ବାରାଣସୀ,୧୦/୦୨: ବାରାଣସୀର କାଶୀ ବିଶ୍ୱନାଥ ମନ୍ଦିରର ପୂଜାରୀଙ୍କ ଦରମା ୯୦ ହଜାର ହେବ । ମନ୍ଦିର ନ୍ୟାସର ୧୦୫ତମ ବୈଠକରେ ୪୧ ବର୍ଷ ପରେ ପୂଜାରୀ ସେବା ନିୟମାବଳୀକୁ ନେଇ ଏହି ନିଷ୍ପତ୍ତି ହୋଇଛି ।
ବୈଠକରେ ଆହୁରି ନିଷ୍ପତ୍ତି ହୋଇଛି, ମନ୍ଦିରରେ ପୂଜାରୀମାନଙ୍କର ମୋଟ୍ ୫୦ ପଦବୀ ରହିବ । ପଦବୀ ପୂରଣ ପାଇଁ ବିଜ୍ଞାପନ ଜାରି କରାଯିବ । ବୈଠକର ନିଷ୍ପତ୍ତି ଅନୁସାରେ, ମନ୍ଦିରର ମୁଖ୍ୟ ପୂଜାରୀଙ୍କ ଦରମା ୯୦ ହଜାର, କନିଷ୍ଠ ପୂଜାରୀଙ୍କୁ ୮୦ ହଜାର ଓ ସହାୟକ ପୂଜାରୀଙ୍କୁ ୬୫ ହଜାର ଦରମା ମିଳିବ।