ନୂଆଦିଲ୍ଲୀ : ଆଜି ଦ୍ୱିପ୍ରହରରେ ଲକ୍ଷ ଲକ୍ଷ ଆଣ୍ଡ୍ରଏଡ୍ ୟୁଜରଙ୍କୁ ହଠାତ୍ ତାଙ୍କର ସ୍ମାର୍ଟ ଫୋନରେ ଗୁରୁତର ଜରୁରୀକାଳିନ ଚେତାବନୀ ଫ୍ଲାସ୍ ସହ ମେସେଜ୍ ଆସିଥିଲା ,ଯେଉଁଥି ପାଇଁ ସେମାନେ ଆଶ୍ଚର୍ଯ୍ୟ ହୋଇ ଯାଇଥିଲେ। ୟୁଜର୍ସ ଏହି ମେସେଜର ଲକ୍ଷ୍ୟ ବୁଝିବାକୁ ଚେଷ୍ଟା କରୁଛନ୍ତି ଏବଂ ଏହି ମେସେଜରେ ସ୍ପଷ୍ଟ ଲେଖାଯାଇଛି କି ଏହା ସରକାରଙ୍କ ପକ୍ଷରୁ କରାଯାଇ ଥିବା ଟେଷ୍ଟିଂ। ସରକାର ଜରୁରୀ ସ୍ଥିତିରେ ୟୁଜରଙ୍କୁ ଆଲର୍ଟ କରିବା ପାଇଁ ଏହି ଫିଚରକୁ ଆଗାମୀ ଦିନରେ ବ୍ୟବହାର କରିପାରେ। ଏଥିପାଇଁ ଏହାକୁ ଟେଷ୍ଟ କରୁଛି।
ଏବେ ହ୍ୱାଟ୍ସଆପ୍ରେ ଆସିବ ଆକର୍ଷଣୀୟ ଫିଚର , ଟେଲିଗ୍ରାମ୍ ଓ ସିଗନାଲ ଆପ୍ସର ମେସେଜ୍ ବି ପାଇ ପାରିବେ ୟୁଜର !
ଦିଲ୍ଲୀ ଏନସିଆର ଓ ଅନ୍ୟ ଅଞ୍ଚଳରେ ଶୁକ୍ରବାର ଦ୍ୱିପ୍ରହର ୧୨.୩୦ସମୟରେ ପାଖାପାଖି ଅନେକ ସ୍ମାର୍ଟଫୋନ ୟୁଜରଙ୍କୁ ତାଙ୍କର ଫୋନ ସ୍କ୍ରିନରେ ପ୍ରଥମେ ଇଂରାଜୀ ଓ ପରେ ହିନ୍ଦୀରେ Emergency alert : Severର ଚେତାବନୀ ସହ ଏକ ମେସେଜ ଦେଖାଗଲା। ଏହିପରି ମେସେଜ ଭୂକମ୍ପ ବା ବନ୍ୟା ଭଳି ଗୁରୁତର ବିପତ୍ତି ଓ ଅନ୍ୟ ଜରୁରୀ ସ୍ଥିତିରେ ଚେତାବନୀ ଦେବାପାଇଁ ପଠାଯାଏ , କିନ୍ତୁ ଏହିଥର ଏମିତି ହୋଇ ନାହିଁ। ୟୁଜରଙ୍କୁ ଚିନ୍ତା କରିବାର କୌଣସି ଆବଶ୍ୟକତା ନାହିଁ ଏବଂ ସରକାର କେବଳ ଟେଷ୍ଟିଂ ଭାବେ ଏହି ମେସେଜ ପଠାଇଛନ୍ତି ।
सरकार आपातकालीन फीचर टेस्ट कर रही है और ढेरों एंड्रॉयड यूजर्स को ऐसा अलर्ट उनकी स्मार्टफोन स्क्रीन पर दिखा है। #emergencyalert pic.twitter.com/GkDQOqgaqs
— Pranesh Tiwari (@SPDPranesh10) September 15, 2023
ଜରୁରୀକାଳିନ ମେସେଜରେ କଣ ଲେଖା ଥିଲା ?
Emergency alert : Sever ଟାଇଟଲ ସହ ଆସିଥିବା ମେସେଜରେ ଲେଖାଥିଲା , ଏହା ଭାରତ ସରକାରଙ୍କ ଦୂରସଂଚାର ବିଭାଗ ଦ୍ୱାରା ସେଲ୍ ବ୍ରଡକାଷ୍ଟିଂ ସିଷ୍ଟମ ମାଧ୍ୟମରେ ପଠାଯାଇ ଥିବା ଏକ ନମୂନା ପରୀକ୍ଷଣ ବାର୍ତ୍ତା। ଦୟାକରି ଏହି ବାର୍ତ୍ତାକୁ ଧ୍ୟାନ ଦିଅନ୍ତୁ ନାହିଁ , କାରଣ ଏହା ଉପରେ ଆପଣଙ୍କ ଉପରେ କୌଣସି କାର୍ଯ୍ୟାନୁଷ୍ଠାନର ଆବଶ୍ଯକତା ନାହିଁ। ଏହି ବାର୍ତ୍ତା ରାଷ୍ଟ୍ରୀୟ ବିପର୍ଯ୍ୟୟ ପ୍ରବନ୍ଧନ ପ୍ରାଧିକରଣ ଦ୍ୱାରା କାର୍ଯ୍ୟାନ୍ୱିତ କରାଯାଇ ଥିବା ଅଖିଳ ଭାରତୀୟ ବିପର୍ଯ୍ୟୟ ଆଲର୍ଟ ସିଷ୍ଟମକୁ ଯାଞ୍ଚ କରିବା ନେଇ ପଠାଯାଇଛି। ଏହି ସିଷ୍ଟମର ଉଦ୍ଦେଶ୍ୟ ସାର୍ବଜନିକ ସୁରକ୍ଷା ବଢାଇବା ଓ ବିପର୍ଯ୍ୟୟ ସ୍ଥିତି ବେଳେ ସଠିକ ସମୟରେ ଆଲର୍ଟ ପ୍ରଦାନ କରିବା ।
