ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଅଭିନେତା ଅନୁଭବ ମହାନ୍ତିଙ୍କୁ ଟାର୍ଗେଟ କଲେ ମନୋଜ ମିଶ୍ର, ଲେଖିଲେ- ସୁଧୁରି ଯାଅ ନଚେତ୍...

ଭୁବନେଶ୍ବର,୫/୧୨ :  କିଛିଦିନର ନିରବତା ପରେ ପୁଣି କେନ୍ଦ୍ରାପଡ଼ା ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କୁ ଟାର୍ଗେଟ କରିଛନ୍ତି ଅଭିନେତା ମନୋଜ ମିଶ୍ର । ମୁଁ ଭୁବନେଶ୍ୱର ଛାଡ଼ି ସାରିଲିଣି, ତଥାପି ତମ ମନ ଶାନ୍ତି ହେଇନି ? ଏଭଳି ଲେଖି ଶ୍ରୀ ମହାନ୍ତିଙ୍କୁ ଟାର୍ଗେଟ କରିଛନ୍ତି ଶ୍ରୀ ମିଶ୍ର । ନିଜ ସୋସିଆଲ ମିଡ଼ିଆ ଆକାଉଣ୍ଟରେ ସେ ଆଜି କରିଥିବା ପୋଷ୍ଟରେ ଏଭଳି କିଛି ଦେଖିବାକୁ ମିଳିଛି । ଯାହା ଖୁବ୍ ଏବେ ଭାଇରାଲ ହେବାରେ ଲାଗିଛି । 

ସେ ଲେଖିଛନ୍ତି, Mr Anubhav Mohanty ମୁଁ ଭୁବନେଶ୍ୱର ଛାଡ଼ି ସାରିଲିଣି, ତଥାପି ତମ ମନ ଶାନ୍ତି ହେଇନି ?  ଲାଗୁଛି ତମେ ଓଡ଼ିଶା କୁ ଭାଗ ଭାଗ କରିକି ହିଁ ଛାଡିବ । ଅଜୟ ପାଢ଼ୀ ସହିତ ଫିଲ୍ମ କରୁଛ ଯଦି ଫିଲ୍ମ କର, ତା ସହିତ ମିଶିକି ମୋ ବିରୁଦ୍ଧରେ ଷଡ଼ଯନ୍ତ୍ର କାଇଁ କରୁଛ । ତମେ ଜାଣିନ "ମା ସମଲେଇ" ମୋ ପାଇଁ ଅଛନ୍ତି, ତମର ସବୁ ପ୍ଲାନ୍ ମତେ କହି ଦେଉଛନ୍ତି । ତମେ ଯାହାକୁ ବି କହିଛ ଯେ "ସକାଳୁ ମନୋଜ ମିଶ୍ରର ବେହେନେ ସିରିଏଲର ଫଟୋଟେ ନେଇ ସମ୍ବଲପୁରୀ ଭାଷାରେ ଲେଖ, ମହା ଖଳନାୟକଙ୍କର ମହା ଖୁଲସା" ସେଇ କଥାର ପ୍ରମାଣ ବି ମୋ ପାଖରେ ଅଛି । କାଇଁ ଏମିତି ହେଉଛ। ତମେ ଆମ କେନ୍ଦ୍ରାପଡ଼ାର ଜନପ୍ରତିନିଧି ଏମିତି ଯଦି କରିବ, ତାହେଲେ ଆଗକୁ ତମ ଉପରେ ଲୋକଙ୍କର କ’ଣ ଆଉ ଭରସା ରହିବ ବୋଲି ସେ ପ୍ରଶ୍ନ ଉଠାଇଛନ୍ତି ।

ସେହିଭଳି ସେ ଆହୁରି ମଧ୍ୟ ଲେଖିଛନ୍ତି, ଗତକାଲି ତମର ଜଣେ ଚେଲା ମତେ ପରୋକ୍ଷ ଭାବେ ଟିଭିରେ କହୁଥିଲା "Villain ଟା Villain ହେଇକି ରହ, ହିରୋ ହେବାକୁ ଚେଷ୍ଟା କର ନାହିଁ" । ତାଙ୍କୁ କହିଦେବ ମୁଁ ଭୁବନେଶ୍ୱର ଛାଡ଼ି ଦେଲି ଏବେ ସମ୍ବଲପୁରରେ ରହିବି ଆଉ ତମ ମାନଙ୍କର କୌଣସି ଅସୁବିଧା ହେବ ନାହିଁ । କିନ୍ତୁ ଏମିତି ମୋ ବିପକ୍ଷରେ ଷଡ଼ଯନ୍ତ୍ର କରିକି ସମ୍ବଲପୁରୀ ଭାଷାକୁ ନିଜେ ଗାଳି ନ ଦେଇ ନିଜ ଚେଲାମାନଙ୍କୁ ଶିଖେଇ ସେମାନଙ୍କ ଜରିଆରେ ସମ୍ବଲପୁରୀ ଭାଷାକୁ ଗାଳି ଦେଇ ପଶ୍ଚିମ ଓଡ଼ିଶାର ଲୋକଙ୍କ ହୃଦୟକୁ କଷ୍ଟ ଦିଅ ନାହିଁ ।

ବି: ଦ୍ର: ଯେଉଁମାନଙ୍କୁ ଲାଗୁଛି ମୁଁ ପୁଣି କାହିଁକି ଏ ସବୁ ପୋଷ୍ଟ କଲି, ଦୟାକରି ମତେ ଗାଳି ଦେବା ପୂର୍ବରୁ ନିର୍ଦ୍ଦେଶକ ଅଜୟ ପାଢ଼ୀ ଏବଂ ଅନୁଭବ ମହାନ୍ତିଙ୍କୁ ପଚାରନ୍ତୁ । ମୁଁ କାହିଁକି ଏ ସବୁ ପୋଷ୍ଟ କରିଛି । 

( ମୁଁ ତ ଚୁପ୍ ହେଇ ମୋ କାମରେ ଧ୍ୟାନ ଦେଇ କାମ ଆରମ୍ଭ କରିବାକୁ ଚେଷ୍ଟା କରୁଛି, କିନ୍ତୁ ଜନତାଙ୍କ ସାମ୍ନାରେ ଭଦ୍ର ଦେଖେଇ ହେଇ ମୋ ପଛରେ ଷଡ଼ଯନ୍ତ୍ର କାଇଁ କରୁଛ । ଜନସାଧାରଣଙ୍କ ଇମୋସନ୍ସ ସହିତ କାଇଁ ଖେଳୁଛ ? ତୁମେ ମାନେ କରୁଥିବା ଷଡ଼ଯନ୍ତ୍ରର ପ୍ରମାଣ ବି ଅଛି ଦରକାର ପଡ଼ିଲେ ପୁରା ଓଡ଼ିଶା ଜାଣିବ । ଧମକ ଦଉନି, ବୁଝାଉଛି । ସୁଧୁରି ଯାଅ ନଚେତ୍......)

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.