୀଙ୍କୁ ସେମାନଙ୍କର ଆଧାର କାର୍ଡ ଦେଖାଇଥିଲେ , ସେତେବେଳେ ସେମାନେ ପ୍ରମାଣପତ୍ର ସବୁ ସନ୍ଦେହଜନକ ମନେ ହୋଇଥିଲା। ଏନେଇ ଅଧିକ ଯାଞ୍ଚ ହେବାରୁ ସେମାନେ ଜାଲ୍ ଆଧାରକାର୍ଡ ଆଣିଛନ୍ତ ବୋଲି ସଙ୍ଗେ ସଙ୍ଗେ ଜଣାପଡ଼ିଥିଲା। ତେବେ ଏହି ଘଟଣାକୁ ନେଇ ସେମାାନଙ୍କୁ ଆଜି ଗିରଫ କରାଯାଇଛି । ତଦନ୍ତରୁ ଜଣାପଡିଛି ଯେ ସେମାନେ ଡି ଭି ପ୍ରୋଜେକ୍ଟସ ଲିମିଟେଡ ଦ୍ୱାରା କାମ ପାଇଁ ନିଯୁକ୍ତ ହୋଇଥିଲେ ଏବଂ ସଂସଦ କମ୍ପ୍ଲେକ୍ସ ଭିତରେ ସାଂସଦଙ୍କ ଲାଉଞ୍ଜ ନିର୍ମାଣରେ ନିୟୋଜିତ ହୋଇଥିଲେ।