କୋଲକାତା,୧୦/୦୯: ଦେଶର ନାମ ପରିବର୍ତ୍ତନକୁ ନେଇ ବଡ଼ ମନ୍ତବ୍ୟ ଦେଇଛନ୍ତି ପଶ୍ଚିମବଙ୍ଗର ବରିଷ୍ଠ ବିଜେପି ନେତା ଦିଲ୍ଲୀପ ଘୋଷ । ଇଣ୍ଡିଆର ନାମ ପରିବର୍ତ୍ତନ ହୋଇ ଭାରତ ହେବ ବୋଲି ସେ କହିଛନ୍ତି । ଏହାସହ ପଶ୍ଚିମବଙ୍ଗରେ ବିଦେଶୀଙ୍କ ମୂର୍ତ୍ତୀ ହଟାଇଦିଆଯିବ ବୋଲି ଦିଲ୍ଲୀପ ଘୋଷ କହିବା ପରେ ବିବାଦ ଉପୁଜିଛି । ଦେଶର ନାମ ପରିବର୍ତ୍ତନକୁ ବିରୋଧ କରୁଥିବା ଲୋକେ ଦେଶ ଛାଡ଼ିଦିଅନ୍ତୁ ବୋଲି ମେଦିନୀପୁର ସାଂସଦ କହିଛନ୍ତି । 

ଭାରତ କରିବ ଭର୍ଚୁଆଲ ଜି-୨୦ ସମ୍ମିଳନୀ, ସମାପନର ଘୋଷଣା ସହ ପ୍ରଧାନମନ୍ତ୍ରୀ ମୋଦି ରଖିଲେ ପ୍ରସ୍ତାବ

ଖଡ଼ଗପୁରରେ ଆୟୋଜିତ ‘ଚାୟ ପେ ଚର୍ଚ୍ଚା’ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଦିଲ୍ଲୀପ ଘୋଷ କହିଛନ୍ତି ଯେ, ପଶ୍ଚିମବଙ୍ଗରେ ବିଜେପି ସରକାର ଆସିଲେ ଏଠାରେ ଥିବା ସମସ୍ତ ବିଦେଶୀଙ୍କ ମୂର୍ତ୍ତୀ ହଟାଇଦିଆଯିବ । ଇଣ୍ଡିଆର ନାମ ବଦଳାଇ ଭାରତ କରିଦିଆଯିବ । ଯେଉଁମାନଙ୍କୁ ଏହା ପସନ୍ଦ ନୁହେଁ ସେମାନେ ଦେଶ ଛାଡ଼ି ଯାଇପାରିବେ ବୋଲି କହିଛନ୍ତି ଦିଲ୍ଲୀପ ଘୋଷ । 

ରାଜ୍ୟର ଆଉ ଜଣେ ବରିଷ୍ଠ ବିଜେପି ନେତା ରାହୁଲ ସିହ୍ନା କହିଛନ୍ତି, ଗୋଟିଏ ଦେଶର ଦୁଇଟି ନାଁ ରହିପାରିବ ନାହିଁ । ସାରା ବିଶ୍ବର ଜି-୨୦ରେ ସାମିଲ ହେବା ପାଇଁ ଦିଲ୍ଲୀ ଆସିଥିବାରୁ ଦେଶର ନାମ ପରିବର୍ତ୍ତନ ପାଇଁ ଏହା ଭଲ ସମୟ । ସେପଟେ ବିଜେପି ପ୍ରକୃତ ସମସ୍ୟାରୁ ନଜର ହଟାଇବା ଲାଗି ପ୍ରଚେଷ୍ଟା କରୁଛି । କାରଣ ମହାମେଣ୍ଟ ଇଣ୍ଡିଆକୁ ବିଜେପି ଭୟ କରୁଛି ବୋଲି କହିଛନ୍ତି ଟିଏମସି ମୁଖପାତ୍ର ଶାନ୍ତନୁ ସେନ । ତେବେ ଆସନ୍ତା ନିର୍ବାଚନରେ ବିଜେପିକୁ ମାତ ଦେବା ଲାଗି କଂଗ୍ରେସ ନେତୃତ୍ବରେ ବିରୋଧୀ ଦଳମାନେ ଏକାଠୀ ହୋଇ I.N.D.I.A ମେଣ୍ଟ ଗଠନ କରିଛନ୍ତି । 

You can also read: ରାସ୍ତାରୁ ଉଠାଇ ନେଇ ମହିଳାଙ୍କୁ ଗଣଦୁଷ୍କର୍ମ, ଜୀବନ ବଞ୍ଚାଇବାକୁ ନିର୍ବସ୍ତ୍ର ହୋଇ ଦୌଡ଼ିଲେ ପୀଡ଼ିତା