ନୂଆଦିଲ୍ଲୀ,୯/୧୨ : ୫ରାଜ୍ୟରେ ବିଧାନସଭା ନିର୍ବାଚନ ପରେ ଏବେ ଆଗାମୀ ଲୋକସଭା ନିର୍ବାଚନକୁ ନେଇ ସବୁ ରାଜନୈତିକ ଦଳ ଏବେ ଅଣ୍ଟା ଭିଡ଼ିବାକୁ ଲାଗିଛନ୍ତି । ଏହିକ୍ରମରେ ବିହାରର ସିଏମ୍ ନୀତିଶ କୁମାର ବାରଣାସୀରେ ନିର୍ବାଚନ ପ୍ରଚାର କରିବାକୁ ଆସିବାରେ ଅଛନ୍ତି । ଏନଡିଏ ଗଠବନ୍ଧନକୁ ହରାଇବାକୁ ଦେଶର ବହୁ ବିପକ୍ଷୀ ଦଳ ଇଣ୍ଡିଆ ଗଠବନ୍ଧନ ବନାଇଛନ୍ତି । ଯାହାକୁ ଦେଖି କୁହାଯାଉଛି କି ଜନତା ଦଳ(ୟୁନାଇଟେଡ)ର ନେତା ଏବଂ ବିହାରର ସିଏମ୍ ନୀତିଶ କୁମାର ୟୁପିରୁ ଲୋକସଭା ନିର୍ବାଚନ ଲଢିପାରନ୍ତି ।
ବାରଣାସୀ ଲୋକସଭା ସିଟ୍ରେ ଗତ ଦୁଇଥର ଲୋକସଭା ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିର୍ବାଚନ ଜିତି ପ୍ରଧାନମନ୍ତ୍ରୀ ହୋଇଛନ୍ତି । ଏପରିସ୍ଥଳରେ ଇଣ୍ଡିଆ ଗଠବନ୍ଧନ ତରଫରୁ ନୀତିଶ କୁମାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସାମ୍ନାରେ ବାରଣାସୀରେ ପ୍ରଚାର ଅଭିଯାନର ଆରମ୍ଭ କରିବେ । ତାଙ୍କୁ ଇଣ୍ଡିଆ ଗଠବନ୍ଧନର ପିଏମ୍ ଚେହେରା କରାଯିବା ଆଶା କରାଯାଉଛି । ଏହା ମଧ୍ୟରେ ଖବର ମିଳୁଛି କି ବିହାରର ସିଏମ୍ ନୀତିଶ କୁମାର ଲୋକସଭା ନିର୍ବାଚନ ପ୍ରଚାର ବାରଣାସୀରୁ ଆରମ୍ଭ କରିବାକୁ ଯାଉଛନ୍ତି ।
ଆଗାମୀ ଲୋକସଭା ନିର୍ବାଚନ ପୂର୍ବରୁ ନୀତିଶ କୁମାର ୨୪ଡିସେମ୍ବରରେ ନିଜ ପ୍ରଥମ ଜନସଭା ବାରଣାସୀରେ କରିବେ । ବାରଣାସୀର କୁର୍ମୀ ଭୋଟ ବ୍ୟାଙ୍କକୁ ନିଜ ସପକ୍ଷରେ ନେବାକୁ ବିହାର ସିଏମ୍ ନୀତିଶ କୁମାର ବାରଣାସୀର ରୋହନୀୟାରେ ଜନସଭାକୁ ସମ୍ବୋଧିତ କରିବେ । ଏହି ସୂଚନା ବିହାରର କ୍ୟାବିନେଟ ମନ୍ତ୍ରୀ ଏବଂ ଜେଡିୟୁର ସଂଗଠନ ମନ୍ତ୍ରୀ ଦେଇଛନ୍ତି । ପ୍ରକାଶ ଯେ, ନୀତିଶ କୁମାର ଉତ୍ତର ପ୍ରଦେଶର ଫୁଲପୁର, ବନାରସ ଏବଂ ଆମ୍ବେଡକର ନଗରରୁ ନିର୍ବାଚନ ଲଢିବା ନେଇ ଚର୍ଚ୍ଚା ଜାରି ରହିଛି । ସେହିପରି ଅନ୍ୟପଟେ ନୀତିଶ କୁମାର ପ୍ରତାପଗଢରୁ ନିର୍ବାଚନ ଲଢିପାରନ୍ତି ବୋଲି ଅନୁମାନ କରାଯାଉଛି ।
ପ୍ରକାଶ ଯେ, ୨୪ଡିସେମ୍ବରରେ ବାରଣାସୀରେ ନୀତିଶ କୁମାରଙ୍କ ନିର୍ବାଚନୀ ଜନସଭା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୭ଡିସେମ୍ବରରେ ବାରଣାସୀ ଆସୁଛନ୍ତି । ପିଏମ୍ ନରେନ୍ଦ୍ର ମୋଦୀ ବି ବାରଣାସୀରୁ ହିଁ ଲୋକସଭା ନିର୍ବାଚନ ୨୦୨୪କୁ ନେଇ ନିଜ ନିର୍ବାଚନୀ ପ୍ରଚାରର ଶୁଭାରମ୍ଭ କରିବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ କାର୍ଯ୍ୟକାଳ ସମୟରେ ଏହା ତାଙ୍କର ୪୩ଥର ବାରଣାସୀ ଗସ୍ତରେ ଆସୁଛନ୍ତି । ଏହି ସମୟରେ ସେ ବାରଣାସୀରେ ଦର୍ଜନଭରରୁ ଅଧିକ ପରିଯୋଜନାର ଲୋକାର୍ପଣ ଏବଂ ଶିଳାନ୍ୟାସ କରିବେ ।