ପ୍ରମୂଖ ଖବର
  • ଜଗନ ମୋହନ ରେଡ୍ଡୀଙ୍କ ବିରୋଧରେ ହତ୍ୟା ଉଦ୍ୟମ ମାମଲା, ହୋଇପାରନ୍ତି ଗିରଫ
  • ||
  • ଦକ୍ଷିଣ ମୋଡ଼ ନେଇ ନାକଚଣା ଦ୍ୱାରରେ ଲାଗିଲା ତାଳଧ୍ୱଜ, ଦର୍ପଦଳନ, ଆଜି ନନ୍ଦିଘୋଷର ଦକ୍ଷିଣ ମୋଡ଼
  • ||
  • ଆସୁଛି ଲଘୁଚାପ: ରବିବାରଠାରୁ ରାଜ୍ୟରେ ପ୍ରବଳ ବର୍ଷା, ୧୫ରୁ ୨୧ ଯାଏଁ ଉପକୂଳ ଏବଂ ଦକ୍ଷିଣ ଓଡ଼ିଶାରେ ବର୍ଷିବ
  • ||

ବାୟୁସେନାର ସ୍ୱଦେଶୀ ଏଚ୍‌ଡିଏସ୍: ଯବାନଙ୍କୁ ଅସ୍ତ୍ର ଯୋଗାଇବ ପାରାସୁଟ୍‌, ୨୦ ଟନ୍‌ର ସାମଗ୍ରୀ ଡ୍ରପ୍‌ କରିବ କାର୍ଗୋ ପ୍ଲେନ୍

ନୂଆଦିଲ୍ଲୀ ୧୮/୦୯: ଖୁବଶୀଘ୍ର ସୀମାରେ ମୁତୟନ ଯବାନଙ୍କୁ ପାରାସୁଟ୍‌ ଜରିଆରେ ଅସ୍ତ୍ରଶସ୍ତ୍ର ଏବଂ  ଅନ୍ୟ ଜରୁରି ସାମଗ୍ରୀ ଯୋଗାଣ କରାଯିବ ।  ସେନାକୁ ଯୋଗାଣ କ୍ଷମତା ବଢ଼ାଇବା ପାଇଁ  ଭାରତୀୟ ବାୟୁସେନା ପକ୍ଷରୁ ସ୍ୱଦେଶୀ ହେଭି ଡ୍ରପ୍‌ ସିଷ୍ଟମ୍‌ (ଏଚ୍‌ଡିଏସ୍‌)ର ସଫଳ ପରୀକ୍ଷଣ କରାଯାଇଛି । କାର୍ଗୋ  ବିମାନରୁ ହେଭି ଡ୍ରପ୍‌ ସିଷ୍ଟମ୍‌ ସମ୍ପୂର୍ଣ୍ଣ ଭାବେ ଭାରତରେ ବିକଶିତ ହୋଇଛି ।  ଏହାର ନାମ ରହିଛି ‘ଟାଇପ୍‌  ଭି ହେଭି ଡ୍ରପ୍‌ ସିଷ୍ଟମ୍‌’ ।  ଏହା ମାଧ୍ୟମରେ ବାୟୁସେନା  ୨୦ ଟନ୍‌ ପର୍ଯ୍ୟନ୍ତ ଓଜନର  ଅସ୍ତ୍ରଶସ୍ତ୍ର, ବାହନ ଓ  ସରଞ୍ଜାମଗୁଡ଼ିକୁ ପାରାଡ୍ରପ୍‌ କରିପାରିବ । 

ବାୟୁସେନାର ଅଧିକାରୀମାନେ  କହିଛନ୍ତି, ଏହି ସିଷ୍ଟମ୍‌କୁ ଆଗ୍ରାର ଏରିୟଲ୍‌  ଡେଲିଭରି ରିସର୍ଚ୍ଚ ଆଣ୍ଡ୍‌ ଡେଭଲପ୍‌ମେଣ୍ଟ ଇଷ୍ଟାବ୍ଲିଶ୍‌ମେଣ୍ଟ୍‌ (ଏଡିଆର୍‌ଡିଇ) ଡିଜାଇନ୍‌ ଓ  ବିକାଶ କରିଛି । ବାୟୁସେନା ଏହା ପୂର୍ବରୁ ମଧ୍ୟ  ଏ ପ୍ରକାର ସିଷ୍ଟମ୍‌ର ଉପଯୋଗ କରିଆସୁଛି, କିନ୍ତୁ ସେଗୁଡ଼ିକ ସ୍ୱଦେଶୀ ନୁହେଁ ।  ହେଭି ଡ୍ରପ୍‌ ସିଷ୍ଟମ୍‌ର ପ୍ଲାଟ୍‌ଫର୍ମ  ଆଲୁମିନିୟମ୍‌ ଓ ଷ୍ଟିଲ୍‌ର ମିଶ୍ରଣରେ ନିର୍ମିତ  ହୋଇଛି । ଏହାର ଓଜନ ପ୍ରାୟ ୧,୧୧୦  କିଲୋ । ୭ ହଜାର କିଲୋ ଓଜନ ସହିତ  ଘଣ୍ଟା ପ୍ରତି ୨୬୦-୪୦୦ କିମି ଡ୍ରପ୍‌ ଗତିରେ  କାମ କରେ । 

ହେଭି ଡ୍ରପ୍‌ ସିଷ୍ଟମ୍‌-୧୬ଟି  ଓ ୨୦-ଟି’କୁ ଆଇଏଲ୍‌-୭୬ ହେଭି  ଲିଫ୍ଟ ବିମାନ ପାଇଁ ପ୍ରସ୍ତୁତ କରାଯାଇଛି ।  ଏଥିରେ ବିଏମ୍‌ପି ବାହନ, ଆବଶ୍ୟକ  ଉତ୍ପାଦ ଓ ଗୋଳା ବାରୁଦ ରହିବ । ଏହା  ଖୋଲା ପଡ଼ିଆ, ମରୁଭୂମି ଓ ଉଚ୍ଚ ସ୍ଥାନରେ  ଅବତରଣ କରିପାରିବ । ଏଡିଆର୍‌ଡିଇ ଏଏନ୍‌-୩୨, ଆଇଏଲ୍‌-୭୬ ଓ ସି-୧୭  ଗ୍ଲୋବ୍‌ମାଷ୍ଟର ଭଳି ଟ୍ରାନ୍ସପୋର୍ଟ ବିମାନ ପାଇଁ  ହେଭି ଡ୍ରପ୍‌ ସିଷ୍ଟମ୍‌ର ଭିନ୍ନ ଭିନ୍ନ ପ୍ରକାର  ପ୍ରସ୍ତୁତ କରାଯାଇଛି, ଯଥା- ୩ ଟନ୍‌, ୭  ଟନ୍‌, ୧୬ ଟନ୍‌ ଓ ୨୦ ଟନ୍‌ । ୩ ଓ ୭  ଟନ୍‌ବିଶିଷ୍ଟ ସିଷ୍ଟମ୍‌ ଭାରତୀୟ ବାୟୁସେନା  ଓ ନୌସେନା ପାଇଁ ରହିଛି । ପାରାସୁଟ୍‌  ଜରିଆରେ ସରଞ୍ଜାମଗୁଡ଼ିକୁ ତଳକୁ  ପକାଇବା ପାଇଁ ହେଭି ଡ୍ରପ୍‌ ସିଷ୍ଟମ୍‌ ପ୍ରୟୋଗ  କରାଯାଏ । 

ଆଇଏଲ୍‌-୭୬ ବିମାନ ପାଇଁ  ହେଭି ଡ୍ରପ୍‌ ସିଷ୍ଟମ୍‌ (ପି-୭ ଏଚ୍‌ଡିଏସ୍‌) ରେ ଏକ ପ୍ଲାଟ୍‌ଫର୍ମ ଓ ବିଶେଷ ପାରାସୁଟ୍‌  ସିଷ୍ଟମ୍‌ ଥାଏ । ପାରାସୁଟ୍‌ ସିଷ୍ଟମ୍‌ରେ ୫ ମୁଖ୍ୟ କାନୋପି, ୫ ବ୍ରେକ୍‌ ଶୁଟ୍‌, ୨ ସହାୟକ  ଶୁଟ୍‌, ଏକ ଏକ୍ସଟ୍ରାକ୍ଟର ପାରାଶୁଟ୍‌ ରହିଛି ।  ଏହି ସିଷ୍ଟମ୍‌କୁ ୧୦୦ ପ୍ରତିଶତ ସ୍ୱଦେଶୀ  ସାଧନ ସହ ବିକଶିତ କରାଯାଇଛି । ପି-୭  ଏଚ୍‌ଡିଏସ୍‌କୁ ସୈନ୍ୟବାହିନୀରେ ସାମିଲ  କରାଯାଇଛି । ପି-୭ ହେଭି ଡ୍ରପ୍‌ ସିଷ୍ଟମ୍‌ର  ନିର୍ମାଣ ଚାଲିଛି । ପାରାସୁଟ୍‌ ଉପରେ ତେଲ  ଓ ପାଣିର କୌଣସି ପ୍ରଭାବ ପଡ଼େ ନାହିଁ ।  ଏଗୁଡ଼ିକୁ ଦୀର୍ଘ ସମୟ ପର୍ଯ୍ୟନ୍ତ ବ୍ୟବହାର  ମଧ୍ୟ କରାଯାଇପାରିବ । ଡିଆର୍‌ଡିଓ ଦୀର୍ଘ  ସମୟରୁ ଏହି ସିଷ୍ଟମ୍‌ର ନିର୍ମାଣ ପ୍ରସ୍ତୁତି  ଚଳାଇଥିଲା । ୫ ବର୍ଷ ହେଲା ହେଭି ଡ୍ରପ୍‌  ସିଷ୍ଟମ୍‌ର ପରୀକ୍ଷା ଜାରି ରହିଛି ।

  • PrameyaOdia
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.