ଭୁବନେଶ୍ୱର,୦୪/୦୨: ରାଜ୍ୟ ସରକାର ବିନିର୍ମାଣ କ୍ଷେତ୍ର ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମ୍ଏସ୍ଏମ୍ଇ) ଗୁଡିକୁ ଉତ୍ସାହିତ କରିବା ଲାଗି ଚିଫ୍ ମିନିଷ୍ଟର୍ସ ସ୍କିମ୍ ଫର୍ ରିମ୍ବର୍ସମେଣ୍ଟ ଅଫ୍ ଇଣ୍ଟ୍ରେଷ୍ଟ ଟୁ ଏମ୍ଏସ୍ଏମ୍ଇ (ସିଏମ୍-ସ୍ରିମ) ଯୋଜନା ଆରମ୍ଭ କରିଛନ୍ତି । ଏହି ଯୋଜନାର ଲାଭ ନେବାକୁ ଆବେଦନ ସୀମାକୁ ଚଳିତ ମାସ ୨୯ ଯାଏ ବୃଦ୍ଧି କରିଛନ୍ତି । ଏ ନେଇ ଆବେଦନର ଶେଷ ସୀମା ଜାନୁଆରି ୩୧ ରହିଥିଲା।
ଏମ୍ଏସ୍ଏମ୍ଇ ବିଭାଗ ସୂଚନା ମୁତାବକ, ଗାଇଡଲାଇନରେ କିଛିଟା ପରିବର୍ତ୍ତନ କରାଯାଇଛି । ବର୍ତ୍ତମାନ ଚାଉଳ, ଡାଲି, ଅଟା ଏବଂ କାଠ ମିଲ୍ ସହ ବାଦାମ ପ୍ରକ୍ରିୟାକରଣ ୟୁନିଟ, ପ୍ରିଣ୍ଟି ଓ ପବ୍ଲିସିଂ, ମଞ୍ଜି ପ୍ରକ୍ରିୟାକରଣ ଏବଂ ଉଡ୍ ପ୍ଲାଣ୍ଟ ଗୁଡିକ ଏହି ଯୋଜନାର ଲାଭ ନେଇପାରିବେ । ପ୍ରଧାନମନ୍ତ୍ରୀ ରୋଜଗାର ପ୍ରୋତ୍ସାହନ ଯୋଜନା, ଗ୍ରାମୀଣ ନିଯୁକ୍ତି ସୃଜନ କାର୍ଯ୍ୟକ୍ରମ ଏବଂ ପ୍ରଧାନମନ୍ତ୍ରୀ ନିଯୁକ୍ତି ସୃଜନ କାର୍ଯ୍ୟକ୍ରମ ଅଧିନରେ ହିତାଧିକାରି ସିସି,ଇପିସି ଆକାଉଣ୍ଟ ନିଜ ନାମରେ ଥିଲେ ଏହି ଯୋଜନା ଅଧିନରେ ଫାଇଦା ଫାଇବେ ।
ଏମ୍ଏସ୍ଏମ୍ଇଗୁଡିକୁ ୪ଟି ବର୍ଗରେ ଆର୍ôଥକ ପ୍ରୋତ୍ସାହନ ପ୍ରଦାନ କରାଯିବା ବ୍ୟବସ୍ଥା ରହିଛି । ୨୦୨୨ ମାର୍ଚ୍ଚ ୩୧ ପୂର୍ବରୁ ଉତ୍ପାଦନ ଆରମ୍ଭ କରିଥିବା ୟୁନିଟ ଗୁଡିକ ଏଥିଲାଗି ଯୋଗ୍ୟ ବିବେଚିତ ହେବେ । ଏଥିରେ ୧୦ ଲକ୍ଷ ଟଙ୍କା ଯାଏ ଋଣ ଉପରେ ଶତ ପ୍ରତିଶତ ରିହାତି ବ୍ୟବସ୍ଥା ରହିଛି । ସେହିଭଳି ୫୦ ଲକ୍ଷରୁ ୧ କୋଟି ଟଙ୍କାର ଋଣ ନେଇ କାମ ଆରମ୍ଭ କରିଥିବା ଏମ୍ଏସ୍ଏମ୍ଇ ୭୫% ଏବଂ ୧ କୋଟିରୁ ୩ କୋଟି ଯାଏ ଋଣ ଉପରେ ୨୫% ଯାଏ ଅର୍ଥ ଫେରସ୍ତ ମିଳିବ ।
