ନୂଆଦିଲ୍ଲୀ, ୧୮/୧୧: ସୁପର ସନଡେରେ ହେବ ସୁପର୍ ଫାଇଟ୍ । ମୋଟେରାରେ ଦେଖିବାକୁ ମିଳିବ ମହା ମୁକାବିଲା । ଭାରତ, ଅଷ୍ଟ୍ରେଲିଆ ମଧ୍ୟରେ ବିଶ୍ୱକପର ଫାଇନାଲ୍ ଫାଇଟ୍ ପ୍ରସ୍ତୁତି ସରିଥିବା ବେଳେ ସମସ୍ତଙ୍କ ଉତ୍କଣ୍ଠା ବଢ଼ୁଛି । ତୃତୀୟ ଥର ପାଇଁ ବିଶ୍ୱକପ୍ ଟ୍ରଫି ହାତେଇବାକୁ ଭାରତ ସମ୍ପୂର୍ଣ୍ଣ ସାମର୍ଥ୍ୟ ଲଗାଇଥିବା ବେଳେ କଙ୍ଗାରୁ ଟିମ୍ ଠାରୁ ୨୦ ବର୍ଷ ତଳର ପ୍ରତିଶୋଧ ନେବାକୁ ବ୍ରଗ୍ୟ ଅଛି ।
ରବିବାର ଅହମଦାବାଦର ସର୍ବାଧିକ ତାପମାତ୍ରା ୩୩ ଡିଗ୍ରୀ ଓ ସର୍ବନିମ୍ନ ତାପମାତ୍ରା ୧୭ ଡିଗ୍ରୀ ସେଲସିୟସ୍ ରହିପାରେ । ଯଦିଓ ମ୍ୟାଚ୍ ଦିନ ଅହମଦାବାଦରେ ବର୍ଷା ସମ୍ଭାବନା ନାହିଁ ତଥାପି ପାଗ ଉପରେ ଭରସା ନାହିଁ । ତେଣୁ ଆଇସିସି ଫାଇନାଲ୍ ମ୍ୟାଚ୍ ପାଇଁ ରିଜର୍ଭ ଡେ ରଖିଛି । ତଥାପି ବି ବର୍ଷା ପାଇଁ ଖେଳ ସମ୍ପୂର୍ଣ୍ଣ ନ ହେଲେ କଣ ହେବ । ଏ ପ୍ରଶ୍ନ ସମସ୍ତଙ୍କ ମନରେ ଉଠୁଛି…
ଜ୍ୟୋତିଷଙ୍କ ଭବିଷ୍ୟବାଣୀ: ହିଟ୍ମ୍ୟାନ୍ଙ୍କ ରାଶିରେ ବିଶ୍ୱକପ୍ ଟ୍ରଫି, ଚ୍ୟାଲେଞ୍ଜ ଦେବ ଅଷ୍ଟ୍ରେଲିଆ
ରବିବାର ପାଗ ସଫା ଶୁଖିଲା ରହୁଥିବା ବେଳେ ମ୍ୟାଚ୍ ବେଳେ ବର୍ଷା ହେଲେ ରିଜର୍ଭ ଡେରେ ଖେଳାଯିବ । ମ୍ୟାଚ୍ ୨୦-୨୦ ଓଭର୍ ପର୍ଯ୍ୟନ୍ତ ଖେଳାଯିବା ଯାଏ ରିଜର୍ଭ ଡେ ବଳବତ୍ତର ରହିବ । ତେବେ ଅମ୍ପାୟର୍ସ ଚେଷ୍ଟା କରନ୍ତି ପ୍ରଥମ ଦିନରେ ହିଁ ମ୍ୟାଚ୍ ସରିଯାଉ ।
ଆଇସିସି ନିୟମ ଅନୁସାରେ, ନିର୍ଦ୍ଧାରିତ ତାରିଖରେ ଫାଇନାଲ୍ ମ୍ୟାଚ୍ ହୋଇ ନ ପାରିଲେ ରିଡର୍ଭ ଡେରେ ଖେଳାଯିବ । ଯଦି ରିଜର୍ଭ ଡେରେ ବର୍ଷା ପାଇଁ ମ୍ୟାଚ୍ ଧୋଇଯାଏ ତ ଉଭୟ ଦଳକୁ ଯୁଗ୍ମ ବିଜେତା ଘୋଷଣା କରାଯିବ । ଚାମ୍ପିଅନ୍ସ ଟ୍ରଫି ୨୦୦୨ରେ ଏହା ଦେଖିବାକୁ ମିଳିଥିଲା । ଭାରତ ଓ ଶ୍ରୀଲଙ୍କା କ୍ରିକେଟ ଟିମକୁ ଯୁଗ୍ମ ବିଜେତା ଘୋଷଣା କରାଯାଇଥିଲା । ତେବେ, ବଡ଼ କଥା ହେଉଛି ୪୮ ବର୍ଷର ବିଶ୍ୱକପ୍ ଇତିହାସରେ କୌଣସି ଫାଇନାଲ୍ ମ୍ୟାଚ୍ ରିଜର୍ଭ ଡେ ଯାଏ ପହଞ୍ଚି ପାରିନି ।
ମାର୍ଶଙ୍କ ଭବିଷ୍ୟବାଣୀ ଭାଇରାଲ୍...ଫାଇନାଲ୍ରେ ଅଷ୍ଟ୍ରେଲିଆ ୨/୪୫୦, ଭାରତ ୬୫ରେ ଅଲଆଉଟ୍
